وزى ما تفضلوا البنات وقالوا المللاحظة المستمرة والمتابعة والتربية بس لمين ؟ لاولادنا بس؟؟ لا لينا من قبلهم لاننا القدوة الاولى ليهم
يعنى مينفعش ااقول لبنتى الست لازم تغطى جسمها وشعرها وتلاقينى فاتحة التلفزيون اتفرج على المطربة فلانة اللى بحب اغانيها وهيا لابسة من غير هدوم ووشها 100 لون وواقفة تتمايل يمين وشمال
ماينفعش
لازم نراقب نفسنا قبل منهم
الجيل ده مش سهل ربنا يكون فى عونا فى تربيته جيل النت زى ما بيقولوا
انا كنت عند مامتى فى رمضان وفاتحين مسلسل المفروض انه اجتماعى لا فية مناظر خارجة ولا حاجة
وفوجئت ببنتى اللى فى كى جى بتقولى على البطل هو بيحب فلانة وجابلها ورد ليه اتجوز فلانة التانية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اتصدمت اومال لو كبرت شوية كمان هاتفكر ازاى وهاتقول ايه
بنات وولاد قرايبى كانوا بيموتوا فى مسلسل نور التركى اللى بيتعرض من فترة وهما فى ابتدائى اكبرهم فى اولى اعدادى
مامتهم حاولت تمنعهم يشوفوه ماقدرتش عليهم تصوروا
ومرة بالصدفة قاعدين معاهم سمعتهم بيحكوا لاختهم على حلقة فاتتها وفوجئت
قال معرفش مين عايشة مع مين من غير جواز وحملت منه ؟؟؟؟؟؟؟؟؟؟؟؟؟؟؟ يا نهار اسود اطفال فى ابتدائى بيتكلموا فى الحاجات دى
دى كارثة
ليه بقى مامتهم ماقدرتش عليهم لانهم من صغرهم سايباهم يتفرجوا على التى فى ويقلبوا براحتهم فى القنوات والاغانى
ماينفعش فجأة تيجى تحرمهم من حاجة عادية وطبيعية بالنسبة لهم
عشان كده يا جماعة عايزة اقولكوا نلحق ولادنا لازم نمنع بلاوى التلفزيون مفيش حاجة اسمها يقلب في البقنوات براحته
وطبعا برضه ماينفعش يلاقينا بنشوف اغانى وافلام ومسلسلات وهو يجى يتفرج نقولة لأ غلط عيب !!!!!!!!!!!! طب ازاى
نبدأ بنفسنا واحنا الكسبانين والله احنا بنقعد نتفرج على الحاجات دى بنضيع وقت وبناخد ذنوب ونخسر تربية ولادنا واحنا مش واخدين بالنا
طبعا انا عارفة ان فيه اخوات فاضلات مابيفتحوش التى فى او معنهومش اصلا
انا بتكلم على اللى زى انا بصراحة مكا اكدبش عليكوا كنت بتفرج علية واقلب من مسلسل لفيلم لاغنية
بس خوفى على بناتى ورغبتى ان اربيهم كويس خلانى نبدا بنفسنا الاول الحمد والفضل لله منعنا منعا باتا قنوات الاغانى بانواعها والشرايط والمسلسلات والافلام مكدبش عليكم مانعينها بنسبة كبيرة بس بعد التعليق اللى قالتهولى بنتى ان شاء الله ربنا يقدرنا ونمنعها خالص زى الا غانى
وانا عامة فى البيت معظم الوقت والحمد لله التلفزيون شغال على قناة طيور الجنة (ربنا يباركلهم اصحابها ممتازة دينيا وتربويا للاطفال)
او افلام كارتون اطفال
موضوعى يستحق ان يبدأ باكبر علامه استفهام؟؟؟؟ *ادخلى لتشاركينا فى ما اصبحنا فيه*
متابعة النقاش، صفحة 6