انا اسفة اختي على ردي اللي قبل..
انا كنت فعلا اقصد خلي امك ترسل لك من غداهم اذا على قولتك كثير وهي ادرى بالاصناف اللي تحبينها وانتي تمونين تدللين عليهم اكثر من زوجك وخالتك..خاصة وقت الحمل..
انا كتبت ردي بصيغة المزح لاني مو شايفة مشكلة بس يوم رديت قريتها قلت يمكن تزعلك..
واذا على ردود البنات انا اقولك وجهة نظرهم..
انت سكنتي عند اهل زوجك بعلمك ليش جاية تتشكين من المعاناة على قولتك..
وبعدين تقولين انت مو ملزومة تطبخين لهم مع انكم 2 وهي وحدة وفي نفس الوقت تشرهين ليه هي الوحدة ماتطبخ وترسل لكم وانتم 2..
واذا ارسلت لكم عشاء برضة ما سلمت من الانتقاد تقولين شوي ومو الاصناف اللي احبها..مع انك اذا جبتوا عشاكم من برا ما ترسلين لها وهو حلال ولدها ..
وتقولين تتكلم علي عند اهلها وانت الحين ماتكلمين عليها..
وتتعشون لحالكم وانتم بنفس البيت..
وعلى كذا زوجك ماشاء الله يحاول يلم الموضوع ويبيك تاكلين وانت ترفعين صوتك وتنقدين امه(دارين من نفسية الحمل بس الزوج مايدري)وتقولين ليه يزعل بعدين!!
وتكملينها تقولين يسمع صياحي ولا يراضيني..اساسا ليش زعلتي..مافيه سبب..
وجيتي في النهاية حكاية روحة السوق..لفي على المواضيع وشوفي الطرق والاساليب اللي حاطينها البنات كيف تطلبين من زوجك شئ وانت تقولين للبنات يعني ابعاقبه مو رايحه معك السوق....!!!!
هذي وجهة نظرهم صدقيني..
وبانصحك نصيحة..لا تتوقعين فيه احد مثل الاهل ..تزعلين ويراضون..وتفكرين ويلبون..
وكلمة قالتها لي امي يوم جيت ابطلع من بيت اهلي بروح مع زوجي..((امسحي دلع اهلك كله عند الباب قبل لا تطلعين))
الزوج يدلل صح بس بمزاجة ومو كل وقت ..حافظي على زوجك شكله درة ما شاء الله..
وثاني شي..لا تتوقعين تنزلين موضوع والكل يوافقك الرأي..الحين يكتبون زوجي يخوني..يردون انت السبب شوفي اللي ناقصة ..تقول يضربني ..يقولون البسي وسوي حلا..ههههه
واذا على وضع البيبي..تو الناس انت في السابع ..حتى لو قلب الحين ممكن يرد يتعدل لانه صغير يدولر والبطن واسع..تطمني انا جبت 3 وكلهم ما يقلبون الا وقت الولادة والقلق ما بيحسن الوضع..سوي رياضة الحبي علشان تساعده يقلب..ولاتكثرين مشي علشان ما يدخل الحوض ويثبت بهالوضع..
اقرأو سالفتي مع زوجي بخصوص الأكل ..
متابعة النقاش، صفحة 20