سبع سنين .. وبالاخر تزوج غيري .. حسبي الله ونعم الوكيل
يا بنات .. اقسم بالله اني تعبانه ونفسيتي دمار .. وهذا الانسان مو راضي يطلع من قلبي
سبع سنوات ما بين اخذ ورد ..
ومره يقول لي امي مو راضيه .. ومره يقول اخوي الكبير مو راضي .. وانا زي الهبلا مصدقه وجالسه ادور معه على حلول ..
سبع سنين يا بنات وانا اصدق كل كلمه يقولها لي .. واحيانا اعرف انه يكذب .. بس اوهم نفسي انه صادق
بس لأني احبه وما ابي اخسره ...
وبالاخير ... راح ... تزوج وحده من معارفهم .. وراح ..
كان كل مره يجي احد يخطبني .. يقول ارفضي لا توافقين انا بقنع اهلي .. ويجلس يصيح عشان ما اوافق ويقول لي ما اتخيل حياتي من غيرك .. الله يخليك لا توافقين ..
وانا وسط ضغوط اهلي من ناحيه و وسط حبه (اللي كنت احسبه حب) كنت اوقف معه واقول لأهلي ابيه وما راح اتخلى عنه ...
يمكن هو استغل فرصه اني ما عندي ابو يسأل عني و يوجهني:44:... ما ادري والله ما ادري
انا والله نفسيتي تعبانه ومدري وش جالسه اخربط ... ماني متخيله انه في بشر بهذا الشكل
واسأل نفسي .. ليه .. ليه طيب ؟ انا وش سويت له ؟؟ كنت معاه على الحلوه والمره .. وقفت معه الين لقى شغل وساعدته بشغله و كنت اوجهه اذا زل عن الدرب ..
ادري اني هبلا وحماره ... بس قهرني يا بنات قهرني
والان لو يرجع لي ما اخذه مستحيل ... وفي نفس الوقت مانيب قادره انساه:44:
يا بنات تكفون عطوني حل وش اسوي بعمري .. والله اني ادعي ليل نهار ان الله يشيل غلاته من قلبي عشان اقدر اعيش حياتي
وكل ما اتذكر اللي سواه فيني ودي ادعي عليه بس ما ادري يجوز والا لأ؟.. بس ما اقدر اقول الا حسبي الله ونعم الوكيل
حرمني أكون (أم) :44: