ملف خــاص بالأسئله عن روضــــات وحضــــــانات الأطفال .فقط .]]]متـــــــــجدد [[[

الي تعرف روضات في جنوب جده تدلني عليها الله يسعدها ويحققلها الي تتمنه

اول مره اسمع عن روضه مسائيه

ياترى فيه بالدمام

الله يسعدك يا مريومة عالرد

سجلت عيالي فيها كثير يمدحوها

اختي شجرة الدر بما انك مجربة ودخلتي اولادك روضة في سن الثلاث سنوات ...انا بنتي عمرها 3 سنوات ونص واللي مرددني في اني ادخلها ..انها لسة ما تعلمت الحمام ...كل محاولاتي باءت بالفشل ...بس راح احاول محاولة اخيرة ...قبل لا اولد بعد شهر ان شاء الله ...بس ابغى اعرف هل في الروضة ممكن يتابعوا هذه المشكلة ويهتموا فيها ولا لأ ؟

حددي الأحياء وانا حاضرة


بالنسبة لجدة عيوني الروضات التابعة للجماعة الخيرية لتحفيظ القرآن أغلبها عندهم صباحي ومسائي وطبعا رسوم المسائي أقل لأنه أربع أيام بس في الأسبوع وثلاث ساعات بس في اليوم بدل أربع ساعات صباحي.



بالنسبة لموضوع الحمام الروضات تختلف ...أذكر يوم جيت أسجل ولدي أول مرة لمن قلت للي كلمتني تقبلونه 3 سنوات قالت أهم شي يروح الحمام ولا لا؟ وكانت طريقتها في السؤال منفرة بصراحة مع انها مدرسة كبيرة ومشهورة .وانا كان ولدي يروح الحمام ما شاء الله من عمر سنتين بس كنت شايلة هم النظافة بعد قضاء الحاجة.

لكن المدرسة اللي أدخل أولادي فيها ما شاء الله يهتموا بهذه الناحية وفيها دادات مسؤلات تدخل مع الطفل وتنتبه له وكل شي ...ومو بس كذا أمس لما رحت أكمل اجراءات تسجيل ولدي وحدة كانت تكلمها في هذا الموضوع علشان بنتها ...قالت لها لا تشيلي هم هذه المشكلة ترى احنا جانا أطفال احنا دربناهم على الحمام وعلمناهم كيف يتنظفوا...يعني بصراحة قمة العناية والاهتمام...وانت اسألي قبل تسجلينها هل فيه دادة مسؤولة عن هذا الموضوع أو لا؟ وتذكرت قبل العام كنت أدرس بمدرسة تحفيظ قرآن كان ولد عمره ثلاثة تقريبا يجي بالبامبرز:35: يعني عادي أهم شي تشوفين استعداد المدرسة لهذا الأمر..
وحاولي تكثفين جهدك معاها وتدربينها واستعيني بالدعاء والتشجيع واذا سجلتيها في الروضة قولي لها شوفي كيف أصحابك ما شاء الله عليهم يروحون الحمام وان شاء الله تكون محاولاتك ناجحة.