طلبتكم بهذا الشهر الفضيل لاتردوني شوروا علي

السلام عليكم ممكن مشكلتي مع زوجي تعتبرونها بسيطه لكن والله العظيم اني افكر بسببها بالطلاق ليل نهارلانه راح يجنني ويوديني لمستشفى المراض النفسيه بطريقه تعامله معي يقول كلمه ويرجع فيها ما اعرف صدقه من كذبه يحلف بالله وهو يكذب مثلا يقول والله ماني مسافر ومادري من بكره الايقول عندي سفر اليوم واذا قلت انت حالف قال انا حالف ان ما وراءظهري سفر يعني حلفي صحيح ومثل هذا كثير كل يوم مره صار بيني وبينه كلام وحنا رايحين نتغدا وعيالي بره ولا بين انه زعلا ن مني ولا شي بلعكس كان يمزح معي ومع العيال بعدين طلعنا من المطعم وقال ابروح لمعرض سيارات قريب وش رايك احطك بالسوق الي جنبه واجيكم بعد ساعه وفعلا حطنا باالسوق وراح بعدين جانا ودانا للبيت وقال وش تبين تطبخين للعشا وهو يمزح ولا ادري يوم نزلنا الا يركب السياره وهو مسرع ولا ادري وشفيه دقيت عليه على طول وسالته عسى ماشر قال انا ابسهر اليوم برا وتراني راجع البيت وماخذ جوازي وموتي قهر ولو ادري ان رجعتي للبيت تضيق صدرك رجعت بس انا ادور الي يقهرك تصوروا راجع للبيت كل هالمسافه بينا وبين السوق حوالي خمسين كيلوا بس عشان يقهرني حياتي معه كلها كذا خداع وكذب وقهر ارجوكم شوروا علي قبل ماانجن

5 تعليق 861 مشاهدة

شاركي في النقاش

سجلي الدخول لإضافة تعليق.

التعليقات

5
  1. @aaashkh_albatn

    السلام عليكم اختي مريومي....الله يعينك ان شا الله ويهدي زوجك...بس انا اقول انك شوي مكبره الموضوع....انا عارفه انه مثل ما قلتي ما سهل ....بس الله يهديش ما توصلينا لدرجه الطلاق....طيب ليش ما انتي تطلبي منه مثلا انه انكم تتعشون مع بعض اليوم مثلا...وتقضوا الليله مع بعض....وما في مشاوير جانبيه...لنها ممكن تتأجل....او حتى تسافرو مع بعض..احسن من السفر مع ربعه :26:
  2. @mryomy

    صاحبة الموضوع
    مشكورات خواتي على ردكم صدقوني قلت له نسافر مع بعض يرفض ويقول محلك البيت تبين تسافرين وتطلعين لا تناقشيني ابدا اسافر اطلع اسهر واتاخربكيفي لاتتكلمين ابد ذيك الساعه افكر اخليك تسافرين صدقوني نفسيتي تعبانه حاسه اني عايشه مع واحد يبغى يجنني ويشوفني ابكي على طول من القهرويتلذذ بهذا الشي ابغى من اهل الخبره يقولون وشلون اتعامل مع هالشخصيه الغريبه الي ماعمري صادفتها بحياتي من قبل لكن للاسف صارت شخصيه زوجي
  3. @rylam_m_m

    الله يعينك اختي
    تدرين شالحل معاه
    التطنيش قد ماتقدرين
    صدقني لو قعدتي تعدين عليه غلطاته راح تنجنين
    انا زوجي كان زي زوجك تقريبا
    بس مع التطنيش تعدل
    واشغلي نفسك باي حاجه
    شوفي لك مشروع وظفي شهادتك اذا عندك شهاده

    وخوذيها نصيحه قبل ماتجيك الامراض ولاتلقين احد حولك
    انتبهي لنفسك وفكري فيها
  4. @ayranyh

    والله ما اقول غير الله يعينكم ماحد سالم من هالالرجاجيل الكل يتشكى بس عندك حق اختي مريومي انك تزعلين وتجننين لوانتي تبين تطلعين كان فتحلك محظر وين وليش؟ ومتى وعلشان شو؟ واخرتها لا
    بس ماله حق يسافر روحه ومن غير مبررات ولا مع ربعه واكيد نصهم عزابيه وشو السفر اللي يخليهم يسافرون لوحدهم بتقولين نزهه وليش زوجته وعياله وين مب مسؤؤل عنهم وعن تنزيهم الله يعينج ويعين الاخوات اللي مثلك مب مرتاحيين والله يصبرك ويهديلك زوجك قولواااا امين.

تابعي تجارب أخرى من هذا القسم.