شاركي في النقاش

سجلي الدخول لإضافة تعليق.

التعليقات

115

  2. @alhdyl20

    صاحبة الموضوع
    مشكورين على الرد

    رسيل المحبه
    حبيبتي هو ميت علي ويقول انتي ماليه عيوني وانا عارفه اني عاجبته لانه يقوللي هذا لشي وهو من النوع الصريح يعني لو فيني شي مو عاجبه بيتكلم

    كل الحلا عندي
    مشكوره على النصيحه ولكن هو مايرضى اني اكون صداقات مايحب حد يجيني البيت ولا اروح لاحد وانا مابي ازعله واسوي مشاكل عشان مايخرب بيتي بسبب صديقات وعلى قولته الصديقات في الشغل وبس الزوجه مالها الابيتها ماتطلع ولاتروح ولا تجي هذا تفكيره من زمن جدي
    اما على سالفه اقعد عند اهلي هذا اطول شي يعني بالعيد اربع اوخمس ايام بس ولا ودي اعمل مشكله لاني اذا طلبت اكثر يزعل ويعصب علي ويهاوشني مع العلم مو كل عيد اروح ولو رحت اروح ثاني او ثالث العيد

  4. @gogo_aldhb

    الطلاق موب حل لانك لو تطلقتي فرضا يمكن يجيك واحد يجننك صدق وتحللين فيه الاول

    وترى اغلب الرجال زي زوجك يعني يطلع من العصر ولا يجي الا في الليل والرجال اللي تلقينهم في البيت وش يسوون يامقابلين النت وفاقعين مرارة حريمهم ولا قدام الشاشات الهابطه يعني ندره في هالزمن تلقين رجال صاحي ويقدر الحياة الزوجيه


    كثري من قراءة القران لانه يشرح الصدر وحافظي على اذكارك وتعوذي من بليس


    ياحبيبتي لو كل الحريم بيفكرون زي تفكيرك كان لقيتي اغلب الحريم في بيوت اهلهن مطلقات لان اغلب الحريم رجالهم مايجلسون في البيت ولا يعرفون الرومانسيه ولا شي

    الله يوفقك ويشرح صدرك وانتي دايما شوفي اللي اقل منك في الحياة عشان تعرفين السعاده والراحه اللي انتي عايشه فيها لكنك ماحسيتي فيها

    شوفي الارامل ومشاكلهم ياليت تدخلين ملفهم وشوفي المطلقات واسباب طلاقهم اللي زوجها يضربها ليل نهار واللي زوجها مايجيها الا سكران واللي زوجها مايصلي واللي واللي هذي المشاكل اللي تستحق طلب الطلاق بصراحه


    انصحك جيبي ورقه واكتبي كل حسنات زوجك يعني لاتتركين اي شي وورقه واكتبي فيه سيئاته وتشوفين اذا ماكانت حسناته اكثر واكثر

    بس الشيطان ينسيك اياها عشان يدمر حياتك بالطلاق او مجرد التفكير فيه

تابعي تجارب أخرى من هذا القسم.