اقرأو سالفتي مع زوجي بخصوص الأكل ..

الله يهديك وينور بصيرتك

نفس الراي
وبصراحه الله يكون بعون زوجك وامه عليكي جد مدلله وليش حظرتك ماتنزلي وتاكلي معاهم وتساعدينها بعد وانتي يوم تزوجتيه اعتقد تعرفين وضعه !!!!!!!!!!! اسمحي لي صرحتي لكن بكل صراحه باين الناس اللي ماخذينك على نياتهم وطيبين سبحان الله عدلي من نفسك ترى الدنيا ماتسوى والله وأنزلي معها ودلعي نفسك :27:وزوجك يوم بيطفش من تصرفاتك وللصبر حدود

يؤيؤيؤ.....وش مصبرك الى الان على هالعيشة؟؟؟؟؟..............



























الحل!!!!

خلي امك الكريمة ترسل لك باقي غداهم الراهي..

انا كتبت رد وانمسح بس برد اكتبه مره ثانيه

اختي الله يهديج ويصلحج بكلمج مقل اختي بالظبط ماني منافقتج ولاني مجابلتج

بقولج الوضع الي انتي فيه من صنع ايدج والغلط كله منج ميخالف استحمليني شوي

ام زوجج ابدا ابدا مو ملزومه لا فيج ولاا حتى بولدها لان الحين انتي الي مسؤوله عن زوجج واكله وراحته صح ولالا؟



انا استغرب شلون قاعده تشرهين انها قاعده تنغص لكم شوي ترى والله زيين منها وطيب بعد !! اختي والله المفروض ماتمد ايدها

والمفروض انج انتي

الي تمنعينها تتعب عمرها وتقومين بزوجج وببيتج وتنغصين لخالتج لانها بمكانة امج وام الغالي على ماعتقد

صفي النية يابعد قلبي واعتبريها بمثابة امج مادري شنو راح تستفيد لمن تتكلم وتقول شنو كليتو اليوم!! لو قالت شبيصير بالدنيا بتنقلب؟!! لا يااعمري سايريها واخذي بخاطرها باجر كله بيرد لج وبتشوفينه من مرة ولدج الطيب يرجع صدقيني

وانا بصراحة اشوف ريلج مداريج وماخذ بخاطرج

تصدقين واحد غيره كان بيغصبج انتي الي تطبخين له غداه وعشاه وريووقه ولا راح يهتم

بس اشوف ريلج مداري خاطرج ويغصبج تاكلين خايف عليج تالي ترفعين صوتج عليه!!!

وتبينه يرجع يراضيج لالا حبيبتي اكبر غلط ترى الريال بيصبر مره ومرتين وثلاث تالي بيمل

تعوذي من ابليس وداري خاطر خالتج وريلج

ترى والله الدنيا قصيره وماتسوووى

آميـــــــــن ..

وتفكري يااختي باللي حولك وشوفي الإيجابيات اللي بزوجك وأمه..

ترى من جد كثر خيرها اللي ساكته ماقالت خل زوجتك تنزل وتطبخ لنا..

يعني المفروض تشاركين مادامك بنفس البيت لو بسلطه ..

زوجك ممكن يتحمل تصرفاتك الحين لكن صدقيني حكاية انك تحتقرين طريقتهم بالأكل
وتصرحين برأيك لين يقولك عشان (ماينقط)...وربي تجرح ..

ترضين غاليتي زوجك ينتقد أهلك؟

وهل انتقادك بيغير الحال مثلا ؟

يعني تفترضين انه ينزل لامه ويقول اكلكم شوي كثروه؟


عيدي حساباتك واجلسي مع نفسك وفكري زين وبتلقين انك غلطانه..


الله يسخره لك ويسخرك لهم..ويهون عليك ويقومك بالسلامه يارب.