مشكلة صديقتي مع خطيبها

السلام عليكم ورحمة الله وبركاته
كل عام وانتم بخير
وجمعه مباركه
خواتي العزيزات صديقتي عنده مشكله وماتدري وش تسوي وقلت اعرضها عليكم
يمكن احد يقدر يقولها الحل اللي يريحها
صديقتي عمرها 21سنه مخطوبه لواحد عمره36سنه طبعا ممكله ملكة قبل 7شهور تقريبا
هي تحبه وهو يحبها كثير بس مشكلتها ماهي قادره تتاقلم مع تصرفاته هو كان عايش بامريكا
تقريبا 11سنه وعشانها قرر انه يعيش بالسعوديه بس مشكلته في طريقة تفكيره واسلوبه
يعني مايكلمها باتلفون كثير يعني بالاسبوع مره وحده بس كل يوم معها على الماسنجر
بس المشكله كل كلامه معها عن السياسه والادب والمنتديات ومواقفه بالدوله اللي كان عايش فيها والمواضيع لان هو كاتب واديب
وهي ماعندها أي مشكله بالعكس تجاريه وتتكلم بالامور اللي يحبها بس كمان هي محتاجه تتكلم معه بلامور عامه
يعني اغلب وقته بالنت يقضيها بالمنتديات والاخبار وهي ودها تسمع منه ولو كلمه حلوه محتاجه يحسسها بحبه واهتمام لها مع العلم انه يحبها كثير ومحترم مره وملتزم بصلاته وامور الدين
بس كمان البنت منا محتاجه تحس انها كل شي بحياة زوجها وحاولت انها تلمحله بذا الموضوع وهو تضايق وقالها كل ذا الحب ومو حاسه انا ضحية باشياء كثيره عشانك وعدها انه يتكلم معها بكل شي
بس مافي فايده وهي صبرة وقالت معليش مدامه يحبني بستحمل بعد الزواج اكيد كل شي بيتغير
بس اليوم صدمها كان تسولف معه وفجائه قالها مافي احد فاهمني قالتله حتى انا قالها ايه حتى انتي مو فاهمتني
المسكينه تضايقة مره ونصدمة وقالتله توك الحين تحس اني ماافهم عليك بعد 7شهور ليه ماقلت من اول
وش جابرك ترتبط بوحده ماتفهمك قام قالها هذي هي الحياه واكذب عليك لو قلتلك حتى انا فاهمك مره
وقالتله كيف اجل بتكون حياتنا مدامك تحس اني مو فاهمتك قالها انا احبك ومع الايام يمكن تفميني بس قالتله اساس الحب التفاهم قال في فرق بين التفاهم وانك تفهميني وبعدها سكتت ودقت علي وربي مرره متضايقه منصدمه ماتدري وش تسوي هي خايفه ان بعدين بعد الزواج تتعب معه وماتقدر تتفاهم معه مع ان هي تفهمه بس هو لما قالها حست ان جرحها وماتدري وش تقوله او تتفاهم معه هي ساكته وصابره عشانها تحبها بس الحب مايكفي هذا عيشة عمر لازم يكون فيه تفاهم ماتدري ايش تقوله و تتفاهم معه وفي نفس الوقت ماتبغا تخسره
انا ماقدرة اقولها شي لان مشكلتي قريبه منها
اتمنى ماحد يبخل بشوره عليها وادعولها الله يوفقكم ويسعدكم يارب

16 تعليق 1,758 مشاهدة

شاركي في النقاش

سجلي الدخول لإضافة تعليق.

التعليقات

16
  1. @moony_4

    [B]عمره 36 وهي عمرها 21 يعني فرق كبييييييير جدا واكيد ماراح تفهمه او هو يفهمها كان من الاول خذ وحدة تناسبه بالعمر ...


