شاركي في النقاش

سجلي الدخول لإضافة تعليق.

التعليقات

11
  1. @math

    صاحبة الموضوع
    تسلمين والله أختي أمونة _ المزيونة .. وأنا فعلاً بادية بالتدليك وبمقشر بعد .. فهل ينفع أقشر وأسكرب كل يوم ولا لأ ؟ وما دامت السالفة تدليك ونتايجها مضمونة .. ما أقول إلا .. بشرج الله بالجنة يالغالية .. وريح قلبج مثل ما ريحتيني .. وعطيتيني دافع للأستمرار ..
    وهذي لج مني :26: :26:
    وبانتظار باقي الحلول على أحر من الجمر ..
  2. @math

    صاحبة الموضوع
    مشكورة اختي بنت البادية 11 على النصيحة :26: .. وأنا فعلاً كنت متحمســــــة للمشاية وكنت أحس انها الحل الأكيد وربما الوحيد لمشكلة الرياضة والمشي في البيت_ عشان أكون على راحتي _ :41: .. لكن للأسف أحبط لما سمعت كثيــــر من زميلاتي يقولون لي ..كان غيرك أشطر !!! هي كلها يا دوب يوم أو يومين أو بالكثير أسبوع .. وبعدها بتملين وبتودرينها .. وقلت لا أنا متحمسة وعندي ارادة من حديد .. لكن يوم شفت اخواني شروا الدراجة الثابتة .. وفعلاً حصل مثل ما قالوا زميلاتي .. :44: أحبطت فعلاً وقلت شكلها غمرة حماس .. وليش أخسر حق المشاية وبعدين أخليها .. لا وبعد ماخذة حيز ؟؟؟!!
    أبي حد يشجعني فعلاً ويعطيني دافع قوي عشان أشتريها .. أو حتى يعطيني حل ثاني ترى يايتني نوبة حماااااس من يجديد وأبي أستغلها قبل لااااا أكسل مرة ثانية :(
  3. @aga_o_slm

    ارجع واقول لك التدليك والمويه.. ثم التدليك ثم التدليك..
    وانتي بالحمام.. فيه منتج جديد من يولاي كريم ينحط اثناء الحمام و يتغسل.. فكرته مثل البلسم حق الشعر.. بس للجسم..روووووووووعه.. ومايحتاج ترطيب بعده..
    انا احطه بعد ما اغسل جسمي بالشاور جل.. وابدا اسوي تدليك من خلف الركبه الى اخر الظهر.. بحركه دائريه..وبشوية ضغط.. وكل ما طولتي كل ما صار احسن.. والله يتغير الجسم بشكل مو معقول..
    وحتى لما تحطين خل التفاح دلكي... ولما تحطين كريم الشد قبل النوم او الصبح قبل الدوام..دلكي..
    وانصحك تغيرين جرجنز.. لاني جربته بس حسيت فيه زود... افضل ماراكاات معروفه.. مثلا شسيدو..او كلارنس او غيرها من الماركات العالميه...
    الف شكر على الدعوات الحلوه.. وبالنسبه للصالون.. انا ما اقول روحي كل يوم.. هو مره.. ماتاخذ منك نص ساعه.. وبعدها حاولي تحافظين على النتيجه بالتقشير و الحك المستمر...
    :26:
  4. @math

    صاحبة الموضوع
    لا خلا ولا عدم منج أختي آجا وسلمى .. وكل عام وانتي بخير وتقبل الله منا ومنكم صالح الأعمال:27: ..

    بالنسبة للقدم .. أبشركم خفت واايد وبس من السكراب والمداومة على كريم جلييسوليد الأحمر .. حتى زوجي لاحظ الفرق:mex: وبفترة قصيرة جداً جداً ولله للحمد .. وبعد باحاول بأقرب وقت أمرالصالون حتى تكون النتيجة أروع وأروع ..

    وبالنسبة للسيلولايت ..
    ابسأل : أنا الحين كل يوم استخدم السكراب " اكسفوتونيك لتقشير الجلد من لوريال "علبة لونا أخضر كانوا البنات يمدحونها في المنتدى .. ويصير الجسم فعلاً رووووعة .. نااااعم _ بس عادي نستخدم السكراب كل يوم ؟؟؟؟؟ وعادي أستخدمه على كل الجسم ولا بس على الفخوذ عشان السيلولايت .. علماً بأن جسمي ولله الحمد والمنة طبيعي ناعم غير هذا السيلولايت اللي ملعوزني .. وهذي الأكواع .. والأقدام اللي صارت مثل ما قلت لكم زينة نوعاً ما ولله الحمد _

    انزين انكمل .. وبعد السكراب .. استخدم شامبو مقشر للجسم من جونسون_ أو الشامبو المرطب أو حتى الصابون العادي _ .. وبعد ما أتنشف احط مرطب لشد البشرة ومضاد للسيلولايت من جرجنز واللي ناوية أغيرة ما دام تقولين ما فيه زود !! بس ممكن تحطين لي صورة كريم الشد اللي تقولين عليه وما عليج أمر ..عشان أقدر أحصله بسرعة:confused: ..

    المهم هل هذي الطريقة صح .. ولا عافسة الدنيا :22: يعني هل صح اني استخدم المقشر قبل شامبو الجسم _ أو الشامبو المرطب أو حتى الصابون العادي _ ولا يخف مفعوله بالنسبة للنعومة اللي يسويها ..
    وإذا هذي الماركات ماتنفع ممكن تدلوني على أحسن منها مجربينها .. ووين ممكن أحصلها بالإمارات .. وياريت تكون مع الصور.. - طرار ويتشرط ؟؟:D -
    ويزاكم الله ألف خير مقدماً :26:

تابعي تجارب أخرى من هذا القسم.