أمرُُ يثير استغرابي (للمتزوجات)

مادري شقول
و الله الموضوع يحير
انا متزوجه بس عندي بعض اوقات فراغ
بس احسبو اني ما خلصت دراستي
احيان اقول ابي اتوظف و احيانلا
بعدين بعض الموظفات تكون عندها اولادها بالصباح دراستهم عشان كذا بهذا الوقت تروح وظيفه
الله يكتب الي فيه خير للكل
بعض البنات زوجها ميعطيها مصرف بيدها
مع ان حالته ممتازه
عشان كذا توظف

تدرين ليش الكل يركض على الوظيفه البنت والمتزوجه

حتى المتزوجه المرتاحه ماديا وعندها اطفال وبيت الخ
تجري ورى الوظيفه


لان احنا الان بزمن العولمه
وانتشرت القصص عن الزوج النذل اللي ياخذ زوجته لحم ويرميها عظم
يعني تصبر معه وتقول زوجي هو دنيتي
واخرتها يتزوج عليها وهو موب قد التعدد ويظلمها ولا يطلقها وتتشرد خصوصا اذا كانت يتيمه

ندري انه من زمان الرجال مالهم امان
بس قبل مافيه انترنت وكانوا الحريم على الفطره وقمة البراءه
يعني اذا تزوجت قطعت كل شي حتى انها تستقيل من وظيفتها عشان تتفرغ لزوجها

طيب وبعدين

فيه رجال يستحقون ويخاف الله بزوجته وبعضهم نذل

لدرجة يمن عليها بالمصروف حتى لو هو مقتدر وتلقينه يعطي الناس بدون حساب

عشان كذا صارت الوظيفه اهم شي
وصارت المراءه الان اكثر حذر من قبل صارت تفكر بالمستقبل وتحسب حساب كل شي وعرفت حقوقها
وكثير امهات اشوفهم يقولون لبناتهم توظفي وبعدين تزوجي
وتحلف على بنتها ماتترك وظيفتها

وصلي اللهم وسلم على نبينا محمد

مو كل متزوجه يصرف عليها زوجها
ومو معناه اذا كنت متزوجه اتنازل عن الوظيفه علشان اللي ماتزوجو
كل وحده وحسب ظروفه وحسب احتياجه سواء مادي اومعنوي
وخاصة اذا كانت وظيفه رسميه
اقول عظي عليها ولاتتركينه لان ماحد يضمن الايام
ممكن تترمل او تتطلق من بيصرف عليها؟؟؟؟
مع العلم انا غير متزوجه

المتزوجة و غير المتزوجة الكل يحس بالزهق هذة الأيام و يحب التغيير كلما أمكن

لاوالله بالعكس اللحين الوظيفه صارت من اساسيات الحياة حتى لو الوحدة بيتها وبين اولادها بعدين يكفى تحسين انك تساهمين بمجتعك هذا اكبر دافع والوظيفه فوائدها كثيرة مو بس ماديه حتى اجتماعيه وثقافيه بعد الله يوفق الجميع ويرزقنا الى فيه خير وصالح