شاركي في النقاش

سجلي الدخول لإضافة تعليق.

التعليقات

38
  1. @mdad_almshaaar

    امممم انا بقولك شئ من خبرتي باللي حولي انا مو متزوجه بس اخواني وخواتي متزوجين واشوف عيالهم كل واحد يختلف عن الثاااني

    اول شئ علميهم الاحترااام واحترااامك انت وابوهم بالاول وان رايك هو الماااشي

    وهذا بدايته مع زوجك مثلا لا قال واحد منكم لا لا يمشي هالكلااام وما تتناقرون قدااامهم علشااان ما يفكرون بيوم من الايام يكسرون كلامك


    البنت قربي منها وحتى العيال حاولي تكسبينهم بهالزمااان خليهم يحكون لك وتكونين ام وصديقه وملجاء لهم عند مشاااكلهم واياااك تنشغلين عنهم لا جالك الوااحد وقالك يمممه عطيه اهتمممام الخرااب اللي بالشباب لانهم ما يلقون اهتمام من اهلهم ويلقونه من صديق السوء احد يسمع لهم بالمقابل هم يخربونه

    فما بيضرك شئ لو سمعتي ونصحتي وانبتي بخفه مو تكرهينهم انهم قالوا لك عن شئ


    مثلا اخطاء واحد منهم بهالايااام الام عصبيه طخ وطخيخ وهوشه وقلبة بيت اول شئ احضنيه احويه اعطيه حل لمشكلته مهما كانت كبيره علشااان ما يخفي عليك شئ علميهم الصح والخطاء عن طريق افعال انت تشاهدينها بالناااس

    شجعيهم بالكلام بافعالهم اللي انت تنتظرينها منهم

    مثلا طلعوا عند احد وشفتوا ان ولدهم ما سمع كلام امه خوذي هالنقطه لصالحك وجيبيها من باب النقد وخوذي رايهم


    اهم مبداء بينكم خليه الحوااار لا يكون مجرد اعطاااء اوااامر خذ جيب ود حط وبس


    بكذا راح يملون ويبعدون عنك البنت لما تسوون اي شئ للبيت خوذيها بسعه صدر سولفي معها باشياء تحبها وانت اعطيها ثقه بنفسها اعطيها سر لك تحفظه صدقيني اعطيها مجرد خبر تحفظه وكم كلمه تشجعينها انت بنتي مالي غيرك حنا صديقات بقووولك شئ بسولف عليك فضفضي لها تراها بدت تفهم بنتك حاولي انك تعطينها مثل ما تبين تاخذين منها


    سولفي لها عن صديقاااتك عن قصص لك ودخلي منها المطلوب اكسبيهم قبل المراهقه ترا ان كسبوهم اصدقااائهم قبلك من الصعب انك تفكرين كيف تاخذينهم منهم


    حنا بنات وجربنا الصديقه وش تعني مو معنى انك تحرمينها لااا

    ع الاقل تكون بنتك واعيه عارفه الغلط من الصح تعلمك باخبارهااا مو كانك مجرد ام وخدمه في البيت وووقت التعب وبس لا

    مثلا اولادك يفتحون النت اجلسي معهم اقروا شئ مع بعض وش سويتوا اليوم وش تبغووون نسوي

    شاوريهم وخوذي رايهم

    وانت بعد حطي لهم جدول وانت معاااهم خصصوا وقت تقرون فيه قران احفظوا بين فتره وفتره جزء

    اقروا قصص الانبياااء وقصي عليهم اكثر اسلوب يجذبهم القصصي

    اسلوب السؤال للتنبيه سمعتوا بقصة كذااا ؟؟

    اذا خلصتي مثلا قولي من بيقووول لنا قصه بعدهااا

    دردشي معهم تملكينهم مو مثلا لو قال شئ قلتي وخروووا عني انا مشغوووله ان انشغلتي عنهم الحين بكرا صدقيني بتحتاجينهم بيقولون مشغووولين وكل واحد منهم ماسك له شغله البنت مع صديقااتها الولد والنت او طالع مع ربعه

    وغير الشغلات الدينيه نوعي

    اجلسي معهم يوم وقولي بلعب معاااكم والعبي معهم ترا ما فيهااا شئ

    ومساله الهوووشه شئ عادي بكل بيت بس انت لا تغفلينهم وخليهم هم شغلك الشاااغل صدقيني بتعشيشين بسعاااده وهم حووولك


    وسمي يمه

    وامري يمه

    يمه اشتقنا لك

    تعالي نجلس معك

    يمه بقولك شئ

    كلمات تحب الام تسمعها تحس انها هي الاساس


    هي امهم اللي مستحيل يستغنون عنها امهم اللي يحتاجونها سواء صغار او كبار

    وبكل شئ

    ومن ناحيه المعامله لا غلط الواحد احرميه من شئ يحبهع بس بعد النقاااش معه انت اخطيت وانا زعلانه علشااان كذا

