مرت اخويه ادعي عليها ليل ونهار الله ينتقم منها

مساء الخير اخواتي


حادخل في الموضوع مباشرة وابغاكم تاخدوا عظة وعبرة ترى كلنا زوجات اخوان ومش كل زوجة اخ يعني شريرة لكن اتقوا دعوة المظلوم.

وما ابغى وحدة تجي تدافع عن زوجات الاخوان لاني كاتمة في قلبي واللي يده في النار مش زي اللي يده في المويه.

انا عندي زوجات اخواني كلهم احبهم وزي اخواتي وكل وحدة مستقلة في بيتها وعايشة لنفسها . كلهم يحبونا ونحبهم

ماعدا بنت عمي الله لايوفقها.

تمسكنت لحد ما تمكنت كانت تعمل نفسها طيبة هي وامها وبحكم انهم كانوا في مدينة تانية ثم جوا لنفس مدينتنا ما عرفنا ماضيهم وعملوا حالهم طيبات وشافوا كيف اخوي طيب وينشرى واهم حاجة انه كان مليونير وخدووووم وهادي الحاجة اللي اكتشفنا انهم يبغوها.

تقربت من اختي وصارت تشتكي لها من عمي ابوها يعني واختي هادي عاطفية صارت تتكلم عند اخويه وهو رحمها وكان يعرفها وهي صغيرة ويحبها وهي طفلة فتعلق فيها زيادة وخطبها واحنا ما تدخلنا لان هادي حياتو وهو حر فيها وكنا نظنها طيبة وعاملناها باحترام زي بقية زوجات اخواني .

المهم تزوجت اخونا ولحست مخه لانها بنت فقر وشافت النعمة فجاة وبعد ماكان هو اطيب اخواتي للماما صار سليط اللسان وبعد ماكان كريم صارت كل فلوسه لامها واخواتها وبعد ماكان يودي ويجيب سارت سيارته لاهل زوجته مع اننا كنا نشيلهم مع السواق لكن راح السواق وسار اخوي لويشوف ماما ميتة ما يوديها للمستشفى لكن لو يسمع ان اختها مزكمة راح جري من الخوف.

هي سليطة بالمرة البنت وزادت سلاطتها مع السنوات وصارت بجيحة مرررة وما عليها في احد.

احنا سرنا نتجنبها وماما تخاف لا يزعل ابنها لانه معاها على طول الخط.

والله والله والله ربي حيحاسبني انها تألف علينا كدب واخونا يصدقها وتحلف عليه ما يقولنا عشان ما نكتشف كدبها لكن احيانا يلمح بحقد واحنا زي الاطرش في الزفة واكتشفنا انها تكدب وتألف بس بعد ايش؟؟ فيها غيرة تكفي بلد وتبكي لما تشوف وحدة حلوة او تشوفنا نحب اولاد اخواني الباقيين وتقول انتم ما تحبوا ابني! من كتر ما شفنا منك.

تدخل علينا بيت اهلي بدون استئذان وما ندري الا وهي ناطة علينا عشان تشوف كل حاجة وما يفوتها حاجة لكن هي والله ما نعرف بيتها من وين وما عمرها عزمتنا او قالت اتفضلوا واهلها كل يوم والتاني عازمتهم . ولما تبغى تطلع ترسل ابنها عندنا من غير حتى ما تسأل ان كنا حنقعد او نطلع او ننام !ولما يطيح او يسير لو حاجة تسوي فضيحة . والشغالة تروح لاهلها والولد عندنا.

لوما تجي من السفر تعمل حالها مشتريه لنا الهدايا وتاخدها باسمنا واخونا يدفع ولما تجي تديها اخواتها وهو طبعا يشوفها داخلة بالكيس يظن فيه الهدايا وهي حاجات تانية تخصها او تخص ابنها.

لما سافرت ودت ابنها والشغالة لاهلها قامت ماما دقت عليهم وقالت اشتقنا للولد حنجي نشوفه قالت اختها روحي استاذني من اختي اول تخيلوا . قلت ماما لايلومونا لما ما نحب ولدهم .

كل هادا غيض من فيض غير الاشعات اللي تطلعها علينا ولقافتها ولفها ودورانها وتسحيب الاخبار من الاطفال وغيرو وغيرو.

صرنا ندعي عليها وبقوة كمان ان ربي يشغلها في نفسها ولا تقولوا لا تدعو حندعي وحندعي وابشركم بديت اشوف نتيجة الدعاء في صحتها حسبي الله عليها .يا رب توريها في ابنها اللي يحرق قلبها زي ما خلت اخويه يحرق قلب امي يا رب يا رب يا رب.

الموضوع للفضفضة يا اخواتي لاني مولعة منها ولازلت ادعي عليها. احذروا من دعوة المظلوم.

165 تعليق 20,357 مشاهدة

شاركي في النقاش

سجلي الدخول لإضافة تعليق.

التعليقات

157
  1. @lmaaaar2008

    الله يهدي اخوك ويسخره لكم العيب مو فيها العيب في اخوك مع احترامي لك
    لو هو مقدركم ومقدر امك كان ماتمادت
    اهم شي تتأكدو لايكون مسحور
  2. @ana_zyzy

    يا حياتي قوولي حسبي الله ونعم الوكيل لا تدعين عليها ولا على ولدهاااا ايش ذنب ولدهاااا حرام عليك وخليك احسن منها وحسبي الله ونعم الوكيل تكفي
  3. @am_aabady_ohsn

    ما اشوف في شي يستاهل كل هالدعاء في ناس تنظلم باشياء كبيره بس يخافون يدعوون مثل دعائك

    اختي حرام تدعي على الولد هذا ابنكم شو ذنبه الله يهديكم

    طنشوهم وخلوهم وبعدين اخوكي كبير وفاهم مافي حرمه تضحك على رجل

    الله يهدي اخوكي ويهدي زوجته ويهديكم جميعا لبعض

تابعي تجارب أخرى من هذا القسم.