هل احتاج دكتور نفسي؟؟

مرحبا بنات انا عمري 21

انا انسانه بصراحه عندي حاله ملل وعدم استمتاع بالحياه جدا غريبه

قبل كم سنه كان كل شي يفرحني كنت افرح من ابسط الاشياء من كوب قهوه من مجله من شوفه احد احبه صديقتي او قريباتي

الحين ولا شششششششششي ممكن يخليني استمتع وافرح كل شي متساوي رحت عرس سافرت طلعت جيت شريت شي جديد
كل شي نفسسسس الشي

مرت علي صدمات وظروف نفسيه سيئه قاومتها بقوه بصراحه بس احسها اخذت مني شي اخذت مني استمتاعي باللحظه صايره متذمره مللوله

حتى بشكلي صايره مهمله قبل ماما تهاوشني ليه كل يوم ميك اب وكل يوم مضبطه شعرك

الحين زين مني اذا اهتميت اذا انعزمت و لا جانا احد

كنت اعشق القراءه الكل يقول ماتملين من الكتب الحين عندي 5 كتب من 3 شهور اطالع فيها اقلبها واسكرها كنت اخلص الكتاب ب 3 ايام الحين 3 شهور ماخلصت شي

كنت احب الرياضه الحين قطعت اشتراكي بالجيم وصرت مرات امشي بالممشى ومرات كثيره بس جالسه ماحب اقوم

ماتحمس لشي
كل شي عندي مؤجل

قلت يمكن صابني شي بدات اقرا سوره البقره والرقيه وكذا بس عادي ماحس بشي معين احس براحه بعدها بس ستل نفس الملل نفس الكأبه

تتوقعون احتاج طبيب نفسي؟؟
واذا فيه طبيب بس استشيره يعني يسولف معاي مو يعطيني حبوب وادويه لا بس ابي اتكلم معاه ويكون بالشرقيه ياليت تقولون لي اسمه ومكان تواجده


اي احد مر عليه هالشي وتغلب عليه او فاهمه الي انا امر فيه ياليت ماتبخل علي بالنصيحه لانو يمكن يظهر لكم اني اتدلع وماشكي من شي و لكن والله اني اعاني تخيلو حياتكم بلون واحد وطعم واحد ممله وكئيبه ومالها اي شعور جديد
:09:

وشكرا لكم جميع

57 تعليق 10,381 مشاهدة

شاركي في النقاش

سجلي الدخول لإضافة تعليق.

التعليقات

55



  1. امممم


    اللي أعرفه إنها أعراض اكتئاب..


    حصل نفس الشي لأمي..

    وظنت إنها عين أو نفس..


    انصحك روحي لطبيب نفسي..

    لا تهملين..



    الله يشفينا وياك يارب..



  2. تصدقين والله كأنك تتكلمييين عن نفسي مافيه شي يفرحني كل شي اشوفه عادي

    ونفسي افرح لاي شي بس مو بيدي

    سامحيني يالغالية بدل ماساعدك جيت افضفض عندك .

    والله يفرج همنا جمييييييع .
  3. @baayda_aanha


    مرت علي بعد التخرج حالة مماثلة

    بعد فترة عرفت انها حالة اكتئاب

    بس نروح وتجي

    حبيبتي اذا طولت معاك لفترة طويلة لازم تشوفي اختصاصي

    لان الاكتئاب خطير اذا تطور

    ولا تنسى القران و التقرب الى الله

    اكيد حيساعدك

    و الله يعافيك
  4. @alansh_sosy

    صاحبة الموضوع
    ماعدت انا

    مشكوره ماتقصرين على المرور والله يخليلك الوالده بس هل سوت شي عشان تتغلب على هالاحساس وفاد معها


    moooony 5

    ماتشوفين شر يالغاليه اجل تابعي الموضوع معنا يمكن تستفيدين معاي عزيزتي


    بعيدا عنها


    مشكوره على مرورك على موضوعي بس كيف تغلبتي على هالاكتئاب وقد ايش ممكن اعتبره فتره طويله انا لي تقريبا 6 شهور اعاني هالشعور بوضوح
  5. @bt_6

    والله ماأقدر أنفعك لأنه ماعندي خبرة

    بس استخيري وروحي كم جلسة وإن شاء الله وإنت كويسة
    وبعدين لاتكتمي مشاكلك في داخلك طلعيها فضفضي ابكي
    يعني عبري عن مشاعر الحزن عشان تطلع مشاعر الفرح

تابعي تجارب أخرى من هذا القسم.