كل حرمه مسويه جميله تتدخل تتحطم

كل حرمه مسويه فيها حلوه وجميله تدخل تتحطم لها شويتين

اولا على ايش محسبه عمرك حلوه هااا ردي ياله ردي << داخله تهاوش ام السعف

المهم داروا فشيلتكم ياحرريم طلعوا الرجال اجمل منكم
اي لاتطالعوني كذا ازين منكم واحلى منكم وجايتكم بالحجي

من اجمل انسان مذكور بالقران الكريم هااا ردوا يوسف عليه السلام يعني رجل
خلونا من هذه الرجل لما تشوفينه بشارع والا بمحل والا من اقاربك ويكون وسيم وجميل وتروحين البيت تشوفين زوجك وتقولين اووف ياشين العجله
هل يكون هذا الوسيم حاط كيلو ماكياج وماسكرا وفاندشين يخبي السواد
هل يكون طول الوقت يصبغ ويستشور ولا يجرؤ للظهور بكشته << وحده متعقده من شوشتها لو تنوم بالمستشفى شالت معها الاستشوار والتوصيله
هل يسوي خدع بالميك اب او بعمليات تجميل عشان يصغر الخشم ويكبر العيون ووو
لالا والف لا

من منكم تجرؤ تروح زواج من غير ماكياج والا ماكياج خفيف جدا هاااااااا
كان يخلونها تصب القهوه
الرجاله لاصار في مناسبة عرس حلق ذقنه وكوى ثوب وشماغ وهووب خلص مافي احلى من كذا

للاسف ياحريم الحقيقه مره ولازم نتقبلها بروح رياضيه عاليه الرجاله طلعوا اجمل مننا بكثير
عنبوهم مايكفي بكل شي افهم مننا بالطبخ والطب والماكياج وتصميم الازياء كل المبدعين فيها رجاااله
وهذه شغلتكم ياحرريم وش اقول بس
الوحده بالمناسبات جمال وحلاوه ولكن لو تاخذينها وتحطينها تحت الدش
وتنغسل شوي تطلع شي ثاني
بس الرجل اذا طلع من تحت الدش سيم سيم

نجي لموضوعنا << كل هذا وماقلتي الموضوع

قصدي السالفه اللي بقولها يوم كنت بالجامعه كان معنا وحده انخطبت لواحد وسيم جدا المهم ايام الهباله جابتلنا صوره وبعد ماشفنا الصور نناظر بالصوره ونرجع نطالع فيها
وهي قالت لاتطالعوني اسكتوا وش اسوي معقوله بتجيني عقده نفسيه ماعندكم شي يقلبني الزغبي
يابنات انا نفسي اذا طالعت بالصور بعدين مريت بالصدفه قدام المرايه اطيح مغمى علي
الحقوا علي احس اني محتاجه جلسات كهرباء
المهم قلنالها كلام الكذب اهم شي الاخلاق ولاتحطين مرايات بالبيت ووو
الترم اللي وراه بعد ماتزوجت الحرمه قالت انها صارت غيور من البنات حتى محارمه الجميلات وتخاف من المقارنه
وغير كذا اخونا في الله قلب جراح تجميل
يقولها سوي تبيض اسنان ورتبيهم وسوي جلسات بشره وووووو

نجي لسؤال الحلقه

هل انتي ياحرمه مقتنعه ان الرجل اجمل من المرأه لانه من غير تعديلات؟
وهل توافقين بالزواج من رجل وسيم جدا جدا والا تحسين بالفشيله يشوف شوشتك الصبح << يحوول ردينا للشوشه متعقده

وهل تعرفين ماركة استشوار زينه يظل الشعر مستشور بعد تعرضه لاصابات غير مقصوده من الماء
(يعني عوجتي رقبتك يمين يسار هجتي منا ومنا هربا من الماء وجاه الماء وتقرفط وش يحل هالمشكله)

231 تعليق 28,482 مشاهدة

شاركي في النقاش

سجلي الدخول لإضافة تعليق.

التعليقات

219
  1. ههههههههههه يحليلك شكل شوشتك شوشه خوال
    رندول
    الرجال معروفين انهم اجمل من النساء والله سبحانه لما قسم الجمال قسم نصفه ليوسف والنصف الثاني وزعه على البشر
    اتخيلي
    واجمل نساء العالم امنا حواء وكان ادم اجمل منها يعني شئنا ام ابينا هم احلى مننا
    بعدين عادي انا زوجي احلا مني عادي اللي مو عاقله ربي مامنه فايده انا حماتي زوجها شيفه ويخونها وشايف حاله عليها
    دمتي بود رندول (ترا يمدحون فرد مشغل كان ههههه
  2. ههههههههههههه جيتي
    على الجرح الله ياخذ شيطانك كانه ممتحنا ياالحريم:angry2: كل يوم وانتي كاشفه المستور الله يصلحك بس؟؟؟

    المهم انا زوجي وسيم جدا جدا جدا على قولتك واجمل مني بمراحل وكيلو مترات وااااااااااااااااااجد <<<<<<<<<<<ترا عاد مانيب شينه
    بس الحمدلله راضيه على التعب اللي اتعبه كل صبح في السكربه بنفسي والاستشوار ماخذه احتياطي مركبه له خط لحاله بالحمام ههههههههههههههه وهو المسكين راضي بقسمته ونصيبه

    وبعدين اهم شي الاخلاق على قولتهم
  3. خخخخخخخخخخخخخخخخخخ حلوووووووووووووووووووووووووووووه
    بس مع هذا فيه حريم حلوات ومايحتاجون لا لاستشوار ولا لمكياج على قولتك خلقه ربي سبحان الخالق وبعضهم مثلنا عني انا لا استغني عن الاستشواار ابد خخخخخخ مهما كانت الظروف اما الميك اب ماني راعيته ولله الحمد الا في القوي اوي يعني زواج قريب مني
    ومثل مافيه رجال حلوين فيه حريم حلوات لا تتحطمون ياحريم المزايين واجد ترا خخخخخخ
  4. هلاااااااااااااااااااااا رندوله
    والله انا اشوف انا احلى منهم ======== ايه هين

    شوفي هو من ناحية انهم مرتاحين ومن الدحمام للعزيمه انا معك
    بس ترانا املح منهم ============== لحول

    اقول يالله بروح اتزين معزومه بس تراني بس بحط بس روج وكحل وماسكرا وكريم اساس طبعا وشدو وبلاشر بس
    ماودي اكثر مكياج تخرب بشرتي
    خخخخخخخخخخخخخخخخخخ

تابعي تجارب أخرى من هذا القسم.