قعدة ستات..(التجمع الرابع لستات البيوت الشاطرين جدا)

بما انك فى الامارات لازم يبقى عندك فانيش انا اى حد مسافر لازم اوصيه على علبة فانيش
ده تحفة وافتكر كان فيه منه مخصوص للانترية بس انا شخصيا كنت بجيب المسحوق منه هاتلاقى لونه فوشيا
واحط منه على الغسيل فى الاتوماتيك او لو بقعة فى ملابس الاطفال انقعها فيه شوية واغسلها على ايدى

وبشوية مية دافيه وليفة ناعمة انضف بيه الانترية هلتلاقية نور وادعيلى

طبق فيه فانيش وشوية مية وطبق فيه مية دافية سادة عشان الحتة اللى ادعكها اشطفها على خفيف

بس خدى بالك فى كذا نوع من الفانيش مرة جاللى المضروب صنع فى الصين
انتى خدى بالك من بلد الصنع افتكر الاصلى كان بولندى ومرة جالى صنع فى الامارات
كان مش وحش اسوء واحد كان بتاع الصين

كنت بجيبة من كارفور فى ركن المسحوق والكمفورت وكده

والبنات فكرونى كتر خيرهم بملح الليمون كمنظف بس ماجربتوش الحقيقة لكن فانيش ده باستخدمة فى حاجات كتير بقالى سنين

صورته اهيه

أميره ألف سلامه عليكى من البرد ليمون دافىء مع عسل وان شاء الله يكون فيه الشفا
انا بعمل خلطه فى بخاخماء وفيرى وملح ليمون وخل وبيكربونات وكمفورت
وبستخدمها للانتريه والسجاد والمطبخ يعنى مفيده لكله
بالنسبه للسلطات فعلا محتاجين كلنا قبل رمضان
فى صينيه جزر مبشور وعليه خيار مقطع صغير ثم جزر ثم ذره ثم الزبادى
يخلط معهم وملح خفيف ثم الجبنه المبشوره
2- مكعبات بطاطس مقليه ومكعبات باذنجان مقلى ثم يقطع خس وبقدونس
وفلفل أخضر ملح وفلفل ومسترده وعلى الوجه خبز محمص
3-سلطة البرغل ينقع البرغل ثم يضاف الحمص المسلوق وبقدونس وجزر مبشور
بصل أخضر وفلفل أخضر وملح وفلفل وزيت زيتون
4-سلطة عدس عدس بجبه مسلوق وجزر وخيار وطماطم وفلفل أخضر كله مقطع صغير
وملح وفلفل وليمون وزيت زيتون
ونوع آخر نفس مكونات العدس السابقه
لكن يضاف عليها مكرونهمسلوقه وحمص وذره ومكعبات باذنجان مقلى
ونضع عليها تتبيله بتوم وطحينه وزبادى وليمون وعلى الوجه خبز محمص
5- باذنجان مقلى ثم يقطع صغير بعد القلى ونقطع طماطم وفلفل اخضر
صغيرجدا وخل وثوم وليمون
6- سلطة الزبادى زبادى وخيار مبشور او مقطع صغير جدا
وملح وكمون وتوم وليمون
7-التبوله بقدونس وخيار وطماطم كله مقطع صغير جدا
وعليه ثوم او بصل اخضر وبرغل منقوع وليمون وزيت زيتون
واكيد ان شاء الله البنات يكون فى عندهم جديد
فى ديرتنا أهلا بيكى معانا تنورينا
التجديد مطلوب أكيد حا تلاقى معانا جديد فى الاكل والوصفات
واكيد عندك جديد مختلف عننا فنعمل تبادل جميل اتمنى تستمرى معانا
وربنا يهدى اولادك واولادنا جميعا ويهدى زوجك وازواجنا جميعا