بسوي خطــــــــه على زوجي ^^ بس خايفه

السلام عليكم ورحمة الله وبركاته
مــــــــــراحب


اول شي ادعولي الله يحقق اللي فبالي يااا كريم


عندي ولد عمره سنه وشهرين تقريبا

من بعد الاربعين وزوجي يقول شدي حيلك خل نجيب الثاني وانا شااايله الفكره من راسي بتاتا البته>> :22: وكل ماقال نبطل موانع اررفض بشده

اللي صار انه كنا مسافرين كلنا انا واهل زوجي وتأخرت علي الدوره وطلبت من الصيدليه تحليل حمل

طبعا ما طلع حمل بس جتني حاله استهبال طلعت عند اهل زوجي كنا بنفس الفندق وحاجزين اكثر من سويت اول شي

رحت لام زوجي قلت لها خاله تكفين بسوي مقلب ب صاين (زوجي)

وماراح تنجح الخطه الا اذا ساعدتيني بقوله اني حامل وانتي باركيله ورحت لخوات زوجي وحده متزوجه وعندها ثنين ومسافره معانا والثانيه بالجامعه
كلهم رحبوا بالفكره:30:


المهـــــــــم سويت اني مستحيه يوم صحى قلت له تخيل طلعت حامـــل وانا يعني يعني ماودي (لانه طريقتنا مو مضمونه)

قال تمزحيين قلت اقولك خاله تدري

الهم رحنا سويتهم لقيناهم عالبلكونه متجمعين البنات وابو زوجي وام زوجي

قامت اخت زوجي الكبيره تقول لابوها ما باركت لصااين فيه بيبي بالطريق وزوجي كذا الوجه:42:

وانا طاح وجهي مابغيت المقلب يتسوى قدام ابو زوجي فشله

وام زوجي تضحك وتسلم على زوجي تقول مبروك

وقتها انا مادري ليييه حزنت عليه حسيت انه ماراح اقدر اقول تراي امزح بس قعدت اضحك اقوله شرايك بالمقلب المشترك (اخاف اتصفق لحالي)

قال وش تمزحين يعني مو حااامل:angry2: انا خفت اخذ كف قدامهم يوم شفت وجهه بس قال هييين هيا ورب البيت مافيه طلعه كنا متجهزين وكلن قام يهديه ويقولون وش فيها مزحه


مالكم بهالسالفه بس انا قلتها عشان تعرفون انه ملدوغ مني وحااقد للحين مع ان السالفه صار لها كم شهر




جا دوري الحين خاطري احمل بتوائم هااافه نفسي وما يمديني ااجل الحمل عندي ظرف السنه الجايه اذا ربي عطاني عمر ما راح اقدر احمل ولازم ما اكون حامل بهالوقت اللي هو السنه الجايه يعني اا ما حملت هالشهرين

بجلس اربع سنوات يعني عــــمر


زوجي قال انسي الموضوووع وبعد موقفك مزاجي تغير وما لي خاطر تحملين الحين (ياربي عالحساسيه)

طنشت قلت اكيد يمزح رحت الدكتوره وقلت لها ممكن اخذ منشط او شي قالت اشوف التبويض اذا كويس ماراح اعطيك شافت التبويض مو تمام وكتبت كولوميد

اخذته من ثاني يوم بالدوره
طبعا سافرت يوم جيت دخلت عند دكتورتي اللي متعوده عليها من زمان وعصبت قالت لييه تاخذين منشط

المهم انا بمشكله الحين الدكتوره تقول فيه خطر عليك واعطتني الابره امس كل هذا وزوجي
حاس انه فتره تبويض ويعاند يعني مدري شلون بحمل وهو حااسب حسابه :eek:

واقوله والتعب اللي تعبته وكل يوم اروح المستوصف يقول هذي اللي ماتطيع زوجها يسير فيها كذا وربي الصخر يحن علي وهو ماحن

والحبوب اللي اخذتها يقول محد ضربك على يدك وراااكب راسه:(



اقول طيب لو ماحملت الحين ماراح اقدر احمل الا بعد كم سنه :( يقول الله مكثر الحريم :eek:

كل هذا والبويضه للحين مافتحت والدكتوره خايفه علي وتقول بعد بكره لازم اعطيك حبوب منع حمل لانه البويضات يكبروون والمبيض ماراح يتحمل مو معقول حجمه جالس يكبر والبويضات يكبرون مع بعض



ياشين اللقافه



المهم الخطه اني بسوي نفسي اخذ حبوب منع حمل قدام زوجي عشان يتطمن ووقتها اورطه ورطه ويسير حمل :32:

مع انه هالشي لازم اثنينا نكون متفقين عليه ومستعدين

بس شسوي فيه قاعد يساومني سوي كذا والا ترى مافي حمل (كن الموضوع على كيفه الموضوع بيد ربي )

واذا زعلته قال لااا وتبين تحملين بعد


الله يخليكم دعوااتكم الله يفرج همي ويحقق لي هالامنيه على خير
اليوم موعدي عند الدكتوره بالليل وتقرر بعدها :26: