جزاك الله خير أختي حرة على نفض الغبار عن موضوع قيم لا يقدم وجزى الله الكاتبة خير وكذلك من عقب وننتظر المزيد ممن مررن بتجارب هزت استقرارهن العاطفي والنفسي ممن تجاوزن المحن بفضل الله ولكم الشكر
موضوع رائع جدا وانا هنا سوف اضيف بعض الحلول العملية التي ربما تطرقت لها احد الاخوات ولكن بعجالة وايضا ربما يراها البعض انها خيالية ولكن صدقوني ادا طبقت سوف تكون ملاد بعد الله سبحانة واللجوء اليه للمراة التي مرت بهدة التجربة وهي 1- تكوين جمعية للمراة تحت مسمى ( اترك لكم الاسم) وفيها تجتمع النساء المظلومات لكي يتحدثن مباشرة مع بعضهن وتحت اشراف متخصص نفسي وربما لاحظنا هدة الطريقة منتشرة بكثرة في الغرب لما لها اثر قوي في التخفيف عن المصابين 2- المطالبة بسن قوانين تحمي المراة في حالة تعرضها لمثل هدة الظروف كالمطالة بتوفير سكن مستقل لها وهكدا 3- ان تبحث المراة عن مهنة تجعلها مستقلة ماديا فهدا له اثر كبير وانا اقول مهنة وليست وظيفة لانه بأمكان اي امراة ان تجد لها مهنة كالخياطة او التجارة البسيطة ولو ربحها قليل المهم ان تستقل ماديا
والله انا اشوف ان الوحده لازم ماتخلي الرجال هو هدفها الوحيد في الحياة
انا بنت مابعد تزوجت واشوف كل البنات اللي بعمري منهبلين يبون العرس
بالله وش في العرس شي زين ليش البنات كلهم مستعدين يضحون بدراستهم وبراحتهم عشان بس يتزوجون طيب انا الحين اشوف كم وحده اعرفها تزوجوا بس مالقوا السعاده اللي كانوا يتوقعونها انا مو ضد الزواج بس اكيد بعد مو كل البنات يبون يتزوجون وانا اللي اشوفه كلهم كذا لانهم متربين على هالشي ان الزواج اهم شي ما تربوا على ان المهم وش يبون بالضبط وش يبون يصيرون ليش اغلبية النساء عندنا مالهم هدف ياحبيبتي الوحده عشان تحافظ على استقرارها النفسي لازم تدرس وتكون نفسها وتشتغل لازم يكون الرجال هو جزء من حياتها مو كل حياتها ليش البنات كلهم يقولون احنا نبي نتزوج والزوج هو اللي يصرف على ومدري ايش ليش البنات كلهم وحتى المتزوجات قاعدين تحت رحمة هالرجال اصلا الرجال نفسه ان شاف زوجته قويه وانها اصلا تقدر تمشي كلشي سواء بوجوده ولا لاء هو بيتغير بيحس نفسه انه مو اهم شي في حياتها وهذا اللي لازم يصير انه يحس انها زيها زيه ليش المراه في مجتمعنا رابطه سعادتها واستقرارها النفسي بالرجال والله ماشفت اللي متزوجين عايشين بسعاده مطلقه هذولي اللي يقال عنهم مستقرين فما بالك باللي حالتهم حاله
انا عن نفسي مابي اتزوج الحين انا الحمدالله على وشك تخرج و **** لله اتخرج هالسنه ومايعطلني شي وناويه بعد تيسير الله اطلع بعثه اكمل فيها دراستي واشتغل واكون حياتي بنفسي وابنيها من دون ما اعتمد على احد واشغل اعلى المناصب لازم انا اكون قويه قبل اي شي والزواج يجي بعد كل هذا هذا بالنسبه لي
لازم كل وحده تخطط لحياتها لازم كل وحده هي اللي تدير حياتها مايدرها لها اي شخص ثاني اتذكر انا مره قد شفت فلم عجبني مشهد فيه هو ان واحد يحب وحده ويبي يتزوجها وهي مشاعرها اتجاه يعني كويسه وممكن نقول انها تحبه لكنها ماراح تتزوجه وكانت تبي تسافر عشان شغلها وجتها وحده قالتلها ان هذا الشخص يحبك ويبيك وانتي تبين تروحين وتخلينه قالت انا فعلا احبه بعد لكن انا ابغى اعيش حياتي زي ما انا ابغاها وزي ما انا مخططه لها
واحنا بعد لازم نتوكل على الله ونخطط لحياتنا ونعيشها زي ما احنا نبي مو زي ما يبون الناس
والوحده اذا صارت قويه ماديا ومعنويا مهما كان راح تكون نفسيتها مستقره حتى لو بعدين اخذت واحد مهب نفس الشخص اللي تتمناه
حتى للمتزوجه لا زم تدرس حتى لو كانت ماتبي تشتغل بس لازم تحس ان عندها ضمان لان الضمان خصوصا الضمان المادي اذا ملكه الشخص مهما كان راح يقدر يستقر عاطفيا
وطبعا لازم دائما في كل صلاة نطلب من الله انه يحقق لنا اللي نتمناه ويسعدنا فيه