موضوع رائع وتسلمين على طرحه اختي
انا بقولكم قصه صارت وهي ان خالتي حبت توفق راسين بالحلال بين بنت صديقتها وولد صديقتها الثانيه ام البنت دايم تقول نبي الرجل يكون ولد صالح ومايعرف يخربط ومايهم فيه شي اهم شي يكون رجل بمعنى الكلمه وهي بنتها جميله فقالت خالتي لام الولد انو فيه بنت زينه وكذا وكذا الام فرحت وانه من طرف خالتي قامت خطبت يوم راحوا لهم تفاجأت من كلامهم انهم يبون الولد راتبه كذا ويسكن بحي راقي وانه يتكفل بكل شي هو ماديا مايقدر صح اهله يقدرون لكن هو يبي يتزوج من حر ماله وبعدين قالت ام البنت صحيح حنا نبي ضابط ومكانه مرموقه لكن معليش ولدكم يمشي حاله وطلعت ام الولد معصبه من هالاسلوب وانحطت خالتي بموقف محرج
والسالفه الثانيه انو جارتنا كانت تقول بناتي مايتزوجون غير ضباط مع ان ابوهم مو ضابط بدري عليه المهم تعنتهم هذا وتزمتهم ماجاب لهم خير تزوجوا البنات ضباط بس لااخلاق ولاشي وغير كذا الكبيره تنطق الصبح والليل وحابسها عن اهلها والصغيره تزوجت ضابط بس مريض نفسيا حتى يقولها شلون خذيتوني انا لي سنين اطق بيبان الناس ومحد ارتاح لي ولااحد وافق علي وش معنى انتم وتحسبونهم اعتبروا للحين يحلمون بالضابط لخواتهم الباقيات
والسالفه الثالثه سلمكم الله اخوي ماشاء الله عليه ولد معروف عنه باخلاقه الله يحفظه لنا ويخليه عاد دقت صديقه خالتي وقالت ابيه لبنتي اخوي كان عمره 20 سنه وتوه داش الجامعه قالت امي الله يرحمها شلون مانقدر نزوجهم ولدي توه ماتوظف وخالتي كانت متحمسه مدري ليش المهم ام البنت مااقتنعت جت ومعها بنتها قالت خذوا بنتي بدون مهر ولاشي بس خذوها البنت ماشاء الله عليها جميله وخلوقه طبعا قالت لاخوي هو متفاجأ والام تكلمه عاد امي سكتت تبي اخوي يحكي لها الوضع قال لها باسلوب حلو بنتك غاليه وعزيزه وبنت ناس اجاويد وحتى لو الموضوع بمصلحتي ماابي قدرها ينرخص على يدي انا خليها ببيتكم وانا اجي اخطبها حتى لو انكم على قدكم مهما كان لها قدرها اللي يخلي الجميع يجون لها مو تجي لنا وحاول يقنعها الام حزنت حيل عليه وبدت تزعل علينا بس مالنا دخل فيها اهم شي بنتها ماتحس انها مالها قدر..
واذا حضرني شي كملت لكم السوالف تقبلوا مروري وشكري لصاحبه الموضوع
مواقف مثيرة لأهل المخطوبة
متابعة النقاش، صفحة 23