مالت على الشغالات الحبشيات مالت !!



هلا بنات

وشلونكم وش اخباركم

حصلي موقف مع وحده تجيب شغالات حبشيات بالشهر ويعلم الله اني محتاجه لها ضروري جدا زوجي جاي بكره من الخارج مسووي عمليتين في الراس وبيجي تعبان وحتى مشي مايقدر يمشي

وتعرفون رمضان جاي واطفال وزوار بيزورونه اصدقائه واهله وخواته

وحايسه مره مره :06: وماصدقت على الله قالت لي جارة الوالده ان هذي تجيب شغالات حبشيات وسألتها كيفهم قالت انهم جربوا وحده من عندهم تمشي الحال قلت بكيفه يالالا


جبت وحده من عندها قالت حقي 200 والمشوار عليك وبالشرط اذا ماعجبتك اجيب لك غيرها قالت خلاص
وبعدين جابت لي وحده الله لايوريكم بارده :mad: ماغير مساكه ذا الجوال واتصالات بس تغسل المواعين وتجلس فقط قلت لها غسلي الملابس قالت بعدين قلنا طيب
قلت لها نظفي الثلاجه نظفت الثلاجه من تحت والفريزر بعدين قلت لها ونظفته وللعلم بيت الوالده غرفتين فقط
لا وبعدين بعد الغدا غسلت المواعين وكنت جايبه غدا من برا يعني ماطبخنا اصلا راحت المحروسه طلعت فوق ونامت لحد قبل المغرب قالت لها بنتي امي تبغاك قالت بعدين وانا بصراحه ما لي خلق خناق مع الشغالات ابد ابد

نزلت قبل المغرب وقلت لها ليش تنامين قالت لازم كل الحبشيات كذا قلت لها انا اعرف الشغالات ماينامون
بعدين تركتها ورجعت لأم عبد الرحمن هذي الدلاله اتصلت عليها وش قالت قالت اصرفيها ولاتعطيها حق المشوار ولاتعطيها شي قلت لها وشغل اليوم قالت لاتعطيها شي قلت لها حرام انا بعطيها حق الشغل قالت خلاص اجيب لها وحده ثانيه قلت طيب والى اليوم ماشفت شي ماترد حتى على جوالها الكلام هذا من اربع ايام وارسل لها رسايل وين الشغاله:06: ماعاد ردت علي طنشتني لا والشغاله ماطلعت من عندي الا وماخذه 45ريال قلت لها مالك حق تاخذين 45 وش سويتي مارضيتي وعلشان ما اتخانق معها عطيتها وامي كانت معطيتها سجاده جديده وانا معطيتها اشياء ثانيه لززم النظافه من صوابين وشامبو وغيره ولا استحت ورضت بحقها وراحت الا وقفت وتجادل

الله يكفينا شر شغالات مثل كذا اعوذ بالله وانا خسرت 260كذا على الفاضي لاني من شغاله ولا اقدر اجرب ثاني مره اخاف يطلعون مثلها

هذي متفقه معها اذا ماصلحت تغيرها تسوي كذا الله يعيني بس ما در ي وش اسوي وانا محتاجه لشغاله حتى المكاتب قالوا ممنوع ماتأجر :06:

39 تعليق 14,232 مشاهدة

شاركي في النقاش

سجلي الدخول لإضافة تعليق.

التعليقات

38
  1. @hyaaaaam

    الله يعينك الصراحة
    لو منك اعطيها بس 45 لا شمبو ولا سجاد ولااااااااااا شي ماااتستااهل
    بعطيها على قد الشغل اللي سوت وان قالت شي اقولها بعدييييييييين هههههههههه مثل ما تقول هي
    والله حااالة وما ستحون بعد جاية تناااااام موجاية تشتغل !!!!!!!!!
  2. @nona_35

    ياكرهي للحبشياات وربي يرفعون الضغط اول شي كسالى ثاني شي مايحبو احد يقولهم شي يعني لاتقوليلها شي هذا وحطي هذا وكله كوم النوم والتبطح كوم ثاني لو غسلتلك كم صحن راح انسدحت ساعه
    اقولك ذاك اليوم اتصلت عليا عمتي تقول لقيتلكم حبشيه تجي بالشهر لانو امي مره محتاجه شغاله اخذت الرقم وكلمتها اول سؤال سئلتني هوا فيه بزوره قلت ايوه بس مالك شغل فيهم انتي شغلك في البيت وبس قالت كيف مالي شغل وهما يكركبو البيت وانا انظف وراهم حلوه دي تبغى ترتب البيت مره وحده في اليوم !!! المهم انها تكلمني بدون نفس قالت طيب كم عدد الاشخاص انا هنا انرفع ضغطي قلت والله ماعديتهم لكي قالت ماعديتيهم مع السلامه قلت الله لايردك مع السلامه وجع رفعت ضغطي ماحبهم مره ماحبهم
  3. @ahat_mghtrb

    انا زيكجبت مرة حبشية اووووف ترفع الضغط كسلانه وتسحب رجولها من زود الخمول
    ونوم وتسدح وبرود بالشغل بس احتديت وتوبة ماعاد اخذ من هالجنسية

    امي جابت تقريبا 2 ماشاء الله كلهم سنعات وشطورات وشغل وخفة

    واختي جابت 2 بعد وحده قعدة عندها 4 سنوات ممتازة دقيقة بالشغل ونظيفة

    بس انا مستحيل ماااحبهم شطارتهم بطبخ وانا ابي لهلوبة بالبيت

    الله يشفي لك زوجك ويسهل امرك
  4. الله يشفي زوجك ومايشوف شر ،ذكرتيني بمرة من زمان قبل ماأجيب شغالة وصيت وحدة تدور لي على شغالة وقالت لي لقيت لك صومالية أو حبشية مدري وش هي وتجيني وحدة تشتغل باليومية قلت بشوف شغلها وان كانها زينة خذتها مرة ثانية وقايلة لها ابيها نشيطة لان كان عندي شغل كثير وش سوت أول يوم جت نامت للظهر تقول ماجاها النوم أمس مدري وش سالفتها وقامت غسلت كم ماعون وراحت تريح والعصر يادوب تشيل المكنسة وتكنس طبعا كنس أي كلام غسلت حمام يوم قلت لها تغسل الثاني قالت بعد فيه حمام ثاني :mad:حالة شكلهم مو متعودين على الشغل أو يحسبون إنهم إذا غسلوا كم ماعون بنعطيهم مية ريال أو نرضى بشغل أي كلام أو يمكن هذا جهدها وهي مو متعودة على الشغل ،وطبعا العشاء تعشت وكوت لها كم قطعة وحرقت لي بلوزة وراحت تنام وغير كذا ماشاء الله تاكل كثير والصبح عطيتها المقسوم وراحت لعيالها وقلت لصديقتي هونت ماعاد أبي شغالة منهم خلاص:06:
  5. @dlaa_khas

    الله يشفي زوجك
    والشغالات اكثرهم شر سواء اندنوسيه او حبشيه او او الله يكفي المسلمات والمسلمين شرهن

تابعي تجارب أخرى من هذا القسم.