شاركي في النقاش

سجلي الدخول لإضافة تعليق.

التعليقات

44
  1. @rmsh_alaayon2

    اعلمى اختى انه حتى لو لم يستجاب دعاءك فالله حكمه فى ذلك اما بدفع ضرر عنك او ادخاره لك فى الاخره

    صحيح موضوع التعداد مؤلم على الزوجه ولكن هذا ليست نهايه الحياه دام انه قايم بشؤون بيته وقادر على العدل بين الزوجات

    اما تدعى الله انه يطلقها فالله مايستجيب لك بشئ محرم

    تاكدي انك لست اول وحده ولا اخر وحده زوجها يتزوج عليها هناك الكثير من الحريم مثلك

    ولكن تحلى بالصبر وركزي فى بيتك واطفالك احسن لك
  2. حبيبتي انتي :(
    والله انا دايما متابعتك ويوم وشفتك بطلتي تتكلمين في سيرته وبديتي تنشغلين بمواضيع ثانيه مثل الاشغال اليدويه وغيرها والله اني فرحت وقلت انك بديتي تسلين
    ياعمري انتي انسيه وطلعيه من راسك انتبهي لعيالك حطي اهتمامك فيهم ربيهم احسن تربيه وعوضيهم وعوضي نفسك فيهم
    صدقيني هم الذخر والمكسب لك .. ولا الرجال عمره مادام .. والسخره ياعمري بيد رب العالمين .. انتي ماعرفتي كيف تكسبينه .. وصدقيني كثر همومك وتكشيرك هي اللي تنفره .. يمكن هي مريحته وشايله همه مو تزيده على همومه ..
    بعدين الزواج مو اخر الدنيا .. خليه ياخذ راحته انتي ليه تخلينه هو محور حياتك .. اهم شي انه مو مقصر في حقك وحق عيالك وقايم بواجباتك وواجباتهم ..
    قولي الحمد لله على كل حال ولاتخلين الياس يتمكن منك .. اشغلي نفسك بعيالك وبحياتك وطلعيه من راسك نهائيا صدقيني بترتاحين ولا تفقدين ثقتك بنفسك مهما صار .. ولاتفقدين ثقتك بربك .. واتاكدي انها مصيرها تفرج .. بس انتي ساعدي نفسك .. اقنعي نفسك انه السعاده مو بس قربه .. السعاده عيالك ووجودهم بحياتك .. السعاده قبل كل شي قربك من ربك . . ريحي بالك واستغفري ربك عن كل سوء ظن وصدقيني كثر مااتعلقين بالله كثر ماراح تنسين زواجه عليكي وكثر ماراح تحسين بقيمة نفسك وتحسين براحة البال فعلا
    الله يفرجها عليكي وينزل على قلبك الطمأنينه والقناعه وييسر لك كل امورك يارب :)
  3. @blue_angle

