متابعة وصفة اختنا حاملة القرآن (النشادر والاكسجين)

السلام عليكم

اخواتي مبارك عليكم الشهر

بصراحه انا بديت بالمرحلة الاولى وانتهيت ومالاحظت اي فرق واتوقع انه من هايدروجين بروكسيد

لان البنات يقولون انه مضمضه للفم وانا اللي عندي هايدروجين بروكسيد بس مكتوب عليه لتلوين الشعر وعلبته بلاستك بنيه وغطاها ابيض بس شكله مو اللي تقصدونه

انا سالت قبل كذا ومااحد رد علي

يالاللي من الرياض تقولي من وين اشترته لاني دورت بكل الصيدليات والعطارات ويقولون مافيه الا هذا

ياليت الاقي هالمره رد يريحني
يت
ويعطيكم العافيه

رنييم
هو نفسه لا تحتارين انا استخدمته وخاص لتلوين الشعر لا تخافين نفس الثاني ويمكن اقوى وانا استخدمه كل ما لقيته لأنه بسرعه يطير من الجمعيه

Ocean Dream
لا تنقهرين ناس مثلج خلصوا 3 مراحل ما صار لهم تغيير الصبر يا اختي
gogitta
ما شاء الله الله يتمم عليج نعمته

همسة وفا
لا الخلطه كافيه للجسم دهان مو سباااحه لأن حسافة تسوين كميه وتنقط لازم تنحط فريش
:26:
نسيم الامل
حياج الله اختي
لاخلطه تناسبج بس لا تقربين من الاماكن الحساسه كلش انت او غيرج وسبق وحذرت النشادر له ريحه طياره نفاذه شوي واحنا مو ناقصين
اما تأثيرها والله ما ادري بس اللي اعرفه انها ما تنحط وتطلعين فيها بالشمس ولا تبقعين يعني حطيها في مكان بارد لحد معاد الشطف ساعه فقط
النشادر هو الامونيا البودره واسمها نشادر فقط وتلقينها عند مطاحن كبيره





بنااااااااااااااااااات لا حظتوا كثيرات بدوا وما استفادوا من اول مرحله او الثانيه وسبق ذكرنا كثيرات ما استفادوا منها بالاول بس من بعد الرابعه بدأت الاستفاده وتعتمد كل وحده ومثابرتها وطبيعة شعرها والاهم المواد المستخدمه وفعاليتها
والله يوفق الجميع يارب

على القوه بنات وبشرونا بالنتايج الزينه وانشاء الله اذا جربت الخلطه بقولكم:27:

خلطه جديده يا بنات سمعتوا فيها؟
امس في المسجد شفت اخت لنا من مصر كانت تصلي ولاحظت شعر يدها صغير وفاتح وناعم مثل بنت ام عشر سنين المهم كنت بقولها عن خلطتنا وقلت في قلبي راح تستفيد منها بسرعه لأن ما شاء الله ما لها شعر وايد وصغير المهم سألتها ما تحفين قالت صار لها 3 سنوات ما تحف كلش واستغربت وقلتلها سويتي ليزر قالت لا وقالت لي انها كانت مشعره جدا وكان طويل واسود والشعر لما كانت تطول تلف خصوصا شعر الساق المهم تقول ان وحده وصفت لها خلطه تحطها بعد الحف مره يوميا لمدة سبع ايام وطبعا بكل لقافه سألتها وقالت لي نشادر وطحين حمص طبعا انبهرت وقلت لها اني استخدم خلطه كذا وكذا وقالت لي انها ما سمعت في خلطتنا بس سمعت عن خلطة النشادر بمرارة الماعز ونبات السعد
بس الخلط هذي تقول انها ما تطيح الشعر بس تنعمه وترفعه وتقول ان زوجها كان ينفر منها وكانت تحف كل اسبوعين بس الحين من 3 سنين ما تحف وزوجها قالها جذي وايد زين ومو مبين حيل وملمسه ناعم مو خشن ينفر الواحد منه المهم خذيت الوصفه
وهي ملعقه صغيره نشادر و وملعقتين صغار طحين حمص او نخي مذوب في ماء ملىء فنجان قهوة صغير عاد لما رجعت البيت تذكرت اني ما استفسرت اي فنجان قهوة تقصد
المهم تنحط بعد الحف بالحلاوه وتمسحين المكان اللي تدهنين فيه بفوطه مبلوله بماي دافي وتدهنين بالخلطه فورا بعد خلطها لمدة 7 ايام وتنامين فيها تنحط مره باليوم وممكن مرتين بس نسيت كم خذت من الوقت على ما استفادت والمشكله انها منقبه ولا رحت وعفس المسجد عليها :06:
قلت بسألكم احد سمع عنها ؟
الحين كذا خلطه فيها نشااادر شنو السالفه ؟

وما دام عندي نشادر مرطرط قلت بجربها واتوكل على الله في الساق اللي ملوع جبدي بحفه وبستخدمها اما الجسم والويه لا انا ماشيه زين ببركة خلطتنا والله يتمم عليي وعلى الجميع


احد سمع فيها
طحين الحمص هذا له مفعول ؟ اللي سمعت بكل امانه ترد جزاها الله كل خير وكله للمصلحه العامه:27:

بنات الله يعافيكم راسي دار وخلطت المعلومات سوى000:06:
عشان هيك ردو على أسألتي00
1-الحين ماء الأكسجين بعضكم قال انه مضمضه والبعض قال انه مثبت الصبغه وياليت البنات الي انفعت معهم
التجربه يردون علينا ويريحونا

2-واد فيه وحده خف الشعر عندها بنسبه كبيره يعني 60% تقولنا
انا قدني طفشانه من الشعر الي غازي كل جسمي
وياريت تعطوني امل
:42: