شاركي في النقاش

سجلي الدخول لإضافة تعليق.

التعليقات

85
  1. @am_saaody_2

    ماقصرتي علي كلامك ويعطيك العافيه .....

    والله يرحم الوالده هذا يومها ومقدر ومكتوب....

    والخيانه مصيبه بس وش نقدر نسوي مالنا الا الصبر عشان عيالنا ....

    واصلا معروف الرجال مالهم امان ابد ...

    والله يردلك زوجك ويسخررره لك يارب ويعرف غلطه ويعتذر....
  2. موضوعك مؤثر ... اسأل الله ينصرك

    المشكله ليست في الخيانه (خيانة الزوجه) اشوفكم ركزتم على فكرة ان الزوج تركك وراح للأخرى

    ونسيتم المصيبه العظيمه اللي هي انه هذا الشي اسمه زنا وهو من الكبائر ..

    القصد هنا هو انه كل وحده منا تزعل على حالها بس ونسيت انه زوجها واقع بمعصيه كبيره ويحتاج للتذكير والنصح ..


    اذا" يجب ان نصلح دينه ومعتقداته اولا ..
  3. @ghrshob_raabob

    والله يا اختي انها مصيبة عظيمة حلت بمعظم البيوت فهدمت بعضها وبعضها الاخر تصدى لها بقوة

    انا معاك يا اختي انها خيانة وتحزن القلب بس انا بقولك رايي انتي والبنات واتمنى تتقبلونه بسعة صدر وتفكرون فيه شوي

    ما اختلف معاكم انها خيانة عشرة وقلت اصل بس خواتي ساعات لما يواجهنا موقف مثل هذا في منا تقلب الدنيا وتترك البيت والعيال وتقيم الدنيا وتقعدها وتطلب الطلاق وبالتالي تتشتت اسره كامله بمن قيهم هي قد تكون ما عندها اهل يقدرون على اعالتها هي وعيالها فيقبلونها ويرفضون العيال الزم بهم ابوهم فتخسر عيالها
    او انها اهلها على قد حالهم وما يقدرون يعيلونها هي وعيالها وبالتالي تقع في مطب الكثير يقعن فيه فتقبل اما بالرجوع مذلوله وبشروطه او انها تقبل باي عريس او تعيش وسط ذل واهانه في بيت اهلها
    اما اللي يستقلبونها اهلها ويوقفون معاها تحس نفسها قويه بس لي متى وكم بتقدر تصبر في بيت اهلها بدون عيالها او حتى بدون زوج وبيت يخصها خصوصا اذا ماكانت موظفه وقادره تصرف على نفسها وعيالها ؟؟؟

    اللي حابه اقوله ان الطلاق ابغض الحلال عند الله ليش قال ابغض الحلال لانه يترتب عليه كثييييييييير من الامور اللي يمكن تضر اكثر ماتنفع وانا ماقول بكل الحالات ولكن باغلب الحالات

    نعم انصح اللي تنضرب وتهان وتسب بان تطلب الطلاق ولكن بان تلزم بيتها وتقابل عيالها ولا تعطيه فرصه يفرح بفراقها ويخلى له الجو تلزمه بمصروفها ومصروف عيالها بالاهل او بالقانون ان لزم

    الخيانه هي معصيه حالها حال اي معصية ثانيه ولها عقاب من الله سبحانه واللي يزني يزنى ولو بجداره بس الرجل معروف انه شهوته تتحكم بثلاث ارباع مخه !!!! فلا تفكرين نفس تفكيره نحن الحريم العكس لا تعتقدين انه راح يفكر نفس تفكيرنا بالبيت بالعيال وبالحرمه وبمشاعرها وباحاسيسها بالعشره بالاهل بالجيران ووش بيقولون عليه الناس هذا كله مايهمه لما تتحكم فيه الشهوه تعمي بصيرته طبعا مع قل الوازع الديني يكون التحكم من الشيطان اكبر واكثر

    خواتي صح الخيانه صعبه بس اللي اصعب منها ان نحن نسمح لوحده ماتسوى ظفرنا تهدم حياة بنيناها على الحلوه والمره وتشتت اطفال وتفرق اهل !!!

    اصعب لما ماتعطين نفسك فرصه مره وعشر تصلحين من نفسك اولا ثم من زوجك وتحاولين تلمين الغلط مب بالصبر لا بالعلاج عالجيه هذا اللي كان يقاسمك حياتك وفراشك وحبك وعيالك مريض بمرض اسمه الشهوه وعمى البصيره عالجيه حاولي توقفين معاه والعلاج يختلف من شخص لاخر ويبي له شده وثقه بالنفس ووقفه صادقه امامه وامام من تحاول تحطيم حياتك وحياة عيالك !!

    من عطاها الحق بهذا من سمح لها اذا كان هو سمح لها باللعب براسه واخذ مشاعره والتحكم فيه فلا تسمحين لها باخذ حياتك وبيتك وعيالك وقفيها ووقفيه عند حده يبي يصير لعبه بيدها ذكريه بربه اولا ثم بالعشره وبعياله واذا اصر خليه مصير الدنيا تدور ويعرف ان الله يمهل بس ما يهمل !!!

    خذي حقك وحق عيالك من عينه لا تتنازلين بسهوله اغلب هالعلاقات مؤقته وهشه اول ما يحاصر الرجل ويقع بصراع بين هذي وهذي لازم يختار واذا كنتي حكيمه وعزيزه غالبا سوف يختارك ويتركها ويرجع لك ندمان !!!

