امممم انا بقولك شئ من خبرتي باللي حولي انا مو متزوجه بس اخواني وخواتي متزوجين واشوف عيالهم كل واحد يختلف عن الثاااني
اول شئ علميهم الاحترااام واحترااامك انت وابوهم بالاول وان رايك هو الماااشي
وهذا بدايته مع زوجك مثلا لا قال واحد منكم لا لا يمشي هالكلااام وما تتناقرون قدااامهم علشااان ما يفكرون بيوم من الايام يكسرون كلامك
البنت قربي منها وحتى العيال حاولي تكسبينهم بهالزمااان خليهم يحكون لك وتكونين ام وصديقه وملجاء لهم عند مشاااكلهم واياااك تنشغلين عنهم لا جالك الوااحد وقالك يمممه عطيه اهتمممام الخرااب اللي بالشباب لانهم ما يلقون اهتمام من اهلهم ويلقونه من صديق السوء احد يسمع لهم بالمقابل هم يخربونه
فما بيضرك شئ لو سمعتي ونصحتي وانبتي بخفه مو تكرهينهم انهم قالوا لك عن شئ
مثلا اخطاء واحد منهم بهالايااام الام عصبيه طخ وطخيخ وهوشه وقلبة بيت اول شئ احضنيه احويه اعطيه حل لمشكلته مهما كانت كبيره علشااان ما يخفي عليك شئ علميهم الصح والخطاء عن طريق افعال انت تشاهدينها بالناااس
شجعيهم بالكلام بافعالهم اللي انت تنتظرينها منهم
مثلا طلعوا عند احد وشفتوا ان ولدهم ما سمع كلام امه خوذي هالنقطه لصالحك وجيبيها من باب النقد وخوذي رايهم
اهم مبداء بينكم خليه الحوااار لا يكون مجرد اعطاااء اوااامر خذ جيب ود حط وبس
بكذا راح يملون ويبعدون عنك البنت لما تسوون اي شئ للبيت خوذيها بسعه صدر سولفي معها باشياء تحبها وانت اعطيها ثقه بنفسها اعطيها سر لك تحفظه صدقيني اعطيها مجرد خبر تحفظه وكم كلمه تشجعينها انت بنتي مالي غيرك حنا صديقات بقووولك شئ بسولف عليك فضفضي لها تراها بدت تفهم بنتك حاولي انك تعطينها مثل ما تبين تاخذين منها
سولفي لها عن صديقاااتك عن قصص لك ودخلي منها المطلوب اكسبيهم قبل المراهقه ترا ان كسبوهم اصدقااائهم قبلك من الصعب انك تفكرين كيف تاخذينهم منهم
حنا بنات وجربنا الصديقه وش تعني مو معنى انك تحرمينها لااا
ع الاقل تكون بنتك واعيه عارفه الغلط من الصح تعلمك باخبارهااا مو كانك مجرد ام وخدمه في البيت وووقت التعب وبس لا
مثلا اولادك يفتحون النت اجلسي معهم اقروا شئ مع بعض وش سويتوا اليوم وش تبغووون نسوي
شاوريهم وخوذي رايهم
وانت بعد حطي لهم جدول وانت معاااهم خصصوا وقت تقرون فيه قران احفظوا بين فتره وفتره جزء
اقروا قصص الانبياااء وقصي عليهم اكثر اسلوب يجذبهم القصصي
اسلوب السؤال للتنبيه سمعتوا بقصة كذااا ؟؟
اذا خلصتي مثلا قولي من بيقووول لنا قصه بعدهااا
دردشي معهم تملكينهم مو مثلا لو قال شئ قلتي وخروووا عني انا مشغوووله ان انشغلتي عنهم الحين بكرا صدقيني بتحتاجينهم بيقولون مشغووولين وكل واحد منهم ماسك له شغله البنت مع صديقااتها الولد والنت او طالع مع ربعه
وغير الشغلات الدينيه نوعي
اجلسي معهم يوم وقولي بلعب معاااكم والعبي معهم ترا ما فيهااا شئ
ومساله الهوووشه شئ عادي بكل بيت بس انت لا تغفلينهم وخليهم هم شغلك الشاااغل صدقيني بتعشيشين بسعاااده وهم حووولك
وسمي يمه
وامري يمه
يمه اشتقنا لك
تعالي نجلس معك
يمه بقولك شئ
كلمات تحب الام تسمعها تحس انها هي الاساس
هي امهم اللي مستحيل يستغنون عنها امهم اللي يحتاجونها سواء صغار او كبار
وبكل شئ
ومن ناحيه المعامله لا غلط الواحد احرميه من شئ يحبهع بس بعد النقاااش معه انت اخطيت وانا زعلانه علشااان كذا
بيني لهم انه زعل الام شئ قوووي مو انهم ينامون وما كانك زعلانه منهم او ماخذه بخاطرك
كلامهم لا يمشي دايما وتكسرين كلامك
لكن اذا اخذتي مبداء الحوار والنقاااش ليش تبون كذا وش السبب لانه احيانا ما يقتنع الواحد الا بالسبب
يا اقنعني يا اقنعك واذا شفتي انهم صح قولي اقتنعت
اطلعوا وغيروا جوو احيانا الحكره بالبيت تضيق الصدر وهم صغااار وبحااجه لطلعه مثلا جيبي لهم ترته بمناسبه شئ انت وعائلتك بس اللي هم اولادك وابوهم اذا كان معاااكم
جلسه شاااهي
البنت بسم الله عليها كبرت تبداء تدخل المطبخ اليوم تعالوا يا اخوانها ذوقوا الحلا للي مسويته فلانه كلمه تشجيعيه احضنيها بوسيها
تراهم للحين بحاجه للحنان وحتى لو يكبرون
عوديهم انهم ما يطلعون للمدرسه الا حابين يدك وراسك
صباح الخير وكيفيه الاستاذااان الولد يحترم البنت والبنت نفس الشئ مو كل واحد يدخل غرفه الثاني وطق وطقيق
بيني لهم كيف علاقتك مع امك ولو كان هالشئ عملي افضل
معاملتك لخواتك واخوانك
ومهما كان مشااكل مو قدااامهم
وبكذا بتكونين ملكة بمملكتك اللي هو بيتك
اسفه طولت عليك بكلااامي بس حبيت انك تكونين ام رااائعه اولادها يحبونها من خلال تجاربنا
اختك الصغيره مداااد
طلب استشاره في مشكله غريبه من نوعها
متابعة النقاش، صفحة 3