بعد ماسميت بنتي اعترضوا على الاسم

بسم الله الرحمن الرحيم

المكتوب باين من عنوانه

انا والعياذ بالله من قولة انا عندي بنت الله يحفظها اسمها دانه (اكتبها دانه وانطقها دانا )

وبعد ماحملت وشفت بالسونار ان في بطني بنت اخترت لها اسم ديما

زوجي في البدايه رفض وقال الاسم حلو بس دوري الاحلى طبعا انا مقتنعه بالاسم ولافكرت اني اتعب نفسي وادور وكل ماقال دورتي على اسماء اقول ايوه يقول هاه واش اخترتي اقول ديما

وبعد ماولدت انا الوحيده اللي صرت اناديهاديما انا واختها دانه فقط واهلي واهله معترضين ( كرهوني بالاسم )

وهات ياتريقه والاسم قديم وليه تسميه جاني المرض من كثر كلامهم ولااهتميت

وخلاص سميتها ديما
وحتى لو على قولتهم الاسم قديم والا مو حلو البنت تحليه واذا قديم انا اجدده وين المشكله وبالذات اني مااعرف اي احد في العائله مسميه

وجلست مسميه بنتي لمدة شهر كامل ويومين ديما

بعدين غيرته الى ريتال وبصراحه كمان الاسم عاجبني ومن نفسي غيرته لما قرأته في النت دخل مزاجي

وكمان لاحظت اني اغلط بالاسم لما انادي ديما او دانا

وبدأت الاعتراضات من جديد ليه ريتال ديما احلى

انا مقتنعه بالاسمين بصراحه وعاجبيني وماني راده على احد والدليل انه مو عاجبهم العجب

بتقولوا مالك دخل فيهم بنتك وانتي حره تسميها زي ماتبغي اقول هذا رأيي لكن كثر الزن كرهني مو بالاسماء كرهوني بالبنت نفسها

اش رأيكم؟؟؟ مو حاجه تحرق الدم؟؟؟


فين الاحلى ديـــــما او ريــتــال؟؟

ديما معناه مطر خفيف

ريتال معناه المرتله للقرآن

122 تعليق 14,303 مشاهدة

شاركي في النقاش

سجلي الدخول لإضافة تعليق.

التعليقات

116
  1. @hnyn_36

    انا مرررررررره احب ديما

    ومو شرط تسمي اسم جديد عشان يكون حلو..بعض الاسماء الجديده صاره مو حلوه واوفر يعني كل الناس يسمو وهما مايعرفو المعنى

    بس ريتال مررررررررره حلو برضو..!

    انتي استخيري وشوفي..


    والي مو عاجبه الاسم قوليله: لما تجيك بنت سميها زي ماتحب هههههههههههههههههههههه

تابعي تجارب أخرى من هذا القسم.