دوره تريكو 2

ربنا يخليكي يامقبولتي يارافعه معنوباتي للسما

الف مليون مبروك يااحلي سما والله انا في منتهي السعاده
تعرفي انا قاعده من امبارح ادور علي مواقع فيها فيديوهات علشان انزل لك فيديوهات حلوه بس مش لقيت الا في يوتيوب وانا باخاف انزله يتحذف بس والله الفيديوهات اللي فيه روعه سواء تريكو او كروشيه
كل سنه وانتي طيبه ياقمر وربنا يعيده عليكي بالف خير وصحه وسعاده
واميره بتسلم عليكي لاني بلغتها سلامك وهي محتاااسه خالص النهارده علشان عازمه اصحاب جوزها ادعي لها

الحاله الرابعه في الاخطاء
لما تكتشفي انك عملتي غرزه ملويه في السطر ودي بتكون نتيجه لانك لقطتي الغرز بطريقه غلط
والفيديو بيوريكي ازاي تصلحي الغلط ده بطريقتين اما تشتغلي علي الخيط الخلفي اللي هو في الحقيقه الخيط الامامي بس انتي لقطتي الغرز غلط
او تعدلي وضع الغرزه بسحبها من الابره وتعديل وضعها
http://www.knittinghelp.com/apps/flash/video_player/play/157/1
الحاله الخامسه لو اكتشفتي انك اشتغلتي سطور اكتر من المطلوب وخصوصا في البليسيه بتجيبي ابره وتيجي للسطر اللي عايزه الطول يوصل له وتلقطي الغرز علي طول السطر وبعدين تفكي الطول الزائد وده بينفع في ان الغرز ماتقعش منك ونشوف الفيديو

http://www.knittinghelp.com/apps/flash/video_player/play/156/1

السلام عليك ام قسمت الجميلة:26:

ازيك عاملة ايه


بالنسبة للعزومات ربنا معاها وهى ادها واكتر وتعيش وتعزم بس خلو اصحابهم ميخدوش على العزومات لانها مرهقة جدا:)


بالنسبة لدرس اليوم ربنا يكرمك لانها حجات الكل بيغلط فيها حتى لو جت بدون قصد


جارى تحميل الفديو


اشكرك على دروسك المهمة والمفيدة وهروح اصلى وارجع



لك تحياتى

السلام عليكم ورحمة الله
بسم الله ما شاء الله مبسوطة كتير لعدد الصفحات من زمان مدخلتش المنتدى وزعلانة منكم محدش يسأل عنى كدة برضة مكنش خيط وأبرة أقصد عيش وملح وحشتونى أوى ووحشتنى أبلتى أم قسمت أوى أوى يا رب ميكنش فاتنى كتير هاشوف وصلتوا لفين وأبدأ معاكوا بحبكوا كلكوا فى الله