شاركي في النقاش

سجلي الدخول لإضافة تعليق.

التعليقات

918
  1. @hlao_aaod

    السلام عليكم
    مرحبا بنات ..
    احب اشكر الاخت الغالية صاحبة الموضوع " ماكو اسامي " وكل الاخوات هنا
    يعطيكم العافية وينولكم ماتمنونه يارب
    بس الله يهدي بعض الاخوات تعبت الى ان وصلت الصفحة الاخيرة
    والكلام المختصر المفيد فيه لو نجمعه ماجا غير صفحة وحدة:08:

    طيب نجي للمفيد عزيزتي " ماكو اسامي " وجميع الاخوات الي جربوا
    ذكرتو ان الشعرة الخارجية ضعفت وهذا شيء طبيعي سواء شعر الجسم او الشعر
    لو ظلتي بصفة مستمرة تحرقيه بالمواد الكيميائية بيضعف هذا اذا ماطاح من مايجيه
    يعني لاتحكمين على نجاح الخلطة من هالنتيجة .. لانه ربما يكون مجرد احتمالات
    النتيجة الي نبيها انه يضعف من الداخل بالتدريج حتى لايظهر او على الاقل يخف
    وانا اخاف اذا تركتوها يرجع الشعر لاول وكانه محتاج لهالمواد تحرقه من جديد عشان يظهر عليه الضعف خارجيا اما من الداخل ماتغير شيء
    هذا غير ان تشقير الشعر ممكن له اعراض جانبية مثل كثافة الشعر او طوله .. وانه سرعان مايفتقد من الخارج تاثير المواد الكيمائية تظهر هذه النتائج .. و مو معقولة اننا نستمر طول العمر في سبيل الوصول لشعر محروق من الخارج فقط

    بصراحه مابي اغثكم .. لكن ان ماطلع الشعر من الجذور وعلى المدى البعيد هذا هو الي يثبت مدى صحة كلامي

    للجميع تحياتي ومودتي
    دمتم بخير

    :26:
  2. @am_mhmd_bn_aabdalaazyz

    ماادري اختي اذا فيه مواد كيماويه غير المضمضه
    الباقي تاكلينه عادي
    مثل القشطه والنشادر ينحط في البسكويت

    يعني انا الحين ماكملت المرحله الثالثه
    وتاركتها من اول رمضان لان ماعندي وقت

    بس في اماكن طولت الشعره عادي

    واماكن لا والله احس ان مافيها شعر يعني ماتغير شي كاني للحين احط الخلطه

    مادري ايش تفسير هاي

    بس النتيجه انا مستانسه منها

    :24:

    وشكرا لج
  3. @nsym_alaml_1

    زين انا عندي سؤال يا بنات اهي الخلطة تناسب البشرة السمراء او بس البيضا لاني اخاف احطها ويطلع شكلي مقزز ؟؟؟
    وبعد سؤال ثاني بعد ما انحط الخلطة ونغسلها عادي نطلع في الشمس؟؟:26:
  4. @ayzabyl

    بنات خصوصا ماكو علموني شسوي .. اكمل والا أوقف ؟
    لانه جسمي وويهي الاحظ انه انترس من العروق الصغيره اعتقد يسمونها شعيرات دمويه لونها ازرق او بنفسجي
    والله اني هاليومين صايبني احباط من الوصفه كلها مع انه ما اتهيج جسمي لما كنت احطها عليه ياترى ليش ظهرت؟؟
    هل الطريقه ممكن تكون ضاره على الجلد ونتايجها السلبيه تظهر مع الاستمرار ؟ او انه جسمي انا رقيق زياده عن اللزوم ؟ مع العلم انه صار لي اكثر من شهرين وانا استعمل الخلطه وما حت شي من الشعر ممكن اقول انه تكسر وصارت الشعره من الخارج ضعيفه يبين هالشي عقب ما اخذ دوش .! واذا تركت الطريقه لفتره بسيطه بيطلع الشعر الاسود .. يعني كأني ما سويت شي؟!

    أختي حلاوة عود اعتقد انه معظم تحليلج صحيح والاخت ماكو دايما تقول لنا انه الشعر عندها تكسر بس شعر الشنب حت كله عندها .. الخبر اليقين بيكون عندها اكيد اذا طلع او لا واذا تركت الخلطه لفتره بتتأكد هي وبتأكد للجميع اذا الخلطه منها فايده على المدى البعيد او ما تبين الا مع الاستمرار .
    وللأسف انا صار لي اكثر من شهرين ولا طاح شي ،، مع العلم انه الأخت حامله القران وهي صاحبه الوصفه قالت انها لما استعملت الخلطه حت الشعر عندها في مناطق والفتره اللي استعملته فيها اقل عن الفتره اللي قالت لها عنها الدكتوره .!؟ ما اشكك في مصداقيه البنت ولكن ممكن تكون توهمت هالشي لانه الشعر كان فاتح وايد ويمكن يكون عندها خفيف لذلك ما لاحظت انه موجود

    اعتقد اني الحين بوقف وما بتابع وياكم خواتي لاني ما ابغي افتك من الشعر الللي اذا شلته بالحلاوه يطلع جسمي حلو ناعم وصافي بينما اذا راح من هذي الخلطه اللي الله اعلم بنهايتها كيف بتكون بييكون الجسم كله مشوه بسبت العروق اللي شكلها يسد النفس

    تحياااتي لكم جميعا وبالتوفيق لكم
  5. @am_alghzlany

    ليش هالتشاؤم :)

    تفاءلوا خيرا تجدووه...

    بعدين كل الشكر للأخت ماكو اسامي ولباقي البنات ... اللي ماشين قدما في هالتجربة.. طبعا انا منهن
    يا بنات .. صراحة الخلطة ... يابت نتيجة رائعه وخاصة للون البشرة ... يعني انا استخدم الخلطة لويهي ورقبتي
    بصراحة صايرين لون واحد وبشرتي تلمع وماشاء الله .. يعني فتح اللون... حتى لو ماحطيت بودرة ..

    مو مشكلة اللون..

    الشعر... خاصة شعر الشنب لما اجي اشيله ينسجب بسرعه مب زي قبل اتعذب وانا اشيله بالملقط..
    يعني هذي نتيجة ايجابية

    بعدين حبيبتي ايزابيل.. يمكنالخلطة ما ناسبتج لان بشرتج حساسه غاليتي .. وهذا وارد ..

    المهم انا عني راضيه عن التيجة .. للحين
    مع انه شعر ويهي بين .. واحس انه طول لانه قبل كان قصير :)

    بس انا وراه وراه والزمن طويل يا يحت الشعر يا يحت ..( ما عنده خيار)


    اختكم ام زايد

تابعي تجارب أخرى من هذا القسم.