    وعلى قولة الاخت تيرانا ..... وشوكرن
    :22:
  2. @bayaa_almsk

    عمرها 21 وهو 36 ياخال ابوووووووووي وين اظهري (بالاساس حك اظهري بس لتغيير)

    يعني كم بينهم من سنه 15 سنه الله وكبر ياهو طماع

    اكيد اللي بعمرها ماراح تفهم لواحد بعمره هذا شايب كبير تفكيره كبير
    وهي بنوته تو تفكيرها رومنسيه لسى مانضج عقلها نضوج اللي هو يبيه
    هو أخذها وش على اساس هو ماخذها على عمرها وهالعمر عندهم الرمنسيه كبيره
    والرجال يبون البنات اللي بهالاعمار عشانهن حيل رومنسيات وحنونات مره وبريئه كثير بزيادة
    جاي الاخ يقولها كلام مو لم الرومنسيه
    ياقلبي هالبنت وربي حسافه عليه بس وش نقول
    وشلون راح تفهمين عليه دام هو ماعنده احساس الرومنسيه
    شايف نفسه كثير وانه عقله وثقافته كبيرة
    بس اسمعي دايما يقلونها زوجك على ما تعوديه وابنك على ما تربيه
    يعني عوديه على اسلوبك ورومنسيتك
    اذا قالك انتي ماتفهميني قوليله هماك تفهم فهمني ولا شاطر بس بتجريح << اقول انطمي على هالنصح
    لا الصراحه هو قاسي بأسلوبه الدفش مع البنت
    تقولين يحبها كيف يحبها وهو مايكلمها الا بالاسبوع مره ليش هي حلاوة يحلي لها
    الحب افعال تبين قبل الاقوال
    الحب مو قول بس الحب فعل تشوفينه منه
    يوم قالها انا احبك طيب يااخي ليش ماتسمع صوتها
    اللي يحب صدق يحب يسمع صوت حبيبته كل يوم
    والله غريب هالرجل من جد شايف نفسه حيل ويحب نفسك مره
    الصراحه العيب بالرجال مو بالبنت البنت باين عليها طيبه وحنونه وعلى نياتها شكلها ماشاء الله تبارك الله كامله والكامل وجهه الله
    الله يحفظها يارب من كل شر
    والله يحقق لها كل خير تتمناه
  3. الله يعينها من تجربه بجد راح تتتعب معه

    مشكلة الي عايشين برا ترا يشوفون نفسهم احسن من غيرهم اساليني انا

    وصعب التفاهم معهم حبتين :(

    خل تطور من نفسها مو عشانه هو لا :arb:

    عشانها هي وعشان ثقتها بنفسها :55:

    خل توجد نقاط مشتركه بحديثهم

    خل تقرا بالادب مثلا شي حلو ورائع ويدل على ثقافته الانسان وخلفيته

    هي المفروض مطورة من نفسها من زمان بس مشكلتنا نكتشف هالشي متأخر وبعدها نبدأ

    بس ماعليش خل تبدا من الحين وتحاول تقرا بمواضيع مختلفه تحاول تنوع باسلوب حديثها مااقول تغير وتتصنع انها وحده ثانيه لا

    بس خل تطور من اسلوبها لانها بجد الناس المثقفه ترا صعب الحديث معهم مو مثل الناس العاديه اللي بالجيش مثلا :)

    لانه يبي يحس انه قاعد يتكلم مع انسان ذو منطق وتفكير وعقل مو انسان فاضي

    الحب له اساليب متعدده وانتي حبه حبه معاه لين تجيبين راسه صدقيني لما يتعود على لسانك واسلوبك وثقافتك ماراح يقدر يشيلك من باله او حتى يمر يوم من دون مايكلمك او ياخذ رايك بكل شغله

    صدقيني املي عين نفسك اول عشان تملين عيون الاخرين ببساطه وليس خطيبك فقط


    انتي انسانه لك كيانك ولازم هالكيان يكون له ثقله والثقل يجي من خلال ماتزودين عقلك به

    والله يوفقك ويستر عليك :)
  4. @ndoaooooy

    صاحبة الموضوع
    @MoOnY@
    [B]عمره 36 وهي عمرها 21 يعني فرق كبييييييير جدا واكيد ماراح تفهمه او هو يفهمها كان من الاول خذ وحدة تناسبه بالعمر ... وعلى قولة الاخت تيرانا ..... وشوكرن :22:
    انا قد قلتلها على فرق العمر بس لانهم يحبون بعض ماهتمت بالعمر هو يحبه كثير

    ويعطبك العافيه على ردك

    وعوفون:)

تابعي تجارب أخرى من هذا القسم.