الله يوفق اللي ترد علي ويرزقها من حيث لاتحتسب ويفرج عليها كرب الدنيا والآخرة

أنا لي سنة وشوي والدة والله الحين كني نفاس خربانة مرة مع إني بعد الولادة كنت تمام بس كملت سنة جايبة ومع الشغل والكرف أحس إني تعبانة مررررة هوا في راسي واذني وخشمي وبرودة شديييييييييييدة في الأطراف ودوخة ونزول في الرحم ومغص.. لأني اهتميت في النفاس بس الدورة لا كل دورة اعندي ضيوف أو واحد من عيالي تعبان وماعندي أحد يساعدني لاشغالة ولا أهل ولا أحد أسأله.. هل ينفعني التمريخ والا دكتورة ؟؟؟؟؟؟؟؟؟؟؟؟ واللي تعرف وحدة شاطرة تمرخ في الرياض تدلني ..... عسى الله يسعدها ويوفقها ويسخرها لطاعته ويسخر لها زوجها وذريتها....

23 تعليق 1,366 مشاهدة

شاركي في النقاش

سجلي الدخول لإضافة تعليق.

التعليقات

23
  1. @glnar30

    والله ما اعرف وحدة تمرخ بالرياض

    بس اوصيك انك تدهني جسمك داييماا بزيت زيتون

    وتتشربين زنجبيل مع زعفران...
  2. @rymh_2007

    شوفي حبيبتي انا ماني خبيره بس بقول لك اللي انا أحسه زين للحريم ككل
    اذا جتك الدوره دفي نفسك زين وابعدي عن المشروبات الغازيه والباميا والبيدجان والموز والجح
    وفيه حاجات ثانيه بعد بس ناسيه مادري ايش والأهم اشربي نعناع وبعد قيصوم وحطي مع القهوه كمون وكراويه وقرفه
    قرنفل بدل الهيل ولاتشربين الماء بارد
    ولاتنسين الأعشاب اللي تصلح للنفاس لاتتركينها
    ومره قريت عن القرفه تنقعينها بماء حار واذا فترت تشربينها زينه مره للخراب
    واذا تذكرت شئ ثاني بقول لك
    وموفقه ان شاءالله
  3. والله ياقلبي ماعندي اي معلومه بس ماحبيت اقرا موضوعك واخرج من دون رد ولو بدعوه الله يوفقك لما فيه الخير والصلاح

تابعي تجارب أخرى من هذا القسم.