شاركي في النقاش

سجلي الدخول لإضافة تعليق.

التعليقات

119

  1. @ampamp_daad_ampamp

    ملكة غرفتي
    هههههههه ليش معصبه خلاص انا بقولك<< خافت :35: أنا استخدم هذا الجهاز وهو بصراحه مره حلو يجي معاه مثل العلبه بيضاء هذا تعبين فيه المويه وتوصلينه بالخيمه لين تتطلع البخار أنا اشتريته من مندوب في الجريده بـ250ريال واستخدم معاه خل…
    نفس الشي عندي

    انا اشتريتها من دنيا العبير بسوق حجاب ب 180 ريال

    هذا من زمااان يمكن من 3 سنوات بس الحين ارتفع سعرها مررره

    رهيييييييييييبه هالحيمه مع الصابون المغربي غيرتني مره 360 درجه

    انصحك فيها

  2. @qeuut

    في الوصفه مكتوب( رقم 5)
    يغسل الجسم يعني اخرج من السونا واغسل جسمي وبعدين ادخل مره ثانيه
    ونفس الشي في رقم 6
    كيف اشطف الجسم اذا كان السونا في غرفة النوم
    أبي شرح مفصل تفصيلا يسيرا
    لاني ناويه اشتريه

  4. @ahat_alhzn_4

    جزاك الله خير عالموضوع الحلو......
    واتمنى حد يفيدنا اكثر من ناحيه هل يطلع بلاوي و وسخ زي الصالون لان احس هذا اهم شي وهو محمسني اشريه
    بلييييييييييز اللي جرب يرد

  5. @aaatrflk_2

    السلام عليكم يا بنات (:

    عسى الله يجزاج خير صاحبة الموضووع وكل وحدة قدمت نصيحتها او شاركت :26:


    اممم

    حبيت اقولكم تجربتي مه الساونا المنزلية ...

    انا شريتها من كذا سنة بس مو الوردية ع الازرق ...

    لونها فضي فخمة معها كرسي خشبي هذا النوع الاول اللي تستخدمينه وانتي جالسة ..

    في نوع ثاني تستخدمينه وانتي واقفة طبعا هذا ما اخذته ..

    اخذت الاول مثل ما قلتلكم ..

    اول شي قبل الاستخدام لازم تكونين حاطه في جسمج قبل ثلاث ساعات جلوسوليد وليمون ..

    ثم انج مجهزة الخيمة ومشغلة البخاار ..

    بهالوقت تحطين على جسمج كله صابون مغربي ..

    واذا شفتيها انترست بخار , تدخلين للخيمة طبعا تكون معاج ليفتج من البودي شووب اللي على شكل قفازات ..

    ثم اذا حسيتي جسمج بدا يكون عليه ماي من البخار وبدا العرق ينزل تلبسين قفازاتج وتبداين تفركين جسمج على شكل دوائر اللين تتعبين .. ثم تطلعين وتكملين تفرك .. وعقب تروحين تغسلين جمسج منه .. واذا حبيتي تغسلين جسمج مرة اخيرة بجل شاور معطر .. ثم تنشفين جسمج وترطبينه باي مرطب .. انا استخدم جلوسوليد اخلطة مع بيبي جونسون حتى يطلع مثل المرطب ويكون ريحته حلوة ..

    والله يا بنات مع انه عندي من سنين الا اني توني استخدمه بجدية .. رووعة يا بنات لا يطووفكم ..

    صدق يبيض ويوحد وينشط الجسم..

    واذا بغيتي تسوين حمام زيت .. تخلطين الزيوت اللي عندج , زيت زيتون , خروع , لوز , جنين قمح , الــخ

    ثم تجلسين في الساونا الين يتشرب جسمج الزيوت .. وعقبها تغسلينه بجل شااور وبعدين حطي مرطب خفيف لان جسمج راح يكون متغذي من هالزيوت ..

    جربوا هالطريقتين وراح تدعون لي ..

    بس اهم شي الهمة يا بناااات ..

    كااااافي كسل وخمووول

    ملاااحظة .. يابنات ابتعدوا عن الساونا في الصالوونات .. عسى الله يستر علينا بستره , هالزمن يخوووف ..

    ودعواتكم يا بنات الله يجمع بيني وبين اللي في بالي بالحلال عاجلا غير اجل ..


    :26::26::26:

تابعي تجارب أخرى من هذا القسم.