ايش تعملي لو اكتشفتي خيانة زوجك؟؟

سلام يا بنات يا حلوين
انا يمكن قارئة للمنتدى أكثر من كوني مشاركة .. بس من جد انا فخورة اني عضوة معاكم في المنتدى اللي حسسني انه عندي أخوات وصاحبات زيكم.
أنا يمكن سؤالي غريب شوية اليوم بس معليه اتحملوني.. وهو طبعا لكل المتزوجات..
ايش تعملي لو اكتشفتي في ايميل زوجك ايميل مرسل منه لواحدة؟؟ ولا كمان هيا رادة عليه..
وطبعا الكلام اللي في الايميل كله حب وغرام وأشواق..
ايش تعملي لو كنتي مكان الزوجة؟؟ تخرب بيتها وتعمل مشكلة وتواجهه؟
مع العلم انه زوجها يحبها ومو مقصر معاها بشي .. وتوهم عرسان جدد .. ومتزوجين بعض عن قصة حب دامت سنوات.
لا وكمان المسكينة حامل في الشهور الاولى يعني الزعل مو كويس عليها.
دلوني يا بنات بلييييز .. أمر البنت هدي يهمني مررررة .. سألتني وما عرفت ايش ارد عليها .. قلتلها تصلي وتدعي ربها خصوصا ونحن على أبواب رمضان.
بس انا عارفة انه هدا ماهو حل ولا راح ينفعها .. قلت أسألكم وأستفيد من خبراتكم قبل ما ارد عليها مرة تانية.
آسفة للاطالة بس كان لازم اشرح كل ظروف المشكلة عشان نوصل للحل.
تحيااااااتي للجميع.
أختكم
بسبوسة

10 تعليق 1,229 مشاهدة

شاركي في النقاش

سجلي الدخول لإضافة تعليق.

التعليقات

10
  1. الحمد لله زوج يما عنده ايميل بس ايميلي انا يعني كله تحت نظري وهو يقدر ؟؟بس صدقيني اللي يريد يخون ما يرده شي لا عشره ولا عيال ولا غيره خلاص في دمه تجري واعرف وحده ما قصرت مع زوجها وكل اللي في يدها لزوجها..وجابت له العيال وبعد ما كان موظف صار مدير تتوقعين كيف كان شكره لكل اللي سوته ؟؟؟ تزوج عليها!!! وبدون اي سبب .بس جذيه................
  2. @basbooosah

    صاحبة الموضوع
    صحيح معاكي حق يا راس المعزة
    بس ايش الحل؟؟
    تواجهه؟؟
    تطنش؟؟
    تراقبه؟؟
    تحاول ترسل لدي البنت وتفهم هيا ايش تبغى من زوجها؟
    تقول لاهله؟؟
    ايش الحل؟
    البنت جدا منهارة كلمتني قبل شوية وما عرفت افيدها
  3. @sd_alamoag_1

    الله يفرج عليها
    كان بودي اساعد بس مادري
    يمكن لاني مو متزوجه
    بس والله شي يرفع الظغط

    الله يصبرها ويربط على قلبها
    لازم تفكر بعقل يمكن نزوه وتروح نوع من اثبات الرجوله وانه مرغوب فيه حتى بعد ماتزوج
    بس المفروض انها ماتضيع بيتها وزوجها وحبها ببساطه
    لازم تحاول
    انا اشوف افضل شي الواجهه راح ترتاح
    والله يكون معاها
    ومع كل بنت حواء يارب
  4. حياك الله اختي
    وعليكم السلام
    قبل كل شئ لدي تعليق على كلماتك
    سألتني وما عرفت ايش ارد عليها .. قلتلها تصلي وتدعي ربها خصوصا ونحن على أبواب رمضان.
    بس انا عارفة انه هدا ماهو حل ولا راح ينفعها

    من قال ان ردك هذا وتوجيهك هذا لاينفعها ..لقد أعطيتها أعظم حل تجاوزت به عن طريقه مبتليات واعظم ابتلاء من صديقتك ..
    فالدعاء والصلاة نعم العلاج

    ومع ذلك فهناك حلول قد ترجع أليها للأنتفاع
    ومنها كثير ...وقد لايسعني الوقت ولكن ..
    هذه الروابط قد تفيدك
    وللمعلوميه امر صديقتك أن شاء الله أهون بكثير من امر هذه الروابط

    http://forum.hawaaworld.com/showthread.php?s=&threadid=210784&perpage=15&pagenumber=1

    http://forum.hawaaworld.com/showthread.php?s=&threadid=227243&perpage=15&pagenumber=1

تابعي تجارب أخرى من هذا القسم.