oOo تلبيةً لطلباتكم كل ما يخص تجاربكم مع مكنسة رينبو هنا واي موضوع اخر سوف يحذف oOo

متابعة النقاش، صفحة 9

شاركي في النقاش

سجلي الدخول لإضافة تعليق.

التعليقات

171
  1. @tfaol_1

    بحكم انشغالي بالدراسة والتدريس والبيت (ما عندي شغالة ) اشتريت الريمبو بدون تفكير قبل خمس أو ست
    سنوات وكانت لي معها قصة حبيت أعرضها لكم رغم انقطاعي عن المنتدى من زمن ، وأتمنى الفائدة للجميع

    لما اشتريتها كنت مشترية مكنسة ثانية ماكملت عندي أسبوع واحد بس
    لكن عرض المندوب كان مؤثر ومقنع (أكثر نقطة ركز عليها مشكلة الربو عند ولدي وكيف تعقم الريمبو الجو وتخليه أفضل)
    كان سعرها 8000ريال + المكنسة اللي توي مشتريتها (مازلت اعتقد انه استغفلنا بقوة )
    لما بدأت تجربتها اكتشفت انها محتاجة وقت مضاعف مرتين
    وجهد مضاعف في تبديل الرؤوس ، وتنظيف الجهاز لأنك مطالبة بعد كل استخدام إنك تنظفين حوض الماء (وإذا كان الموسم موسم أتربة راح تنظفينه في كل استخدام أكثر من مرة لأن الماء راح يصير موحل وهذا ضار بالجهاز ) وطريقة تنظيف حوض الماء متعبة لأنه صعب تكبينه في المجاري راح يسدها لك (صارت لي لما تعاجزت ) وصعب بعد تفرغينه في كيس إلا بعد ماتصفينه بحيث مايبقى لك إلا التراب (شفت كيف !!) لازم يطلع برا مباشرة وإلا راح يتعفن بأسرع مما تتصورين
    غير كذا عندك الفلتر الداخلي ضروري انك تنظفيه بالفرشة اللي معه بعدكل استخدام وإلا ماراح تشتغل مكنستك تمام .
    رأس الموكيت ضروري إنك تنظفيه بعد ماتستخدميه لأن الأشياء تنلف عليه (يقوم بعملية نفش وتمشيط لزغب الموكيت ) طبعا الشعر
    (خصوصا في غرف النوم) راح ينلف على الفرشة ، ومايصح إنك تتركينه يتراكم
    * فكرة تنقية الجو من الأتربة فكرة مبالغ فيها ، واللي جربوا يعرفون ذا الشيء
    المندوب لما عرف إن ولدي عنده حساسية في الصدر ركز على نقطة الضعف اللي عندنا قال أتركو الجهاز شغال23,5ساعه وريحوه نصف ساعة بس وفي موسم الأتربة تحديدا وراح تشوفون الماء كيف صار موحل ، وصدقنا للأسف (والله ماسحبت من الجو الا ذراااات قليلة مررررة )
    * رأس الغسل غير مفيد إلا في شفط الماء (يعني مايزيل الا البقع الفورية الرطبة وانت اللي راح تفركينها بيدك ) ، غير إن حوض الماء
    بكل سعاته (عندهم اكثر من سعة) لازم يتفرغ أكثر من مرة ليش لأن رغوة الصابون المسحوبة بتعبيه والجهاز راح يتوقف إذا امتلأ الحوض وروحي وتعالي على دورة المياه وانشغلي بتنظيف الريمبو بدل الموكيت !!!!
    *رأس تظيف الجدران استخدمته في كنس ورق الحائط (قالوا لنا نستخدمه) انفك من الأطراف واضطرينا نطلعه ونبدله كامل (هذا في غرفة نومي ، أما في غرفة ولدي كنت اكتفي بتمسيحه بمنشفة جافة وأخرى مبلولة وإلى الآن زي ماهو كمل تسع سنوات )
    * رأس الأماكن الضيقة تحت الكنب غير مفيد لضيق فتحة الأنبوب يعني بتطولين وانت تمررينه في خطوط حتى تصلين الجدار
  2. @am_aro_1919

    حنين.. أسمك جميل جدا .وموضوعك جميل ومفيد جدا . جزاك الله خيرا . كنت متردده أشري هالمكنسة. لكن من بعد مقرأته عنها !ن شاء الله سأشريها وأنا مطمئنة لها فالشكر للجميع .
  3. @aaroob_1

    بصراحة بموسم الغبار على قولتك أكنس البيت كله بعدين أفرغها
    يعني مو لهالدرجة التفريغ
    خصوصا أنها ثقيلة فشيلها وتفريغها مو سهل
    أما التفريغ فأنا أفرغها بشخال واللي يبقى بالشخال أحطه بالزبالة وانتم بالكرامة..



    هذي أوافقك عليها
    لما جاء الغبار فتحتها على الهادي ماسوت شيء لازم العالي وطبعا صعب وإحنا راح ننام..


    هذي فعلا جربتها بالسراميك
    بس صرت أقلل كمية الماء بالحوض فتطول ماتمتلي
    والا فعلا أتردد أفرغها علشان الرغوة
    عموما هالراس أنا ماأعجبني أبدا
    يترك بالسراميك آثار
    غير أنه مو عملي حجمه كبير وأحيانا صمام الماء ينفتح وأنا أشتغل فصرت أشيل الخزان أثناء الشفط
    وبالأخير ركنته ورجعت للفوطة أرحم وأنظف
  4. @hnyn_36

    اختي تفاؤل..
    هلا فيك وفي تجربتك...
    انتي تكلمتي بسلبيه عن المكنسه وماذكرتي ولا حسنه؟؟؟ واتوقع هذا ظلم...
    يعني ايش الكسل عشان بس تشيلين الحوض..وتحطين الحوض وتغسلينه..! انا اشوفها عمليه سهله
    ولا اني اروح امسك كيس المكسنه وانفضه وهو كله غبار وصدري ينكتم..

    حبيبتي انا متأكده انك شفتي ايجابيات في المكنسه بس ماذكرتيها...هي صحيح سعرها غالي..واغراضها كثير..بس ماتتعب..
    انتي كل يوم راح تكنسي..ومره بالاسبوع تستخدمي كم راس..وبكذا راح يكون كل شي مرتب.!!!!!!!:26:


    ...
    ام اروى..تسلمي ياعسل:26:


    ..

    عرووب...نقاطك صحيحه انتي وتفاؤل..وانا لانها لسه جديده ماشفت هذي الاشياء

    بس عموما اكثر الناس يقولو عيبها اغراضها الكثيره..انا مو شايفه هالشي..من جد دلع حريم:22:....اهم شي بيتك يتنظف كويس..

    وترى المكنسه على الهادي ماتشتغل على كل طاقتها عشان كذا ماتسحب كل الاتربه....


    وياهلا فيكم
  5. @aldaaay22

    الف شكر على الموضوع

    انا شراها زوجي على باله بتروح الحساسية عنه (من غير اقتناع مني ابدا)

    على شان كذا رفضت اعطيه المكانس القديمة ( هوفر) وحده عادية ووحدة للسيراميك

    8000 ويبي مكنستنا القديمة ههههه استغفال ؟

    اها بس مو علي ؟

    المهم أبي أعرف كيف استخدمها

    أنا أكنس فيها بالجاف

    أبي أتعرف على :
    1/ النفخ (وين اشبك الخرطوم وأي واحد استخدم)؟
    2/ تنظيف السيراميك ( غسيل)؟
    3/ كلللللللل شي

    لأن المندوبة جت واشرحت لي
    بس لأني ما كنت مقتنعة ما لقيت لها بالي


    والحين ورطت فيها ما أعرف لها

    ولا ني مقتنعة فيها لان اغراضها كثيرة وبقوة
    حسبي الله على اللي لعب علينا وباعها لنا
    كنت مرتاحة مع امكينستي (هوفر)

تابعي تجارب أخرى من هذا القسم.