اخت زوجي يا بنات ما خلتني في حالي

يابنات انا اخت زوجي مالها شغل الا تكدر علي ،، تخيلو تتدخل في كل كبيرة وصغيره هي عمرها 28 سنه ومطلقه وانا عمري 25 ومدري استغفر الله بس شكلها غايره مني تحاول دائما تضايقني تخيلو توصف له بنات الناس وانا جالسه ما تراعي مشاعري هذي طويله وهذي قصيره بس مملوحه وهذي وسطها يجنن ليت من يخطبها وتناظر فيني وتغمز وانا تعبت واثارت مشاكل بيني وبين زوجي حيث زوجي يحب البنت اللي اردافها كبيره وانا عاديه والله يابنات ماخليت شي ما سويت له بس ماهو باين بعينه هو طيب وحبيب بس يقول انتي ما تشبعيني واذا ذكرت كلام اخته والله اني اصيح لحيث انها توصف بنات الناس كنها تذكره بالنقص اللي عندي تعطيه حتى الاحجام والمقسات وهو يضحك ومستناس ولاعاتبته بلحالنا قال والله ماهمني ويبدا يضغط علي باشياء ماحبها واخاف الله بس وش السواة اخاف يروح مني واخته وغيرتها اللي قاطعه قلبي وانا ما سويت لها شي بالعكس احاول ابين اني احبها واهديها كل مره المصيبه ان خوفي من اخته خلاني احاول اراضيه باي طريقه حتى استغفر الله يارب تغفر لي وانتو ادرى .. يابنات انا كيف اتعامل مع اخته الشريره وكيف اوقف عن كل الاشياء الغلط اخاف يسمع كلام اخته مع انها اذا جلسنا لحالنا طيبه وحبيبه ومايبين عليها شي واحسها على نياتها بس لا قعد معنا انقلبت علي يابنات تكفون شيرو علي ماعندي حيله

الله يوفقها اللي تعطيني حل والا تدعي لي بسر الغيب