قصصكم مع الدعاء المستجاب نجمعها لنبث الامل والايمان وحسن الظن بالله تعالوا نجمعها ف

.................................................................

ماشاء الله اخواتي الكريمات ادعو لي بالزوج الصالح لي وبنات المسمات اللذي يقر عيني ويستر علينا دنيا واخره يارب عاجلا غير اجل ......

انا ولله الحمد والشكر عندي قصص كثييييييييره مع الدعاء بس اتحملوني شوي

1-والله يابنات شي ماتصدقونه بعد ماتخرجت من الثانويه بعد جهد وتعب ومشاكل بيني وبين زوجي وطبعا كانت النسبه نازله ولم يتم قبولي بالكليه وكنت اتردد بالكليه اسبوعين مدة القبول لعل وعسى انقبل المهم كانت النسبه اللي وقفو عليها اكثر من نسبتي وكان اخر يوم بالقبول يعني

ماااااااافي امل لانه خلاص الكليه راح تقفل ورب الكعبه يابنات ان جاني احبااااااط ورحت للبيت ودموعي على خدي هذا غير شماتة زوجي لي لانه مايبغاني ادرس المهم رجعت البيت وانا محروووووووووقه واستقبلت القبله وجلست ادعي وانا رافعه يدي وابكي وابكي بشده وبالم المهم لما جا يوم السبت وهذا اليوم المفروض الكليه فيه تقفل جاني اتصال من اختي تقول مكرمه ملكيه نزلز النسب بالقبول يني راح تنقبلين ورحت طيراااان على الكليه وفعلا كانت مكرمه ملكيه والحمد لله انقبلت

2-لما تخرجت من الكليه رحت للديوان بقدم شفت العجب العجاب بعدد المتقدمات والي تقول لها خمس سنوات واللي عشر سنوات متخرجه ووتقديرهم افضل من تقديري وكل سنه تقدم ومايصير تعيين وانا ياحليلي هذي السنه الي متخرجه وجايه انا وملفي فقدت الامل ولا تحمست ولا اعطيتهم ملفي وانسحبت ورحت للبيت المهم قلت لامي ادعيلي اني اتوظف المهم سبحان اله بالصدفه اتصلت صاحبت اختي عليها وعلمتها ان مدرسه بقريه محتاجه لنفس تخصصي ورحت بسرعه اتحملت السفر والمشقه وانا ادعي وامي تدعي لي اختصر لكم القصه لانه طويله المهم لما رحت اقدم على الادارة الي تابعه لها المدرسه قالو الغينا التعاقد ومانعاقد احد بالفتره هذي وامي لله يحفظها ويطول بعمرها لمن درت اخذت تبكي وتدعيلي والله والله والله بعد كم ساعه اعطوني عقد الوظيفه وتوظفت والحمد لله كله من فضل الله وفضل دعاء امي لي

3- طبعا هذي الوظيفه كمعلمه على بند محو اميه يعني مو رسميه المهم فتح الديوان من السنه الجايه وقدمت وانا معايا شهادة خبره
لمدة سنه يعني افضل من لاشي المهم ادعي اني اترسم وظيفه رسميه بصلاتي واخر الليل وانا خااااااشعه ومتضرعه والله بعد دعائي احس ان دعائي سيستجاب واحس ان السنه هذي راح اترسم احساس والله وفعلا ولله الحمد والشكر اترسمت واصبحت
معلمه رسميه

4- قصة اختي عندها 3 اولاد وخايفه تحمل وتجيب ولد المهم اختي تدعي كل يوم في صلاتها وعند صومها وحملت وجابت بنت ولله
الحمد والشكر

5- قصة اختي الثانيه تزوجة رجل راتبه واقف على الف ريال ومايزيد له 16 سنه مايزيد الراتب المهم انا اعرف انها تدعي علشان يزيد راتبه
وقبل يومين جات تقولي ابشرك ان زوجي زودوله راتبه ولله الحمد والشكر

6- واختي اللي عمرها وصل 28 سنه وماحد تقدم لها ولا احد دق الباب والله اني حزنتلها حسيت ان عمرها كبر المهم جلست ادعي لها وماقلتلها لاني ابغاها دعوه في ظهر الغيب وقلت لاختي الحامل لاتنسين اختك ادعيلها ان الله يجيب لها الزوج الصالح لان دعوة الحامل وقت الولاده مستجاب وفعلا اختي دعت لها وقت الولاده والله ماكملت سنه الا جايي لها خطيب بس ربي ماكتب نصيب لها وبعده بشهر جاها خطيب ثاني فيه كل مواصفات الحلوه وملكتها بهذا الشهر ولله الحمد والشكر


سامحوني طولت عليكم بس حبيت اقلكم لاعطيكم الامل والايمان وحسن الظن بالله بس انتم استمرو بالدعاء وان شاء الله راح تشوفين كل خير

عمتي ايام الاختبارات مستحيل اتذاكر مافيه امل

انه تذاكر المهم كان بكرى الشهادات ودقت على المدرسه تسالهم

اذا هي ناجحه ولا لا

قالت المديره انها راسبه في مادتين ماحلت فيهن شي ابد

يعني مافيه امل انه تنجح

قعدت المسكينه تبكي لانها عايده السنه مرتين قبل كذا

واللي اصغر منها خلصوا الثانوي وهي ماخلصت


المسكينه من القهر اللي فيها قامت طول الليل تبكي


وتدعي انها تنجح بس والله العظيم ماصار الصبح الا وتدق امي على

المدرسه تسألهم قالوا الحمد لله راجعنا اوراقه ورفعناه في المواد اللي

راسبه فيهن