اكتبلكم وايديني تنافض مو خوف بس احس اني فقدت الامان او ... مدري وش اقول
ابوي قصدي الرجال المحسوب علي ابوي
مدري من وين ابدا
اليوم قمت العصر جالسه ادور الشغاله عشان تحطلي غدا تفاجات انها مو فيه سالت امي وينها
قالتلي راحت وحسيت بكلامها حسرررة
رحت عند ابوي قلتله وين الشغاله قالي مريضه وراحت
مافرقت معي تدرون ليش ؟
لانها تقريبا الشغاله الـ 600 اللي تروح من عندنا بسبب معاملة ابوي لهم
اللي تجينا حلوه يتحرش فيهااااا
واللي ماتكون حلووة يعاملها بقسووة لين مايطيرهاا
آه يابنات احس معي ضيق تنفس
المهم اكملكم
رحنا السوق ودرنا فيه وامي سااااكته وعيونها متغيره علي
يايمه وش فيك ؟
امي ماتقولي شيء
جلسنا يوم اذن المغرب على كراسي
سالتها شفيك يايمه؟
ماقالتلي شيء
يمه والله ان ماقلتيلي مانيب شاريه شي ولاعادني طالعه
قالتلي ولاشيء خلاص
قلتلها طيب الشغاله ليش فجاه كذا راحت
قالتلي واحس العبره تخنقها ابوك وقح
ليش يمه ؟
سكتت ...
( للعلم يابنات ابوي مايصلي سبق ونزلت موضوع اني فرحانه انه صار يصلي بس للاسف رجع مايصلي .. )
رجعت اسال امي
طالعت فيني وقالتلي ابوك امس دخل على غرفة الشغاله وقعد عندها وقعد يقولها كلام وسخ وو ...
انا قلتلها وش دراك ؟
( للعلم ابوي وامي ينامون بغرف منفصله بسبب سحر بينهم )
قالتلي الشغاله جتني الصبح وقعدت تصيح والا تبي تروح
انا حسيت شوي ويغمي علي
وحاولت اضغط على نفسي وقلتلها
طيب ليش انتي متضايقه يمه هذا ابوي
قالتلي تعبببببببببببببببببببببببببت
قلتلها طيب وليش ماعلمتيني انا وانتي نفهم بعض يايمه ليش كنتي بتدسين علي
قالتلي ابوك من بعد ماراحت الخدامه جا عندي وحب رجولي عشان اسامحه وقعد يترجاني اني ماقولك عشان ماتطيحين من عيونه ( للاسف يابنات لو انها اول مره كان ممكن اسامحه بس المصيبه وانا صغيره اتذكر انه كانت عندنا شغاله وفي هذيك الايام اتذكر امي كانت تصيح والشغاله بعد وكانت الحاله مدري كيف اللي عرفته ان الشغاله طلعت حامل من ابوي !!)
آآآآآآآآه يابنات
حطوا انفسكم مكاني تكفوون
احس اني اكره ابوي اكرهه من اعماق قلبي
مع انه والله لو قالواله طب في النار عان بنتك اللي هي انا يطب فيها
بس اللي يسويه مايرضي لاالله ولا رسوله
احس اني مكتووومه قعدت ابكي في السوق ونزلت الطرحه على عيوني عشان ماتشوفني امي
احس خلاص مافيه امل بابوي
سالت امي
ليش مو ابوي صار يصلي ليش يسوي كذا ؟
قالتلي من قااااال بطل خلاص
وانا : لييييييييش انا دايما اشوف السجاده بغرفته
قالتلي بس حاطها كذا والا هو قالي
آه يابنات احس بشي كبير قاعد على صدري
تدرون اني ادعي عليه بالموت
ترى اللي قلته حبه من بحـــــــــــــــــــر
كيف أأمن على نفسي عند ابوي صرت اخاف منه مدري ..................
بنات انا تعبااااااااااااااانه
هذي انا بعد ماعرفت كذا صارلي شلون حال امي وهي كاتمه بصدرها
هي مو صابره عليه الا عشاني لانهم لو تطلقوا بياخذني
الى متى هذا حالنا ..................................!
اكتفي باللي قلته يمكن ارتاح ....
شاركي في النقاش
سجلي الدخول لإضافة تعليق.
التعليقات
92- الله يعينك ويصبركأنتي و أمك
- الله يصبرك ويهدي ابوك:mad:
- يااااااااااااااحياتي انتي ... عورتي قلبي .. وحااسه فيك .. الاب المفروض يكون قدوه لعياله ... وانتي تنصدمي من الي المفروض يكون قدوتك .. الرجال الاول والاهم في حياتك ...
حبيبتي مالك الا الدعاء ..
ومادامه هو خايف انك تدرين معناها فيه شوويه خير ... !!!
مادري حبيبتي ايش اقولك .. خانني الكلام ... ربي وياك ... والله يهديه .....
انتي جيبي له اشرطه دينيه .. وحطيها بسيارته .. وقصص توبه من الانترنت تكون مو طويله وحطيها بغرفته .. - الله يهدي ابوك
المفروض ماتدخلون اي شغاله بيتكم اذا كان ابوكم من النوع اللي يضايق الشغاله لانهم امانه - حااسه فيك لان ابوي نفس شي
مواضيع مشابهة
تابعي تجارب أخرى من هذا القسم.