شاركي في النقاش

سجلي الدخول لإضافة تعليق.

التعليقات

191
  1. @nsm_shrk

    صاحبة الموضوع
    اكيد الوحده لما تتزوج وتكون مع حموله ..كل شي راح يتغير بحياتها من ساسها لراسها..

    حتى لو كانت حمولتها من قرايبها..

    لكل اسره طريقه خاصه بالمعيشه...

    بالبدايه يابنات يبي لكم وقت عشان تتأقلمون...لكن مع الوقت بتتعودن على طبايعهم

    طيب ليه انتي ماتغيرين فيهم شي...

    حاولي اختي العزيزه تضيفين شي حلو

    انتي باسلوبك تقدرين تخلينهم يتعودون على بعض الاشياء اللي تعلمتيها في بيت اهلك...

    للحديث بقيه

    ولنا تكمله ان شاء الله
  2. @ftah_2

    mawr
    الله يعينك أختي و التغافل مهم جدا لمن تعيش مع أهل زوجها
    انا متزوجه صار لي 14 سنه وساكنه معاهم قد ماانا طيبه وكريمه وخدومه ليهم قد ماهم خبيثين وحقدودين ومعاي ما شفنا غير الغيره والحسد والحقد والكلام علي الي ماله اساس من الصحه مايقدرون يشفون وحده من نسوان اولادهم تكلم الثانيه


    هذا كوم واعمال الشعوذه كوم واحيانا اسئل روحي بجي االيوم الا اطلع فيه من عندهم ويرتاح قلبي ولا بطلع من عندهم مطلقه
  3. @daaoh_shkhsyh

    اسأل الله لكم الفرج..يارب
    المشكله الاساسيه هي الخصوصيه
    انا ساكنه فبيت لحالي لكن اختي المسكينه عايشه مع اهل زوجها
    والقهر رافضين انها تطلع فبيت مع العلم ان اهل زوجها عندهم اكثر من سبع اولاد متزوجين
    والقهر ان بناتهم مستقلات يا بفلل او بادوار بعيده عن حمولتهم
    والي يقهر اكثر ان هذولي البنات نفسهم من الي يحرضون زوجها انها ماتسكن فبيت لحاله مع انها ساكنه بغرفه وحمام وصاله ولاعندها مطبخ..
    اخوات زوجها انا اشوف انهم متمردات لكن ربي يمهل ولايهمل
    ومفروض اي وحده عندها اخ تحاول تقنعه انه يستقل فبيت لحاله لانها تحاول تحط نفسها مكان بنت الناس
    والقهر اختي مسكينه تشوف كل وحده فيهم تجي تحط عيالها عند امها وتسافر وتروح وتجي ومطاعم
    واختي حتى المطعم ينقزون حتى المتزوجات يروحون معها يعني ماتلقى خصوصيه فبيتها
    ولا حتى يعطونها فرصه تاخذ راحتها مع زوجها فمطعم
    وهذا غير السفر زوجها دايما مسافر وكان قبل الزواج يسافر لحاله يوم تزوج صارو يبون يروحون معهم
    واذا سافرو واخذو شقه يخلون ام زوجها تنام مع ولدها واختي تنام مع خواته
    بس الله على المفتري..
    ليش ماكل وحده ماتحط نفسها مكان بنت الناس تراها زوجه مو مشترينها
    قسم بالله اني احيانا ابكي على حال اختي..
    ماعمرها ارتاحت..
    مسكينه قبل امس ولدت وكنت معها وهي بالطلق تصيح تقول يارب ابي بيت لحالي
    يعني طموحها ياقلبي على قدها ومن اقل حقوقها ولو الحموله ماعندهم الا هالولد كان الواحد يقول معليش لكن عندهم سبعه..
    انا اخواني اول ماتزوجو سكنو عند امي كانت امي تقولهم اطلعووووووووووووووو
    خلو حريمكم يرتاحون وانا ارتاح مايطولني الا التعب وماحد بيذكر لي الزين..
    وفعلا ماكملو ست شهور وطلعو وابوي ساعدهم الله يرحمه وعطاهم عونيه عشان يأثثون..
    حتى الحرمه ماتحس انها زوجه الا لما تكون لها مملكتها..
    بس وكلو ربكم الي ماتنام عينه ان الله ينصركم ويطلعكم..حتى لو جناح صغير بعماره مستقله..
    تقل المشاحنات والمشاكل والمهاترات والغيره ويزيد الشوق بينكم..

تابعي تجارب أخرى من هذا القسم.