تعالوا نتعاون للقضاء على مرض العصر القولون - علاج - وقايه - حميه - كل شي عندك اذكريه

صفاء الروح
مافهمت وش تقصدين بالعلاقة الزوجية
بس هو يأثر من ناحية اني دائما تعبانة واشتكي (خصوصا بدايته)
واحيانا اذا كان شاد معي مرة ومنتفخ ممكن يعورني شوي في العلاقة الخاصة
ومرة من المرات كنت باخذ اشعة عالرحم ماقدرت الدكتورة لأنه منتفخ وقالت روحي اشربي موية وارجعي عشان اقدر اشوف

الله يعيننا يارب بس احس اني
مااقدر للحجامه اخااااااف
بس اكتبولنا اسماء الادويه اللي تخفف الالم
مثلا الاخت قالت نورماكول بلص للامسك
والاخت صاحبة الموضوع ديجماتيل >>بس ماادري هل هي للالم او ايش ياليت توضحي


ياليت اللي عندها اسم دواء يخفف تكتبه

انا احيانا ينفع معايا البسكوبان للالم واحيان لااا

اعطوناااا تجاربكمم

اغلى ناسي
ياقلبي الحجامة مو مثل ماتصورينها
أنا كنت خايفة منها مرة
ولاسويتها الا يوم امي وخواتي سووها وسحبوني غصب اسويها
بس والله انها مو صعبة مرة
تحسين بألم بسيط (مثل غزة الابرة)

والله يابنات ان القولون ذابحني والحمد لله على كل حال
انا يجيني باسهال وانتوا بكرامه وتشنج من غير زعل او تفكير فجأه يطب علي الالم
بس ابغى اسال اللي يجيهم هل يحسون بخوف وظربات قلبهم تسير سريعه
وابغى اسالك ياسعوديه فخوره عن مواقع الحجامه اللي تحجمتي فيها
واسأل الله ان يشفينا وجميع المسلمين يارب