أنا كويتيه بس أموت بالمندي .. و الأكلات السعوديه .. سؤال بسيط ؟؟ عن التنور بليز ؟

السلام ... خواتي .. أدور بالنت من اليوم .. عن المندي ..


وأشوفهم يدفنونه و يحطون اللحم على طول على الجمر ..؟؟


بس مجرد أعشاب بسيطه بينه و بين الحمر .. ما تسوي شيء ؟؟


السؤال أنا فبيت رزوجي ما عندي حديقه ..؟؟ شلون أقدر أسوي هالمندي ؟؟


أو اللي ما تعرف على الأقل بسويه في بيت أهلي عندهم حديقه كبيره أقدر أحفر فيها على هواي هههههههه


أرجوكم أنا بحوام .. وبموت على مندي ..

علمني شسوي بالحفره .؟؟


وتضمنونلي إن اللحم إذا حطيته على الجمر .. ما يصير كله رماد ؟؟


ودمتم سالمين ...

أمنتضر ردكم .. بعطيه للوالده وبقولها تسويه لي ... أرجو الوضوح بالرد .. وتسلمون يا أحلى عضوات بالعالم ..

5 تعليق 1,166 مشاهدة

شاركي في النقاش

سجلي الدخول لإضافة تعليق.

التعليقات

4
  1. @asghr_tbakhh

    هلا حبيبتي مايحتاج حفر ولاتعب

    شوفي انتي قومي غسلي اللحم

    بعد كذا قطعي البصل مكعبات كبار وشوحيه مع هيل ومسمار وكمون حب وضيفي اللحم والمويه والماجي الابيض والملح
    اتركيه يطبخ ساعه الاعشر دقايق
    بعد كذا شيلي اللحم ونظفي المويه من البصل والبهارات الحب
    كبي الرز وحطي فلفل اخضر واتركيه يطبخ واذا نشف تكونين جايبه كسرتين جمر
    حطي صحن فيه زيت بوسط الرز ورجعي اللحم وحطي الجمر بوسط الزيت وسكريه غطا الرز على طول وقصدريه
    وقبل هذا كله رشي الرز مع اللحم بشوي مويه مع زعفران وكركم بعد كذا اذا كان رزك ناشف حطي ملعقة سمن بري
    قصري عليه ربع ساعه واتستعي بالذ مندي
  2. صاحبة الموضوع
    شنهو السمن البري ؟؟؟


    نفس الدهن العداني عندنا ..؟؟؟ اللي يكون أصله من زبد اللبن ..؟؟ و يذوبونه على النار ويحطون عليه كركم و بهار و وعيش مدقوق ؟؟

    ( عيش = رز ) ..؟؟


    هذا هو ؟؟


    زين انا أبي أسوي حفره. .... توني مخلصيه كورس صيفي وفاضيه بصراحه .. حيييييييييل حييييييييل ..


    و أبي أحفر و أدفن .. هههههههههههههه


    أبي حفره شكله وحامي بالحفر مو بالمندي ..

    ومره سويت هالطريقه مع الدجاج طلع عادي .., أقل من عادي. . مو ذاك الزود أصلا ..



    بس الرز بسمتي وإلا رز البخاري ..؟ ؟
  3. @asghr_tbakhh

    ايه نفسه بس اذا كان رزك مدهن لاتحطين سمن مايحتاج
    الرز ايه البسمتي العادي
    وبالنسبه للحفره احنا عندنا حفره بحديقتنا بوسطها برميل حق المندي بس مانستخدمه ويصير معاه غطا عشان مايدخله غبار
    بس ماستخدمناه من اسنين

    بس اذا تبين طريقته اسأل ابوي لان هو الي يسويه بالحفره
    زمان لكن الحين محد يسويه
  4. @simplicity

    اختي

    اعتقد ان اللي شفتيه مو مندي ..لان المندي الرز هو اللي يكون فوق الجمر طبعا بقدر والدجاج او اللحم فوقه..اتوقع ان اللي شفتي صوره مدفون او حنيذ ...

    ومثل ماقالت الاخت مو لازم حفره وحوسه..

    وفيه هنا عندنا افران خاصه لمندي يشترونها الناس اريح من الحفره..

تابعي تجارب أخرى من هذا القسم.