بتحولي نفسك لمريضة سكر بإيدك؟أدخلي وشوفي (حبوب جلوكوفاج وسيدوفاج)

جزاك الله خير

أحسن من الأدويه أن الوحده تصك أفمها وبس

لا يا همسة يا حبيبتي بالنسبة لتكيس المبايض
مفيش منه أي مشكلة أو ضرر على الإطلاق بس طبعا لازم تكوني متابعة مع الدكتور بتاعك
عشان بناء علي الحاليل دكتورك هيحدد امتي يوقفه
وربنا يكرمك يارب

شكرا كتير على موضوعك بس بتمنى تردي علي ضروري جدا ويكون صدرك رحب لي بترجاكي
اولا انا عمري 25 سنه عندي ولد عمرو 4 سنين ونص انا من النوع اللي بحمل بسرعه اوك؟؟ مافيش مشاكل من بعد ابني باخد حبوب المنع زي ياسمين ومن 3 سنين تقيربا او سنتين اخدت ابره لمنع الحمل من مصر مافي منها بالكويت قلت لنفسي انو الحبوب بتخن والابره اريح مادام 3 شهور بتمنع الحمل المهم اخدت الابره ومنعتلي نزول الدوره 7 او 8 شهور ورحت الدكتوره قالتلي انو الابره غلط اني اخدها وانها عملتلي موت للتبييض انو مافيش تبييض ابدا وانو لمده 8 شهور لازم انسى الحمل وعطتني حبوب تنزيل الدوره وبرضو مافيش فايده ورحت لطبيب تاني عطاني حبوب التنظيم اسمها بروجيليتون وبعدها نزلت الدوره وانا من كيفي خامس يوم للدوره رجعت استخدم حبوب المنع ياسمين لمده سنه كامله لا راجعت فيها طبيب ولا شي وبشهر 2 يعني من 8 شهور تركت الحبوب والمنع كلو عأساسا انو أخلف وطبعا ربنا ما أراد لأنو لما اروح الطبيب بتقوللي ماعندك تبويض ابدا فعطتني الكلوكوفاج عأساس انو للتبويض ولتنزيل وزني الزايد لازم انزل اكتر من 20 كيلو اخدت علبتين وتلاته والصيدلي حكالي انو مامنو ضرر الجلوكوفاج لو اخدو مدى الحياه انو فعلا بنزل الوزن فممكن تساعديني انا خفت من كلامك انو يعملي سكري لا سمح الله ولو سمحتي محتاجه ضروري ردك بخصوص السيبوتريم المصري والريداكتيل او حبوب الشاي الأخضر او الخل بترجاكي تساعديني انا طولي 159 ووزني 106 بترجاكي ماتتأخري علي بالرد

السلام عليكم ورحمة الله وبركاته
جزاك اله كل خير حبيبتي حنان 24
وربنا يكرمك يارب ويديكي كل اللي بتتمنيه وتحملي بصحة وعافية
بالنسبة لسؤالك الأول إذا الدكتورة قالت لك إنها كتبته ليكي عشان التبويض
ماتقلقيش وخديه وإنتي مطمنه لأن في حالات معينة لما بيكون فيه مشاكل في التبويض أصلا بيكون فيه مشكلة
في الإنسولين اللي في الجسم وفي الحالة دي الجلوكوفاج بيضبطها ومايعملش أي خلل في نظام الجسم الطبيعي
بس أهم حاجة إنك تتابعي مع الدكتورة بتاعتك وإنتي بتاخدي الجلوكوفاج عشان تعمل لك التحاليل اللازمة وتقدر تقرر امتي توقفهولك
وبالنسبة لسؤالك التاني
السيبوتريم والريداكتيل زي بعض بالضبط وهم كويسين جدا في التنحيف لكن طبعا لازم مايكونش عندك أي أمراض زي ضغط الدم المرتفع وكمان ماتكونيش عصبية
وحبوب الشاي الأخضر هيه كمان كويسة قوي لكن طبعا عشان طبيعية فهي بتحتاج فترة عشان تحسي بنتايج ملموسة
بس أهم حاجة يا حبيبتي إنه مع أي دوا تاخديه للتنحيف لازم تزودي نشاطك شوية وتقللى من أكلك شوية عشان تلاقي نتايج كويسة تشجعك إنك تكملي
لكن بالنسبة للخل يا حبيبتي أنا ماعرفش حاجة عن تأثيره وهل ليه أضرار أولأ أنا ماعنديش فكرة بصراحة
وربنا يكرمك يارب وآسفة إني اتأخرت في الرد عليكي

وإياكم حبيبتي حبي لديني:26:
وربنا يكرمك يارب