    بيني لهم انه زعل الام شئ قوووي مو انهم ينامون وما كانك زعلانه منهم او ماخذه بخاطرك

    كلامهم لا يمشي دايما وتكسرين كلامك

    لكن اذا اخذتي مبداء الحوار والنقاااش ليش تبون كذا وش السبب لانه احيانا ما يقتنع الواحد الا بالسبب

    يا اقنعني يا اقنعك واذا شفتي انهم صح قولي اقتنعت

    اطلعوا وغيروا جوو احيانا الحكره بالبيت تضيق الصدر وهم صغااار وبحااجه لطلعه مثلا جيبي لهم ترته بمناسبه شئ انت وعائلتك بس اللي هم اولادك وابوهم اذا كان معاااكم

    جلسه شاااهي

    البنت بسم الله عليها كبرت تبداء تدخل المطبخ اليوم تعالوا يا اخوانها ذوقوا الحلا للي مسويته فلانه كلمه تشجيعيه احضنيها بوسيها

    تراهم للحين بحاجه للحنان وحتى لو يكبرون

    عوديهم انهم ما يطلعون للمدرسه الا حابين يدك وراسك

    صباح الخير وكيفيه الاستاذااان الولد يحترم البنت والبنت نفس الشئ مو كل واحد يدخل غرفه الثاني وطق وطقيق

    بيني لهم كيف علاقتك مع امك ولو كان هالشئ عملي افضل

    معاملتك لخواتك واخوانك

    ومهما كان مشااكل مو قدااامهم


    وبكذا بتكونين ملكة بمملكتك اللي هو بيتك

    اسفه طولت عليك بكلااامي بس حبيت انك تكونين ام رااائعه اولادها يحبونها من خلال تجاربنا


    اختك الصغيره مداااد
  2. @ngd_bnt_almgd

    حبيتي ولا تزعلين ولا تهتمين كل الاولاد كذا ...

    الحل الاول

    ادعي لهم بالهدايه والصلاح بعد كل صلاه

    الحل الثاني

    لا تعطيهم وجه لما يجون يشتكون قولي لهم انتم كبار وحلو مشاكلكم بانفسكم

    الحل الثالث

    حاولي تشغيلهم يعني اذا جا ابوهم يروح يصلي ياخذا الاولاد


    وانتي اذا دخلتي المطبخ اخذي البنت ..

    يعني حاولي ما يتكلمون مع بعض كثير لانهم سبحان الله اذا فقدوا بعض يعرفون قيمة كل واحد فيهم

    الحل الرابع

    اجلسي معهم حاولي تقولي لهم كيف انتي تتعبين مع مشاكلهم ملاحظه سوي نفسك مريضة مثل راسك صدع منهم


    روحي للغرفه وطنشيهم كثير وذا جاء اي واحد فيهم قولي له انا تعبانه ما اقدر اكلم اي احد واحسسيهم انهم مرررره تاعبينك


    الله يهديهم ويصلحهم امين يارب العاليمن واللي عندي بعد
  3. شوفي يا اختي ...........مشكلتك يبي لها حل من الجذور وبتاخذ وقت لا تتوقعين في يوم وضحاها الشي بيتغير
    اول شي ابدي بنفسك ..لازم تكونين هااااااااااااااااديه جدا
    بعدين انت ما ذكرتي رد فعلك عليهم لما يتناقرون...المهم لا زم الهدوء
    لازم الاسره كلها تجتمع كل يوم على قهوه او اي شي وتسولفون بمواضيع مضحكه وعامه ولا تحاولين بهالجلسات تطرين مشاكل عيالك
    بعدين ابوهم وينه لازم يكون قريب من عياله ويفهمهم بجلسه رسميه عن القواعد اللي لازم يمشي عليها البيت..وان الاحترام فوق كل شي .....
    اشركي الاولاد بنوادي رياضيه...يعني سباحه وخلافه..
    والبنت لازم تكون جنبك دايم تسمعينها وتسولف بللي تبي لانها في سن حرج وممكن تسمعين منها سالفه مهمه في وقت ما كنت متوقعته
    وحاولي تشغلينها بالهوايه اللي تحبها
    ولازم الحزم في البيت وتكونين انت والاب قدوه يعني صعبه الواحد يطلب من عياله الاحترام وهم ما يطبقونه..
    ولازم تقرين كتب تربويه تعينك لااااااااااااااااازم لان يا اختي اذا ماضبطت البيت الحين في المستقبل كل ما كبروا يكون اصعب
    وادعي ربي يعطيك الحكمه والبصيره..وادعي لهم..واجتهدي..الله لايضيع تعبك والله يطعمك برهم؟؟؟

تابعي تجارب أخرى من هذا القسم.