ازيكوا يا بنات وحشتني قعدتكم اوي عايزه افوق بقى من الابتلاءات المتلاحقه و ارجع ارغي كدا معاكوا..
الا صحيح يا مادو انت كان قصدك ايه؟؟؟؟
اصلي سمعت عروس النيل و هي بتوشوشك ....بجد قوليلي و سرك في بير
متشكره يا احلى صحبه على دعواتكوا و سؤالكم عليا
ابشركم الحمد لله مولو طلع النهارده غرفه عاديه الحمد لله و الشكر لله
عقبال ما يسيب المستشفى خالص
بس المشكله نفسيته وحشه اويييييي اوييييي و عنده خوف و رعب من كل حاجه و اي حاجه
ربنا يهديه يا رب و يكمل له الشفا على خير
اما عني فلازلت متشنكله و معلافتش انام خالص عشان انا اصلا طول اليل بتحرك و افرك
و كلمت خالي وهو دكتور عظام قاللي متقلقيش دي اثار الشنكله و اداني دواء يفك العضله
ماشيه بعرج زي البطه و طبعا في الرايحه تريقه و الجايه تريقه من جوزي المحترم
و ابني الرذل كل ما يشوفني يقوللي مامي كسر -----بيفول عليا
يلا الحمد لله
المهم يا بنات ان البيت عندي يضرب يقلب و مفيش اي خزين خالص و حاسه اني محتاسه جدااااا و حتى مش عندي وقت ابدا
على فكره يا مادو انا مستنيه تقوليلي كنت تقصدي ايه؟؟؟؟
قعدة ستات..(التجمع الرابع لستات البيوت الشاطرين جدا)
متابعة النقاش، صفحة 70