رواتب الابتعاث، وجهة نظر لكي لاتتلحطي أختي العزيزة (يمنع رفع النقاشات القديمة)

متابعة النقاش، صفحة 11

شاركي في النقاش

سجلي الدخول لإضافة تعليق.

التعليقات

153
  1. صاحبة الموضوع
    خواتي اشكركم على نقاشكم الثري

    وفعلا المسألة تختلف من طالب لطالب ومن اسرة لأسرة وبلد لبلد

    لكن ارجع اقول ان شالله بالتدبير على الأقل الأمور تخف

    طبعا انا تكلمت عن وضعي لأني انا وزوجي ولسه ماعندنا اطفال ولاعندنا نية نجيب ومقترين على انفسنا بقوة عشان نقدر نحصل قيمة السيارة والاجار لما نرجع السعودية باذن الله لأن انا مو موظفة بالسعودية وزوجي راتبه عليه اقساط يعني حسابه بالسعودية صفر وانا حسابي بسامبا سالب ريال و75 هللة

    بالنسبة للإخوات اللي عندهم اطفال فعلا الوضع مأساوي (شوي) خصوصا اذا الأم ودها تدرس واتصور المفروض الملحقيات يحطون بند الحضانات او الرعاية الصحية على الاقل

    اتذكر العام الفايت اول مادخلنا برايتون وهم صجونا انهم بيسوون تأمين شامل صحي ولاشفنا منه شي حقيقة (طبعا اتكلم عن ملحقية بريطانيا) بس حسب علمي ان فيه مستشفيات متعاقدة مع الملحقية وتعالج الطلاب السعوديين على حساب الملحقية

    وهنا دوركم تدورون عليها وتسألون عنها في ملتقى الطلاب السعوديين لأن انا حقيقة ماقد استفدت من هالخدمة ولاادري عنها كثير


    ارجوكم اخواتي اتمنى تتسع صدوركم للنقاش لأن انا كتبت كلامي من واقع حياتي ماعندي اطفال ولذلك قلت ان السيارة من الكماليات خصوصا في بريطانيا حيث كل البلاد مربوطة بنظام مواصلات جيد بفضل الحكومة الرشيدة

    اذا وحدة تشوف انه العكس فرأيها ا على عيني وراسي من فوق

    والله يفتحها على الجميع
  2. صاحبة الموضوع
    ميراكل اتوقع لو زوجك يروح لمكتب الانتناشيونال ستيودنت يوفرون وظايف للطلاب داخل الجامعة

    وانتي تقدرين تشتغلين من الانترنت لو تقدرين ...امريكا كلها وظايف للي بيدور ان شالله بس المشكلة ماودك انك تسوين شي مو قانوني فالأفضل انكم تروحون مكتب الانترناشيونال ستيودنتس وبيوفرون لكم وظايف على بند انكم طلاب

    في بريتن كذا النظام الجامعات توفر لطلابها وظايف داخل الجامعة او خارجها لكن على بند انهم طلاب يعني حتى لو فيزتهم مافيها عمل
  3. صاحبة الموضوع
    واثقة الخطا
    ياحليلك الله المستعان بس انا اقولك من جهة تكفي تكفي بس بالتضييق والتقتير لا وحلوه نوفر بعد لابالله هلكنا غربه وتوفييييييييييييييير ياسلام ومن جهة السياره اسمحيلي فيها هي ضروريه جدا خصوصا للي عنده اطفال لو سمح الله واحد من عياله صار له …
    ياخيتي بالعكس الطبيعي ان الحرمة هي اللي تقتصد وتفكر في مصلحة بيتها لأنه بيتها

    حنا ياخيتي نتزوج نبي الرفعة والستر .....

    والحرمة اذا ماوقفت مع رجلها في هالظروف متى توقف ؟

    انا ورجلي ماعندنا مصدر دخل ثاني والحمد لله ان ماعندنا ....وجعله مايمن علينا أحد ياخيتي لاأهله ولاأهلي

    واهلنا ماراح يقصرون لكن الله لايحدنا على خلقه

    وعشان اضحكك اكثر انا قاعدة ادور مصدر دخل على الانترنت عشان اساعد زوجي لارجعنا (يعني احاول اشتغل وانا هنا مع اني مشغولة بالدراسة تماما):p


    واذا على الترفيه الله يخلي حدايق ام تشارلز اللي واقفتها للعباد والبلاد ....بريطانيا كلها واحد عشب وخياس ووجيهن ودرة ولا امطرت ربّعت الدنيا وش ترفيه :22:

    احيانا الجامعة تعطي رحلات ترفيهية مجانية بس ماقد رحت معاهم...

    انااذا القيت وقت قمت اكنس البيت واغسل الهدوم ولاقعدت اتهاوش انا ويا ابونا اوسّع صدري:D
  4. صاحبة الموضوع
    * براءة *
    صح لسانك والله :44: والله يابدور المكافأة ماتكفي أبددد ... >>> يقالك صرت اقتصادية وإلا أطبخ إلا في البيت و..و.. >> برضه خلصت المكافأة في نص الشهر :icon33: >>>لولا الله ثم لولا بعض التدبيرات منا ومنا كان رجعنا من زمااااان.. إلا يابنات…
    براءة عمري انتي بكاليفورنيا وحسب ماسمع انها غالية مرة

    روحي ياأمي لمكتب الانترناشيونال ستيودنتس يوفرون وظايف للطلبة

    او في المعهد حقكم خل يروح رجلك للمدير ويشرح له حاجته للعمل وممكن جدا يلقى له وظيفة بارت تايم وانتي بعد
  5. @olive_oil

    بدّورة الحلوة
    براءة عمري انتي بكاليفورنيا وحسب ماسمع انها غالية مرة روحي ياأمي لمكتب الانترناشيونال ستيودنتس يوفرون وظايف للطلبة او في المعهد حقكم خل يروح رجلك للمدير ويشرح له حاجته للعمل وممكن جدا يلقى له وظيفة بارت تايم وانتي بعد
    بدور الحلوه ..... الحقيقه كلامك فيه شي من الصحه ... وهو ان احنا لازم نحاول نخفف من امور الترفيه ... بس والله يا وخيتي بامريكا صعب كل شي عندهم بفلوس ... يخرب بيوتهم ادور لي مكان اجلس فيه نفسي اطلع بر بلا فلوس ......مافيه
    ما يمديني انزل الكراسي وامد رجولي الا والقارد فوق راسي يقولي ممنوع ...
    الحين الايجار 963
    وفواتير الكيبل 80
    والماء والكهرب بصراحه مدري بس قولي مثل ما قالوا البنات 130
    البنزين 280 وتامين السياره 80
    واغراض المطبخ 600
    عندي طفلين وما اشتري الا الاساسيات من جيت ... هذا وزوجي عسكري يعني عنده راتب ثاني وحلمنا نوفر علشان مثلكم نشتري سياره ونلقى بيت ....

    بالله عليك الطلاب وش يسووون ..... لا والله صعبه ... واللي يقهرك ان طلبهم منطقي يعني زيادة رواتبهم ما راح يكلف الدوله ذاك الشي .... كلامك منطقي جدا اذا دولتنا تعجز تحسن الدخل ... بس هي مو عجزانه

    الله يهنيك ويساعدك توفري تشتري ذاك اليوكن الفضي :D

تابعي تجارب أخرى من هذا القسم.