صديقتي تبي رايكم بمفاجاة زوجها

:39:السلام عليكم ورحمة الله وبركاته

كيفكن ان شاء الله مبسوطين مع هالجو الي يهوس الحمد لله على كل حال:)


الموهيم صدقيتي قالت لي اسألكم عن رايكم في موضوعها هو سهل لاتخافون اطمنوا كل شيء تمام


تقول ان زوجها قال لها انه يبي يغير شوي من الروتين وحاب يسوي لها مفاجاه ويوديها للفندق ( ما صارت مفاجاه كلن درى

وينامون هناك طبعا عقب ما يتعشون ويصرفون عيالهم الي عباره عن حراج ( طبعا هذا رايي انا الله يصلحهم مزعجين

هي تقول انه من رايها انه وشولو المصاريف وخاصة انه راتبهم اكثر من البسيط بشوي عاد فسروها انتم

وانها محتاجه طاحونه وصحون وملاعق تقول اشريهم احسن من الخرابيط فندق وسهره لحالها هي وزوجها (( ما شاء الله عليها روما نسيه

عاد هي تقول عطون افكاركم بدل المصاريف بالفنادق واكيد انها غاليه يمكن يصرفون فوق الثمانميه :icon33:على قولتها

تقول يصلح اشري كيكه واكله انا وياه والا نتعشى بالمطعم ونرجع لبيتنا

عاد هي قالت له قال بكيفك( اجل وشولو سادحه موضوع هنا

بس تقول شكله وده نروح للفندق بس يوم شافني ماني متحمسه قالي بكيفك
عاد هي انبها ضميرها وقالت خلاص انشوف بكره وفكر انت زين ورد لي بكره
ما دري المسكين انها تبي تفضح مفاجأته بعالم حواء وتبي تاخذ شوركم

تمت الاستشاره
وننتظر الرد

61 تعليق 4,258 مشاهدة

شاركي في النقاش

سجلي الدخول لإضافة تعليق.

التعليقات

58
  1. @amyrh_bgmaly_1

    قوليلها تروح للفندق احسن لها خليها تفرح زوجها اللي يبغى يفاجئها وهي موب وجه رومانسيه

    والطاحونه والملاعق لاحقه عليهم اذا ما اشترتهم هالشهر تشتريهم الشهر الجاي ماراح يضرها

    اهم شي تسوي نفسها مهتمه بالموضوع وودها فيه عند زوجها

    ماتشوفني انا مالت علي

    اترجى زوجي بيوم ذكرى زواجنا الاول اللي قبل شهر ناخذ لنا ليله بالفندق وهو ما اهتم ولا عنده نيه

    واخر شي انثبرت في بيتي وهو راح ينام خخخخخخخ

    وقال بعد اسبوع نروح للمطعم نتعشاء عاد انا قلت لا تعبت عمرك مابي لا مطعم ولا حفله

    ورحت نمت خخخخخ قلت لكم قصة حياتي اللي كل من سمعها قام يضحك علي !!!
  2. @guesss

    انا اقول مالت عليها :mad:
    ماهيب وجه من يدلعها ..
    اجل طاحونة و صحون اكبر همها ؟؟
    و يقولون ليه الرجال ينهبلون على الاجنبيات ؟؟
    قولي لها تجي لمطبخي و تاخذ الطواحين و الصحون اللي تبي .. و تروح تنبسط و تعيش حياتها ..!
    لان مافيه رجال كثير يفكرون بنفس طريقة زوجها .. :)
  3. @rghdaaaaaan

    خليها تروح فندق مو شرط غالي فيه فنادق اسعارها
    معقوله مو لازم المملكه والا الفيصليه تروح محل سعره معقول وتغير
    جو او يروحوا شاليه مثل شاليهات اليمامه قمه في الرومانسيه
    ووناسه احسن من جو البيت والله يبسطهم ان شاء الله
    وطمنينا عليهم وش سووا عاد
  4. @aaarfthm

    صاحبة الموضوع
    هلا والله بالي رد

    عاد انا ابشوف المؤيد والمعارض واعلمها بكره بالنتيجه

    بس نسيت والله اقول لكم هي والله تحب هالاشياء ومن زما او من اول ما تزوجت وهي تقول لزوجها هالفكره وهو يضحك عليها يقول فاضين للخساير والا يقول لها بعدين النهم بعد مرور 15 سنه تغير هو وقالها هالكلام قبل امس واليوم

    عاد هي تقول وش عقبه عقب ما كبرنا وصارت مصاريفنا كثيره وتقول اخاف الله يعاقبنا اذا اسرفنا وضيعنا افلوسنا باهالحركات خاصه هم مديونين من بعد سالفة الاسهم

    ودمتم
  5. @sba22

    مع اني مو متزوجة بس انصحها تروح مع زوجها ولاحقة على خرابيط المطبخ الرومانسية ماتتعوض وهذا شي الكل محتاجه بالخصوص الحريم لاكن الصحون مقدور عليها ياقلبو

تابعي تجارب أخرى من هذا القسم.