    بس اللي تصارخ وتسب وتترك البيت والجمل بما حمل وش تستفيد ؟؟؟

    انا ملكه على بيتي و مؤمنه على عيالي ومافي احد يستحق هالبيت وهالرجل اكثر مني ومن عياله !!! ليش اتركه بهالسهوله ؟؟؟

    انا ما اتكلم من فراغ يشهد الله علي اني الاسبوع هذا اكتشفت خيانه لزوجي على النت واعتبرها خيانه مثلها مثل المسنجر مثل الافلام مثل الصور وغيرها واول زواجي اكتشفت انه كانت له علاقه مع خدامة اهله !!! بس شو سويت !!! صارخت تركت بيتي وعطيته لها بكل سهوله !!!؟؟

    لا والله محد احق فيه مني محد احن على عيالي مني واهلي لو استحملوني ووقفو معاي يوم يومين سنه بس بعدين كل حد بينساني وبينسى اني انسانه لي مشاعر واحاسيس وابغي استقر ابغي اعيش في بيت وبين عيالي ومع زوجي اذا كانت بينا عشره حلوه هدمتها زانية وخاسئه واخذتها بدون وجه حق !!!

    تعرفون الاسبوع اللي فات وشو سويت لما عرفت بخيانة زوجي على النت ماتكلمت ابدا وزوجي ملتزم التزام شديد لدرجة مافي تلفزيون مافي له روحه لسناتر ولحيته لين بطنه
    المهم كنا نسوي سيرش على موضوع قلت له عليه ولما جيت بكتب الكلمه طبعا طلعت الكلمات اللي الاخ كاتبها !! هو تغير وجهه وانا كنت عادية جدا لاني شايفتها من قبل فلما مالقينا الموضوع قلت له تبي تدور على موضوع ثاني ؟؟؟ وطالعته بعيونه هو نزل راسه قالي شو قصدك قلت له ابدا بس اذا خلاص ماتبي شي بسكر الاب توب قال لي لا خلاص سكريه

    وقعد شوي وجاني وقالي اللي يغلط مب من حقه عليك انك تنصحينه وتسامحينه ؟؟ قلت له لما يكون واحد ثاني بنصحه ولما يكون ما يعرف الغلط من الصح بنصحه بس لما يكون بلتزامك المفروض انه يعرف الصح من الغلط وانا عارفه وشايفه كل شي بس وش تبيني اقولك لا تسوي كذا مره ثانيه ازعل واصارخ واكسر الكمبيوتر ؟؟؟ انا عارفه انه اذا ما جا هالشي من نفسك فعمري ما اقدر اجبرك عليه واذا ما اقتنعت انت انه غلط وقدرت تتحكم بنفسك انا ماقدر عليك بالعكس لو غصبتك راح تزيد اكثر !! وانا اعرفك يا فلان فيك خير كثير ويكفيني الندم اللي شفته بعيونك وثق تماما مهما شفت ومها سويت ماراح اتخلى عنك ولا تطيح من عيني مكانتك موجوده وانا مب غبيه انا اعرف واشوف وعندي خبر بكل شي بس اشوف لين وين تبي توصل واول ما تتعدى حدودك صدقني بوقف بوجهك وبقوه !!!

    هو يعرفني عدل ويعرف اني راح اتصدى له بكل قوتي واول سلاحي ثقتي بربي سبحانه وما راح اتنازل عنه بسهوله وبطلع حقي وحق عيالي من عيونه ولو اصر مثلا يتزوجها او حتى يقيم علاقه معها راح اتخلى عنه واطلعه من حياتي مب لاني ماحبه لا ابدا يمكن هو انسان مايستاهل بس انا مثلي مثل غيري يعميني الحب ومتحكمه فيني مشاعري واحبه بس بخليه لها لانه اول شي هو خلاني وتخلى عني ونسى اول شي ربه ونسى العشره ونسى عياله بتخلى عنه لانه يمكن يضرني بنفسي بصحتي بنفسيتي بنفسية عيالي ليش اعيش بهم وغم وهو يهيييييييييم حب وغرام ليش تحرقني الغيره وهو يحرقه الشوق ولهفة اللقا بالخاينه اللي معاه ؟؟؟

    ساعات نتنازل عصبا عنا وعن اشياء تمثل لنا الهواء والماء والحياة بس نتنازل لان مافي مجال نتمسك اكثر ولو تمسكنا بنخسر اكثر نسوي اللي علينا نحارب ونجاهد عشان نبقي هالبيت متماسك ونرجع كل شي لطبيعته ولهدوءه بس اذا رفض عمود البيت واهم ثاني شخص في البيت بعدك انه يستمر معاك ليش اجبره خله يعطيني حقوقي وحقوق عيالي وبالسلامه !!!

    خيانة النت مب مثل خيانة الفراش وخيانة الصور والافلام مب مثل خيانة مع الخدامه وكل حاله لها علاج وكل موقف له طريقة لمعالجته ولو كل وحده تركت بيتها وطلبت الطلاق لخيانة زوجها باحدى هالخيانات كان معظم الحريم اللحين مطلقات وبلا بيوت !!

    بس الشاطره اللي تفوز في النهاية وترفع راسها قدم الكل واولهم زوجها والخاسئه اللي معاه وتنتصر بالاخير اذا مش بالدنيا بالاخره

    حفظي حقج من البداية ولا تتنازلين عن حقوقك وواجباته تجاهك وتجاه عياله وخذي مصروفك وامني نفسك بوظيفه اذا قدرتي ولا تخلين الزوج اكبر همك خلي ايمانك وثقتك بالله كبير وتمسكي بعيالك وببيتك لاخر رمق وخليه هو اللي يطلع مش انتي هو اللي يخسر مش انتي لا تتنازلين عن عشك بكل هالسهوله وتهدمين كل شي بلحظة عناد والم


    يمكن كثير من الاخوات يخالفوني بالراي بس اتمنى تفهمون انا شو قصدت وتفكرون فيه شوي

تابعي تجارب أخرى من هذا القسم.