صدمني الله يسامحه

حبيبتي يمكن هو يحسب كذا انه معطيك وزيااااادة
لانه مو عارف ان في شغلات انتي تبغيها وتسكتي ولاتطلبي منه شي...
هذا بينك وبين نفسك
هو مايدري
هو مايدري ان لما تكوني نفسك في شي تبيعي ذهبك... هذا برضوا بينك وبين نفسك
هو الموضوع من وجهة نظره انه مو مقصر معاك بشي مقاضي رمضان ولبس العيد وووو
انتي اليوم اذا جا افتحي معاه الموضوع بهدوء ووضحيله كل شي
ووضحيله ان اكثر ماجرحك في الموضوع انك ضاغطة على نفسك في المصاريف مع ان راتبه حلو ومافي سبب مقنع لذلك
الا انك تبغين ترضيه ومع ذلك يشوفك بتنتفيه؟
ولازم توصلوا لحل
يهني الوضع الحين لامريحه ولا مريحك!!!
وبعدين حاولي بذكائك ومو باسلوب مباشر ترمين الكره في ملعبه...كيف؟؟
يعني هو الحين حاطك السبب في عدم التوفير مع انه مو كذا
طيب قوليله وين تروح الفلوس اذا انت مو قادر توفر وانا مااصرف..
شوف كم تصرف على القنوات وعلى وعلى بس باسلوب مو كأنك تحاسبيه وين يودي فلوسه
الله يسخر بينكم

الله يعطيكم العافيه جميعا على ردودكم وراح اخذ بنصايحكم ان شاءالله
بس انا احس ودي اسافر لاهلي بعد اللي صار فتره بس وش رايكم اقوله اذا رجع ولا لا

وسعي صدرك
انا زوجي اضعاف راتب زوجك ولله الحمد
وبيتي ملك
وماشين على نظام المصروف وكل شي مقسم ومحسوب
ومع هذا دايم يتهمني اني مسرفه
واني ما احافظ على المصروف وانو المصروف راتب موضف حالته زينه
قلت له المصروف بالكااد يغطي مصاريف البيت
قال لاا لو انتي حكيمه ماطار
شسووي يعني مالبس والبس عيالي
ما اكل الا رز ولحم (لانو المصروف يشمل مقاضي البيت كامله)
بس تعودت على كلامه وبرد لحمي
مدام المصروف ماشي

نصيحتي لك
خليه بحدد لك مصروف شهري
وقفلي اذانك خليه يقول الي يبي

الله يعينك ويساعدك ويسخرلك زوجك

شوفي اختي ابقولك كلمة تزعلك دارية..لكن والله والله لو ما اعدك مثل نفسي مو اختي ما قلتها..

الدنيا ناااار..

كل مالها تغلى..

واذا ماقدرت توفرين اليوم بكرا يجيك اولاد وتعرفين الصرف صدق..

لاتفكرين انك بيومك وانك بشقة ببلاش..اليوم تكفيكم بكرا اذا جاك اولاد وصاروا بوجهك ليل نهار تطقين..اذا شفتي اللي حولك ببيوت وعيالك حتى الكورة مايقدرون يلعبون علشان مايتكسر الاثاث عرفتي ضيقة الصدرفعلا..

اذا حشرتيهم بغرفة كلهم مع العابهم وانت بغرفة وتقاسمتوا حمام واحد..وقتها بتروحين سيتس ماكس لحالك..

طول ما انت تقولين هو يصرف ليش انا لا..ماراح توفرين ريال..ولا راح تسكنين طول عمرك..

لاتقولين تقسيط..هذاك اول الرواتب تكفي تقسيط وصرف...الحين الواحد مايقدر يسوي حساباته ويضبط صرفه مع الغلا الحاصل..

حليب عيالي كنت اخذه ب37..الحين 58..هذا مع الدعم بعد..

والله من اكثر من سنتين ما اخذت من رجلي ريال..ولافكرت اشري ثوب عيد..مع ان حالته الحمدلله زينة لكن الواحد يحط اولويات قدامه..وانا من اولوياتي البيت الملك وبعده كل شئ يتعوض..مافيه شئ فايت..

لاتزعلين اختي..كلكم غلطانين..وكل واحد يحطها في الثاني..الحكاية قرار..ياتوفير ياصرف ..يافشخرة وماركات ياارض ملك..يافنادق يابيت ملك..

فيه ناس ربي معطيها..حالتهم مهب واقفه على راتب ..وناس مثل حالاتنا..على الله ثم الراتب..لازم تحسب وتحاسب..

انا مااقولك الدعوى سهلة..حنا حريم طبيعي نحب الزين والتشري..ويمكن اسهل على الرجال يقتسط..وتضيق صدورنا اذا شفنا الزين ودنا مثله..لكن يضيق صدري اكثر لاقالوا عيالي نبي حوش نلعب سياكل فيه..

الواحد يكبر بالعمر ولازم تفكيره ينضج معاه..لايهتم بكلام الناس..الخلاقين بتقدم والسفرات بتنسى..والبيت يبقى لعيالك ولك ان شاء الله..والقرش اللي بتوفرينه بيبقى لك ولعيالك..مهب صارفه على حرمه ثانية ..


والله قعدت عشر سنين اوفر ابي بيت وهو يدخلها الاسهم ويسلف العالموتطير اكثر من مرة وتتبخر معها احلامي....احمدي ربك عالاقل ما جمعتها وطارت بمغامرات مالها سنع..الله يعوض علينا والمسلمين..ومع كذا ما يئست وقلت اجل خلاص ابصرفها احسن ماتروح في الاسهم والسلف لانه صار زي المرض بالنسبة له..ودعيت ربي والحمد لله ربي صده عنها الحين..


يا اختي لاتزعلين الله يخليك..واقري ردي اكثر من مره..اذا الرجال طيب اصيل ..لاتقولين مصروف وما مصروف..انتم شراكة في قارب واحد..وانت مسئولة معاه عن المصروف في السراء والضراء..مهب صديقي ابستفيد منه قد ما اقدر..وش ذا الحكي والنظرة المادية..

وانا معك اذا الوحدة عند اهلها مدللة وبيئتها تكشخ صعببببة على الواحد مايسايرهم بس الشكوى لله هذا نصيبك..


ترى الثمانية والعشرة ماتسوي شئ..وانت احسبيها.مقاضي 1500. .. .الفواتير..2000 الايجار..2000 الطوارئ..مستشفيات وهدايا للي ولدت وتزوجت..بنزين السيارة .صيانة البيت. .ترى مبالغ بسيطة بس تاكل الراتب..


تبين طريقة تضبطون نفسكم..اكتبوا من الشهر الجاي كل شئ تشترونه..من قارورة الموية..للذبيحة..ولا تتكاسلين ..وبعد 3 شهور شوفي اكثر شئ تصرفونه ..ملابس كماليات هدايا ..وحاولوا تضبطون اموركم..

اذا مافكرت في حالكم لاتتوقعين احد بعد عشر سنين لامن اهلك ولا اهله بيجي ويقول خذوا البيت هذا هدية..حتى لو تعاطفوا معكم ..كلن بينام ولا بيفكر فيكم..

كلامي قاسي ادري خصوصا وانت تعتبرين نفسك ضاغطة..بس الاقسى اني ابقولك..اضغطي اكثر علشان ترتاحين بعدين..