عادات عائلات البحرين الكبيرة بالزواج ؟؟

اغلب اللى اعرفهم مخطوبات مايرجعون البيت كله ويا خطيبهم

والله كله حجى

سوا بنات قبايل ولا غيرهم كله طلعات يمكن ماتبات عنده لكن 100% يطلعون

السلام عليكم ..

المهر اهل المعرس يحددونه ..

ومصاريف الحفلة من الفستان و القاعه وكل شئ على اهل المعرس ..

والشبكة تختارها العروس مع المعرس يطلعون طبعا مع الاهل ويشترونها قبل الملكة عشان يوم الملكه او الحفلة يقدمها لها ..

يوم الملكة او يوم اللي يجون اهل المعرس يحددون المهر ولوازم احفلة يجيبون هدية للعروس وامها ..

والخطوبة ما تطول سنة بالكثير بس تبات وياه لا اغلب العوايل ما يرضون .. خخخ

بس تطلع وياه عادي يسهرون مع بعض يطلعون طلعات ومطاعم ومجمعات وكل مكان و يجهزون مع بعض بيت الزوجية من اثاث وغيره من لوازم الزواج ..

حفلة الخطوبة تسبقها يوم الملكه تلبس فستان سهرة وبعدها يوم الحنه تلبس فستان اخضر وبعدها حفلة للخطوبة فستان سهرة فخم ..

وحفلة الزواج تلبس فستان ابيض و تسبقها يوم الجلوه يجلون العروس امينه في امانيها جذي يعني خخخ ..وتلبس جلابية او اي ملابس تقليدية او شعبية

وناس ما تسوي حفلتين بس حفلة وحده مثلا للخطوبة حفلة والزواج يسافرون بس زفة للاهل ..

او العكس يسوون حفلة الخطوبة عائلية بالبيت وحفلة الزواج تكون بقاعه و كبيرة ..

انا ما جاني قلب سويت حفلتين هههههه ..

مو كل عوائل البحرينية يسمحون في فترة الخطوبة ينام في بيت خطيبته او العكس انا طول فترة الخطوبة ما طلعت مع خطيبي الا بوجود مرافقين الحراسة مشددة