دكتورتي الفاضله اشكرك على كل ماتقدمينه من جهد لاجل راحتنا والاطمئنان على صحة اطفالنا وجزاك الله عنا كل خير ..
ابدا بموضوعي واتمنى اوصل لك يااستاذه علا مشكلة طفلتي واتمنى من الله ثم منك مساعدتي واكون لك شاكره :)
يااستاذه بنتي عمرها 8 شهور ويوم بالضبط ومشكلتها انوو يطلع بجسمها بقع حمرا من تقريب الشهر الرابع وهالبقع تجي وتختفي ومالها مكان معين ويوميا تطلع
واذا رحت للدكتور دائما تكون مختفيه كانها تحس وبمره من المرات اول ماشفتها صورتها للدكتور قال انها احتمال حساسيه من الاكل
بس ما اقتنعت لانه يادكتوره اللي يطلع بقع حمرا غريبه مدري شلون اوضح لك شكلهم تكون بقعه حمرا بعدين داخل البقعه كانوو لسعة باعوض تطلع بقعه داخل البقعه الحمرا بلون ابيض بس مو ابيض فاقع لا مايل للوردي او بشرحها بطريقه ثانيه اول مايظهر الجدري المائي تكون اول حبه منها كانها مشحونه بحبه داخلها مويه خفيف تقريبا كذا ان شا الله قدرت اوضح الصوره ..
دكتوره الله يخليك قوليلي رايك شسوي لبنتي وهل الموضوع خطير انا للحين مارحت فيها للدكتور لان مرتين اروح فيها ومااصل للدكتور الاوتختفي البقع بس انا ماقلتله الا انه بقع حمرا ما شرحتله ان داخل البقع الحمرا تنفخات لونها ورديه :(
موضوع متجدد لإستفساراتكن والطبيبة الفاضلة /عـلا أحـــمد
متابعة النقاش، صفحة 6