شاركي في النقاش

سجلي الدخول لإضافة تعليق.

التعليقات

33
  1. @tolan_1

    ترا غلط اختي تقولين بطلعك من قلبي مثل ماطلعت ابوك حتى لو نار بينكم الي اعرفه لازم الاولاد يحسون انكم تحبون بعض عشان يحترمونكم فهميها بطريقه غير مباشه انك تحبين ابوها بس ماتحبين تصرفاته وادعي دايم الله يخلي لي ابوكم من هالكلام حتى لو من وراء قلبكم ابنات خاصة اي توت بين الام والاب ياثر على نفسيتهم حتى مع ازواجهم واولادهم واحفادهم بعد واسال مجرب ولاتسال طبيب وبالتوفيق للجميع
  2. @la_llkhltat

    ليش تحسسي بنتك انو انتي وابوها حزبين منفصلين؟
    هذا اكبر غلط بالتربية .. المفروض حتى لو ما تعجبك صفات ابوها دامك راضيه انو تستمر الحياة بينكم فما يصير تطلعينه من حياتها مهما كان

    الوالدين لازم يكونوا (امام الابناء) مع بعض بكل شي .. وتحاولي تظهري لهم انو اي قرار جاي منك ومن ابوها مع بعض علشان تعرف انو هذا الصح

    اما اذا صار واحد شديد وواحد متساهل بيصيروا هم ياخذوا الشي اللي يبونه من واحد والثاني ماله احترام وهذا غلط


    وانتي بعد لاتشوهي نظرتها لابوها .. لا عمرك تذمية ابدا (حتى لو كان ما يستاهل) .. مو علشانه هو علشان بنتك .. الابو قدوة ولازم تشوفه بيرفكت فيه نظرها

    واذا هو عصبي هي بتعرف هالشي من نفسها وبتميل لك اكثر من ابوها ..

    لكن اذا جلستي تتشكي منه وتذميه او تشوهي صورته راح تكرهك انتي .. لانه بالنهاية ابوها مهما كان ..


    اهي بسن مراهقة الحين وتربيتهم صعبة .. وغالبا البنت لما تكبر تنفصل عن امها وتبدى تتعلق بابوها اكثر ..

    الله يهديها لك
  3. فترة وتعدي.. اللي خلاك تصبرين على الرجال اكيد بيخليك تصبرين على ضناك .. تكبر وتعقل
    الله يريك نفعهم

تابعي تجارب أخرى من هذا القسم.