أنا حامل وفيني فقر دم شديد ساعدوني شلون أتغذى ؟
السلام عليكم ورحمة الله وبركاته .. ما أطول عليكم أنا الحين حامل بالشهر الرابع والحمدلله ، وأجهظت 3 أطفال قبل هالمرة كلهم بالخامس أو السادس وصار معاي نزيف وانقلولي دم بالمستشفى وبعدين صار معاي خلل بالهرمونات وبعد سببلي نزيف عالجته الحمدالله وحملت بعدها لكن دمي ضعيف وااااااااااايد ومن أول ما حملت وأنا ينزل علي دم لأن المشيمة نازله عندي ، المهم مشكلتي اني ما أتحرك لأن أي حركة حتى لو بسيطة ينزل علي دم فإذا كليت أي شي ما ينهضم عدل وأستفرغ (كرمكم الله) لأني ماأتحرك إلا حركة بسيطة ، فالله يعافيكم اللي تعرف عصيرات مفيدة وخفيفة وتعالج فقر الدم بسرعة تسعفني فيها وتعلمني طريقتها إذا أشربها على الريق أو عادي أي وقت ، مع العلم ان حبوب الحديد ماتناسبني لأني جربتها وسببتلي امساك (تكرمون) . ومشكورين وآسفف على الإطاله