السلام عليكم
انا الزوجه الثانيه وزوجي تزوج على زوجته عشانها ماتبي تجي معه للمدينه الي جاه التوظيف فيها
غير المشاكل الثانيه المهم لي معه سنه ونص طول السنه ونص وهو كل مانطلع مكان ويشوف بزران
يقول ليت عيالي عندي والله لامشيهم واكلهم واونسهم هو متعلق بعياله كثيييييييير ماعمري شفت ابو
زي كذا المهم قبل اسبوعين قالي انا بجيب عيال الثلاث يعيشون معي وش رايك؟؟
عياله اعمارهم 15 14 13 قلت الي يريحك قال عندي امنيتين اشوف عيال نظاف وعلهم لبس مرتب
وياكلون زين المهم جو العيال ورحت اتقضي ب1500 ريال ماخليت شي لهم لاني ابي اسمنهم نحاف مره
لمن كانو عند امهم ماتطبخ لهم تخلي اعتمادهم على البقاله لدرجه ان الباله يقول لزوجي حساب عيالك
600 ريال فطاير لوزين انجن زوجي قالو يبه امي تطلع من العصر ماترجع الى الليل ويذبحنا الجوع
ونشري من البقاله المهم انا رحمتهم ورحمته ابوهم لانى احبه وابيه يكون مبسوط ومرتاح
لكن تأتي الرياح بما لاتشتهي السفن جو العيال عندنا ورحت ستي مكاس وطقمت لكل واحد منهم بدل
وجزم وانتم بكرامه وديانهم الحلاق وحلاقهم سبحان الله تغيرت اشكالهم وجلست من دخل رمضان امد
سفره اشكال لهم من كل شي ونوع ادخل المطبخ من عشر الصبح لمن تكسرت رجولي
كنت احتري من زوجي كلمه شكر او يعطيك العافيه مالقيت هالكلام
انا احب النظام بيت يعنى ماابي شي مجدع ثوب او منديل او احد يدخل لحمام ومايسحب السيفون
بصراحه عياله عادي يدخلو الحمام ومايسحبون السيفون وتعالو لريحه عاد بصراحه انجن
وكل شي مجدوع صار بيتي مررررره حوسه والعلك بالارض المهم هم دايم جالسين بالمجلس
رغم ان وفرنا لهم غرفه فيها كل شي السوني الدي فدي الدش كامله يجون المجلس ويتحاذفون بالمخدات
المهم قلت لزوجي ايش هاذا عيالك مره ماعندهم نظام ولانظافه وبعدين لاترحون المجلس
هو واجهت البيت زعل زوجي وصار مايكلمنى قال خلاص انا بجيب امهم عندهم باخذ لها شقه
لاتمنين علينا قلت عشانى انقد وابغى حلول تقول امن انت حتى يعطيك العافيه ماقلت
انت حتى في علاقتنا منت متوازي صار كل وقتك لعيالك وانا مالي شي صت مجرد اطبخ
واغسل وامسح واجمع الزبايل حياه زوجيه مافيه المهم راح يدور شقق عشان يجيب زوجته
طبعا وضعه المادي مايسمح ببيتين واحسه يبيني ازعل عشان يطلقني ويجيبها ويفتك منى
ويرجع شمل العائله انا جلست ابكي وادعي اللهم انصرني على من ظلمنى كنت ابي اريحه
وقلب علي المهم قلت له اذا بتجيب زوجتك لازم تروح الشيخ وتسال لان الحبيب مطلقها ثلاث طلقات
ويقول لامانحسبت الثالثه لانى كنت ابي اخوفها قصدي مو اطلقها وقلت له الدين على كيفك
رح اسال شيخ قالي مالك دخل تبين تفرقين عيالي عن امهم سبحان الله صرت انا ألي بفرق؟
حاليا نفسيتي تعبانه احسه ارخص فيني ويبي يطلقي بس مو عارف وشلون تصدقون ان بطاقتي
صارت اصفار الرصيد كل شي ساعدته فيه السياره الاثاث السفرات كل شي لمن فلست
كنت مانام الا وانا مدهنته ومسجته ومحكحة رجله ومقصقصه شعرته البيض حتى الحلاقه
احلق له حتى الشعر اشيله له عمره ماسال عن لبس ومالقاه وسخه عمره ماجا ومالقى لقمه
اكتب وانا ابكي هذا جزاي الحين ؟؟
تكفون ادعو لي ان ربي يفرج همي ويصبرنى على مابتلاني ؟؟
شاركي في النقاش
سجلي الدخول لإضافة تعليق.
التعليقات
83- الله يسخر لك زوجك
- الله يفرج كربتك
- الله يفرج همج ويسخر لج زوجج
- كل عام وانتي بخير عزيزتي
والله مادري وش اقولك بصراحه
عياله و يحبهم ومايرضى عليهم شي واي شكوى منك تدل على انك ماتبينهم
بصراحه حنا يادوب نتحمل عيالنا كيف عيال الحريم
انتي حاولي تكسبينهم لصفك خصوصا هم كبار مو صغار
لانك لو كسبتيهم راح تكسبين ابوهم بس لاتصيرين خدامه لهم
خذيهم بالكلام الحلو
يعني اذا حوسو البيت قولي لهم يالله رتبو البيت واللي يرتب له هديه
سيفون الحمام قولي لهم اللي مايسحبه راح يطلع منه صرصور او دوده
وترى الموضوع يبي له طوله بال مو على طول بيسمعون كلامك
بالنسبه انه بيحط شقه لزوجته الاولى وعياله هذي الساعه المباركه
بس انتي خليك ذكيه مهما يسوي ويغلط لاتبينين له زعلك اضحكي وقولي له الله يخليك لي يا......!!
بالنسبه لعلاقته بزوجته الاولى لاتدخلين فيها ابد ابد
مالك دخل فيهم لو انه مطلقها 10 مرات ترى كذا بتخربين حياتك
هو اللي راح يحاسب عند ربه مو انتي
ولاتظنين انه اذا حرمت عليه انه ماراح يرجعها راح يرجعها ولو بعد حين
يعني ريحي عمرك من هالناحيه
اهتمي بحياتك انتي وبس
وواضح ان زوجك كاب عشاء زوجته الاولى عندك وذا مايجوز ابد
على فكره لو تجيبين نونو راح يلهيه شوي
واكبر غلط انك تعطين زوجك فلوس حتى لو يتسلف من الرجال انتي لاتعطينه
عموما الله يسعدك ويوفقك والسموحه - كوني عون له بلم شمل عائلته
مو عشانه ولا عشانها عشان هالاطفال اللي مستحيل تكونين احن عليهم من امهم (مهما قلتي وعبرتي )
وبينولك ربي جزاء عملك بالدنيا قبل الاخره
تأكدي ربي ما يضيع حق احد لو لك حق بتاخذينه وبيحطك زوجك فوق راسه
احنا دائما نتصرف بعواطفنا ومشاعرنا لكن ما نتصرف بمنطق وعقلانيه
رب ضاره نافعه ما اظنك بتتحملين عيال بالتصرفات اللي قلتي عليها فتره طويله
خلي امهم تتحملهم وصدقيني اذا انتي فعلا خادمته وحاشمته ومهتمه فيه هالقد بيرجع لك
الله يكتب لنا ولك كل ما فيه خير لنا بالدنيا والاخره
مواضيع مشابهة
تابعي تجارب أخرى من هذا القسم.