شاركي في النقاش

سجلي الدخول لإضافة تعليق.

التعليقات

34
  1. @aaakl_olkn

    معليش احترم وجهة نظر الجميع
    بس هذا للاسف طفل وما عرف من الزواج الا كلمة روحي بيت أهلك
    انا لو مكان اهلها اخلي ابوها يتصل عليه ويقوله تعال يا ابن الناس نتفاهم
    ولما يجي يقول له شوف يا حبيبي لو البنات يزوجون عشان يلقون اللي يأكلهم ويشربهم ويلبسهم ويدللهم ما راح تلقى احد احسن من أهلها لكن الزواج سنه الله في خلقه واذا البنت تبيها خذها بس لاعاد اسمع انك قايل لها روحي بيت اهلك بدون غلط كبيييييييييير
    واذا قلت لها انسى ان عندك زوجه لان بيت ابوها اولى فيها
    بس يشوف اهلها معها وهذا ردهم بيستحي على خشته ويدري ان وراها ناس
    وبيتسنع ولو ما تسنع فاعرفوا انه ما فيه فايده
    عذرا على صراحتي
    سوي اللي قلت وبكره تقولون عين العقل
  2. @ghad_alryad

    العقل يتكلم مو مشاعر الحريم

    لاتهدمون بيت الحرمه ولاتخببونها على زوجها اتقو الله

    الحياة في اولها مشاكل واول سنه الاكثر وبالغالب يحدث الطلاق

    وبما انو يكرر هالكلمه المفروض تسفهه ولاترد عليه او تضف عفشها

    بما انها طلعت الان وتركت البيت

    الواجب عليها تدق عليه وتتفاهم معه باسلوب (انو انا طلعت ابي تحس باني مهمه في بيتك وماطلعت لانك طردتني )

    هل انت مرتاح الحين وهل جربت البيت من غيري

    اكيد بيعتذر لانها جت باسلوب محب مو اسلوب هواش
    انت فقدتني وانا اكثر منك ماهنا لي نوم بدونك


    ولاتكرر هالشي حتى لو قال اطلعي من بيتي

    اي زوج اذا عصب له لزمه يكررها (انا زوجي اذا زعل قال بطلع من البيت واترككم ويطلع ويرجع غصب عقب ساعه بالكثير )

    وعلى كثر ماكررها صار عادي يروح ويرجع . وبما انه رجع صار دوري اني انا اتنازل وانهي الخلاف لانو هو تنازل ورجع للبيت

    والحين اي خلاف يطلع ويرجع لانو عارف انو المشكله بتنتهي اذا رجع


    يابنتي ياحبيبتي.. كل زوجي جايين من بيئتين مختلفتين ولهم اسلوب تعامل يختلف ولذلك طبيعي انو يكون بينهم اختلاف وجهات نظر
    والمفروض واحد فيهم يكون عاقل ويحتوي المشكله علشان المركب يسير

    جيبي اي سطحين خشنين وحكيهم في بعض
    بيطلع صوت وازعاج لكن مع كثر الحك واحد من السطحين راح ينعم اذا ماكانو اثنينهم يصيرون ناعمين وراح يختفي الصوت ويصير احتكاكهم سلس
    ولو بغينا نحل مشكلة الصوت والاحتكاك نحط زيت يخفف الاحتكاك لايسبب حرق وشرار يتطاير

    هذي هي الحياة في اولها
    والزيت هو طيب المعامله من احد الطرفين
    والشرر والنار هو الطلاق لاسمح الله
  3. بصراحه الوااحد الي يقول كل شويه روحي لبيت اهللك لسه ما حس
    بالمسواليه
    وكمان الزوجه لا توري انو هيا ما عندها اهل ولا سند
    لازم توري لنو وراها رجال مو اي كلمه يقولها روحي طيب ليش متزوج
    المهم لا تعطي اكبر من حجمه
    اتمني انو تتفاهم معه قبل ما يجي بينهم عيال


  4. اذا هي غلطت عليه في الاول مافي مانعا نها تتصل وتعتذرله وتفهمه انه خطاها مايوصل لطرده من البيت لكن لو هو الغلطان تطنشه هو الي يراضيها الحق حققققققق


تابعي تجارب أخرى من هذا القسم.