شاركي في النقاش

سجلي الدخول لإضافة تعليق.

التعليقات

18
  1. @am_zyad23

    صاحبة الموضوع
    هلا اختي حساسه

    موعدي يوم الاربعاء عند الدكتوره تقول راح احدد وش نسوي لك

    الله يستر ودي يجيني طلق قبل اروح لها

    والقرفه يقولون تحرك الطلق بس تسكر الرحم

    ومشكوره على الرد


    هلا اختي اسيره الرومانسيه انا سمعت الكبو اذا جاني الطلق اسويه

    تتوقعين يجيب الطلق بجرب واشوف الله يكتب اللي فيه الخير

    هلا ام مشاعل

    والله اني خايفه من الطلق الصناعي بس شكلي باخذه لاني

    الالام اللي تجيني مررره خفيفه
  2. @naaas_alaaynyn

    شوفي اختي خذي طلق صناعي وتوكلي على الله

    انا يوم كنت حامل بكرية ماجتني اي الآم طلق
    ويوم سويت اشعة قالت الدكتورة لازم طلق صناعي
    لان موية الجنين شوية صحيح اني تعبت بس الحمدلله
    ولدت طبيعي

    الله يهون عليك وييسر امرك
  3. السلام عليكم

    الله يفرح نظرتك بالعافيه..
    انا صار لي مثل ماصار معك، كنت بكرية ، ودخلت العاشر، وماكنت احس الا بآلام خفيفة
    ولما قلت لامي، قالت لي اذا حسيتي بالالام روحي للمستشفى ، ومعليش خليهم يسوون لك طلق
    صناعي.. بصراحة انا كنت خايفه وادعي ربي يفرج لي من عنده.. وفعلا خذت موعد مع الدكتورة
    يوم الاحد، بس الحمد لله ولدت اليوم اللي قبله( يوم 11 من الشهر العاشر)... بس طبعا البنت كانت اعزكم الله متبرزة في بطني
    واللي خلاني اروح للمستشفى اني حسيت بألم اقوى من اللي احس به ، وشفت اعزكم الله دم..
    يارب تولدي قبل موعد الدكتورة ، واذا ماولدتي ترى الطلق الصناعي كثير جربوه، وما هو إلا تسهيل
    بعد الله...
    واهم شي عليك بالدعاء، اطلبي ربي في كل وقت يهون عليك ويفرج لك الفرج القريب

    وعلى فكرة اذا انتي بالسعودية فيه كتيب صغير تلقينه بالمكتبات الاسلامية اسمه
    (الافادة في ورد الولادة) مره مره ممتاز هالكتاب اقريه كل هالايام وانفثي في يدك وامسحي به بطنك، واقريه لما تروحين للمستشفى واحفظي منه الادعية اللي تهون عليك وقت الطلق

    الله يولدك بالسلامة يارب :)

تابعي تجارب أخرى من هذا القسم.