شاركي في النقاش

سجلي الدخول لإضافة تعليق.

التعليقات

28

  2. @gory_70

    الله يشفيه ويعافيه أن شاء الله

    مادري شقولج .. لكن ما نصحج تخلين ولدج عرضه لناس هذي

    وانتي ابخص ..

    للعلم لو اقولج عن ولدي ... وعن المشاكل الي مريت فيها .. تحمدين الله على عطياه

    وعلى فكره ولدي عنده تشنجات والله ممكن تقولين ابالغ .. يجيه في اليوم فوق 40 تشنج تخيلي

    وسلمت امري لله واهل الطب ..

    والحمدالله ..

    صارله كم شهر مايجيه كثير والحين صارله شهرين ما الاحظ عليه تشنج

    للعلم الي قال وديه مطاوعه والي قال وديه لحريم يعالجون بالعشاب وممكن براسه هوا

    وسوااااااااااالف مالها اخر .. الوكاد..

    رحت وديته لبعض المطاوعه .. اعذروني على كلمتي مو تشكيك فيهم او طعن فيهم لكن .. جهله للاسف

    وكنت بوديه لحرمه تعالج بالعشاب لين سمعت سوالفها مع الحريم وكيف مصدقينها رغم تصرفها منبع من جهل ايضا

    غيرت راي

    والعلم تطور يالغاليه ولدي زارعين له جهاز عشان يرسل ذبذبات للمخ تخف من حدت التشنج

    والحمدالله .. مع الادويه ولدي تحسن ..

    وللعلم ..

    الطيحات على الراس تسبب شحنات كهربائيه زايده وهالشحنات تسبب تشنج

    وممكن ايضا تكون في بقعة دم بسبب الطيحه وهم يسبب تشنج

    فا يالغاليه ..

    انتي ابخص في ولدج..

    لكن طالبتج ..

    لاتزيدين عذابه بالكي .. لان علاج بصراحه متخلف .. والمشكله اكويه دون ماعطيه اي مسكن او مخدر

    يااااااااااالله شنو هالقلوب القاسيه الي تخلي طلفها بين ايادي المتخلفين

    والله المستعان

  3. @brlanth

    صاحبة الموضوع
    الله يفرج همكم يارب
    جوري الله يشفي ولدك يارب وتفرحين فيه وعلى فكره انا ماافكر اكوي ولدي ابدااا لا انا سمعت انو في حريم يكون بطريقه غير يحرقون قماش ويطفونه يكمدون فيه بس يسمونها الرنقشه اضن فهمتي وهاذي الطريقه ماتحرق الجلد ولاتترك اثر
    عشان كذه اتحمست اسويها لولدي وكمان عندهم عسل مخلوط ممتاز لصرع ولو عرفت معلومات اكثر او وديت ولديي راح اخبرك ان شاء الله
    بغيت اسالك عن الجهاز انا قلي الدكتور عليه بس خفنا نسويله فين سويتو العمليه وكيف استفاد منها ولدك وين مكانها بظبط يفتحون راسه احس حرام يسوي عمليه وما ادري وش نتايجها يعني تمنع التشنج ولاتعطي انذار قبل التشنج
    وااسال الله العظيم ان يشفي ابنك وابني وابناء المسلمين ويفرج همنا يارب

  5. @gory_70

    الله يجزاج خير على الدعوه الطيبه

    بعدين من قال لج انه يفتحون الراس ؟

    ياعمري ..

    الجهاز يزرعونه تحت الجلد ومكانه يم اباطه جهة اليسار ويكون متصل بعصب بالرقبه

    وسويتها بأمريكا .. وعند افضل دكتور من بعد فضل ربج

    للعلم الدكتور الجراح الي سوا عملية ولدي هو نفسه الي سوا عملية الشيخ جابر الله يرحمه

    والحمدالله ماحصل معاه اي مضعافات ونجحت الزراعه وستفاد ولدي منه كثير ..

    والجهاز عباره ..عن ذبذبات كهرابائيه يرسلها لمداغ بنتظام .. وهالذبذبات تحد من الشحنات الكهربائيه بالدماغ وتمنع التشنج

    وفي حالة تشنجه ..مثلا ..

    الانسان المدرك الواعي تكون في اعراض تنبه قبل لا يدخل بمرحلة تشنج ..

    وفي جهاز أخر خاص مثل الساعه يلبسه المريض وقبل حدوث التشنج يمرر الساعه على الجهاز المزروع فا يرسل ذبذبات

    يحد من تشنج ويوقفه تماما ..

    طبعا يختلف هالامر من مريض للاخر ..

    وطبعا في حالة الشخص الغير مدرك او طفل طبعا أحد الوالدان او شخص معاه يمرر الساعه على الجهاز ..

    هذي نبذه بسيطه عن الجهاز ..والحمدلله طفلي صارله 3 سنين زارعته وفي تحسن واضح رغم مشاكله كثيره

    في بعض الاطفال او الاشخاص يكتفي بالجهاز ولا يستخدم اي دواء .. لكن طفلي الحمدالله

    عنده شانط اورام بالدماغ منتشره وهالاورام تعتبر ( تدكسات دهنيه ) غير تكوين المخ غير طبيعي

    وزياده في موية الراس .. وفي حالة تشنجه للاسف يتشنج الدماغ كله ..

    يعني يالغاليه مشاكله كثير والحمدالله ..

    وفوق هذا بعد فضل ربج وامره .. استفدت من الجهاز كثيرا

    وللعلم كل ماكبر الطفل خفت عنده التشنجات

    واي استفسار او معلومه حاضره .. وللعلم عندي كتولوجه بالكويت اذا ربج كتب ورجعت ممكن اصوره لج ونزله لج في موضوع :)

    وغير هذا وهذا .. في دكتور بالرياض مطلع ودارس واشتغل مع دكتور ولدي .. راح اسأله وتأكد من اسمه ان شاء الله

    وللعلم في دكتوره بالخبر ... اسمها ( ريضه ) نسيت اسم ابوها هم يمدحونها دكاتره الاعصاب لان هم اشتغلت ودرست عندهم

    والله يشفي اطفالنا واطفال المسلمين ويسخر لنا اهل الطب ان شاء الله

تابعي تجارب أخرى من هذا القسم.