مشلكتي كبييييييره والله أكبر أدخلو الله يدخلكم الجنه يااااااارب

الله يهديك ويشفيك

عادي حبيبتي الشيطان يجري بأبن ادم مجرى الدم لاتعطين الموضوع اهمية عشان ماتفكرين واذا جاك الوسواس قولي لنفسك مسكين تبي توسوس تبطي والله حتى لو جتك الافكار خليها عادي والله عن تجربة الله يعافيك

الله يفرج كربك ويزيل عنك الوسواس

يا عزيزتي نوكيا هاللي تشعرين فيه تراه مر على الصحابة رضي الله عنهم وهذا يخليك تطمنين انه ليس بدليل على نقص ايمانك إن شاء الله هو مثل ماقلتي وسواس ومصدره الشيطان قد يكون عزمتي على امر يرضي الله والشيطان بدأ في الهائك عن هالأمر لأن الشيطان مايبيك تتقربين إلى الله لكن انتِ خليك قوية بالله وحاولي تركزين على التقرب لله والاستغفار وقراءة القران لأن هذا هو اللي بيخلي الشيطان يبعد عنك ويمل منك

انا مرت علي هالحالة وصرت أحياناً صلاتي اعيدها 5 أو 6 مرات الله يبعد عنا كل وسواس والحمدلله قدرت اتخلص منها بفضل الله لكن بعد ما استمرت معاي سنة لأني ماكنت ادري انه وسواس احسب اللي اسويه صح

فيه امور لازم تقتنعين فيها وهي:

اعرفي ان كل هاجس يجيك هو من عدوك الشيطان فعانديه حاولي تطنشين كل هاجس وتقولين في نفسك لايكلف الله نفساً إلا وسعها

لكن احرصي انك تتقربين لله بالعبادات ولا تتركين اي عبادة انت مواضبة عليها لأن تركك لها نصر لشيطان لأن هذا اللي هو يبيه وراح يتمادى معاك الوسواس اكثر وأكثر

حاولي تقرين الفتاوى للأمور اللي تشكين فيها

فيه شيخ يقول إذا مثلا استمريتي كم يوم وانت تشكين بكل صلاة اعرفي ان هذا وسواس واقطعي الشك وكملي صلاتك وأنتِ مطمئنة وهذا ينطبق على كل الاعمال

عندي حركة كنت اسويها ممكن انها تضحك: إذا جيتي تسوين عمل وحسيتي انك بديتي توسوسين مثلا: ساعدتي امك في امر وجاك الشيطان وقالك: ايه موب لله

قولي في نفسك وخير ان شاء الله هذا بيني وبين الله وبعدين مايضر لو خليتها لله ثم عشان بناتي يساعدوني موب حرام
واستمري في عملك لأن الشيطان يوسوس لك بس عشان تتركين مساعدة امك

والله يفرج همك

ياغلية ترى حتى الصحابة كانو يشتكون من الوسواس و كان الرسول صلى الله عليه وسلم يقول ( الحمدلله الذي رد كيده إلى الوسوسة )
يعني هذا اللي قدر عليه الشيطان بس انتي عليك بكثرة الاستعاذه و كرري آمنت بالله و الله يكفيك ما أهمك