    تدرين انتي قلتي مشكلتك وحلها
    يااختي اولا انتي دعيتي ولاتشكين ابد ان دعائك راح هباء منثورا لا وربي انه باقي وبتشوفين حسنته بحياتك وحياة اولادك
    ثانيا يااختي انتي قلتيها "انا عايشة بهم وغم وهم مبسوطين" يعني مااحد درا عن هوا دارك لو تموتين او تجيك سكتة او يجيك مرض ماجابوا خبرك
    هل هم يستاهلون يجيك كذا؟؟؟
    اكيد لا ولا احد بالدنيا يسوى دمعة من عينك او كدر بصدرك
    يااختي عيشي حياتك ومتعي عمرك وانسي رجلك وهو بيرد لك يركض وراك ركض
    بس انتي الحين لازم تشتغلين على نفسك يعني انسي الدنيا وخليك بنفسك
    فكري بعقل دام محد داري عني انا مالي داعي ازعل واضيق
    دام ربي معي وانا مسلمة مالي داعي اضيق
    دام ربي منعم علي ومتزوجة وعندي اولاد في ناس ميته على بيبي واحد اللهم لك الحمد انتي بخير وعافية مو زيهم من طبيب لطبيب وبعضهم يراجع دجالين وسحرة ويتعلق بكل شي صح او خطا
    انتي مو كذا
    ربك معك واكبر دليل مووضوعك هذا شوفي كلماتك كانك تقولين يارب لاتتركني وربك ماخلقنا وتركنا
    تبين تعرفين بالخطوات شتسوين خوذي التعليمات وطبقيها بجدية اقسم لك بالله مابتكملين اسبوع بهالضيقة :
    1_ ادعي ربك وقومي بكامل فروضك كاملة وحاولي تركزين بقوة بصلاتك حتى لو شغلك ابليس مرة مابيقدر عليك المرة اللي بعدها
    2- اهتمي بنفسك وبس بنفسك وماعليك من احد ماعليك من زوجك ولاتهتمين ولاتحاولين تعرفين اخباره او كيف تعامل زوجته معه وكل ماحاولتي تضيقين نفسك باخباره على طول غيري مكانك روحي المطبخ تفنني بالطبخ واعزمي اهلك وذوقيهم
    3- سوي نيو لوك غيري عمرك من راسك لساسك غيري لون شعرك خففي وزنك غيري ستايل لبسك جاء الوقت انك تشترين الوان فاتحة وبناتية وحركات ناعمة واكسسوارات وابوات وكل شي بناتي ونعوم
    4- كلمي صديقاتك اللي لك مدة عنهم واعزميهم او تواعدي معاهم بمكان وغيري جوا
    5- عندك اولاد العبي معهم فسحيهم واتفسحي معهم مو بس تتفرجي لهم سولفي معهم وربي ان الاطفال يوسعون الصدر
    6- جيبي مجموعة كتب جديدة بموضوعات عمرك مااهتميتي فيها سواء ادب تاريخ او علم نفس او علم اجتماع او حتى مواضيع علميه او دينية واشتري الكتب اللي فعلا تتكلم عن كيف تعيشين حياتك بدون هموم ومنها كتاب الدكتور العريفي (استمتع بحياتك)
    7- غيري كل شي ببيتك غيري مكان الاثاث وجيبي زرع وحطي لك كرسي خاص ومكان خاص لك انتي وبس تجلسين فيه تقرين وتشربي قهوة واهم شي (ماتفكري بشي)
    8- لاتقارني نفسك باحد هذي تزوج رجله ورجع لها او هذي صار معها احسن او ذي ما اعرس عليها وهي اكبر مني ابداااااا لا تقارني ابد لانك احسن منهم ومافي مجال للمقارنات خليك بنفسك وبس واول مايجي ببالك تقارني احد بنفسك على طول رددي (انا احسن منهم ومابقارن نفسي باحد)
    9- ترا بزعل بجد اذا بعد كل هالحكي اللي تكسرت يديني وانا اكتبه تجين تقولي مااقدر ترا تقدرين وابليس اضعف منه مافيه اغلبيه هو مايبي الا يبعدك عن ربي ويزرع الياس بقلبك ويحطمك ويدمر دنياك واخرتك
  4. @almash_hsash_8

    شكلك يا اختي تحبينه بجنوووووون !!! لازم تحبين نفسك عشان تقدرين ترتاحين وتعشيين بسعاده ليش تضيقين صدرك عشانه ليش!!!هو باعك انتي بعيه وانسيه وانتبهي لصحتك النفسيه والله ثم والله ان استمريتي على هالحال ان تجييك امراااااض ما تتخيلينه ولا تحسبيين اني ابالغ والله اني صادقه!!
    غيري شخصيتك خلك قويه انسيه وحتى اذا جاك تجاهليه ولا تركضين وراه خليه يركض هو راك!! انتبهي لنفسك وعيالك ورفهي نفسك واطلعي وانبسطي وكوني لك عالم خاص بك,, صدقيني راح يتغير كل وضعك ,,بس اهم شي لاتقولي دعيت وربي ما استجاب ترى هذا قنوط وربي ماراح يتقبل منك اي دعاء ,,خلي ايمانك بالله قوي وتوكلي عليه والدعاء ياعمري مايضيع ربي يتقبله بعد فتره ولا يدفع عنك بلاء كان مكتوب عليك ولا تحتاجينه يوم القيامه ويمكن تتمنين ان ربي ماتقبل منك ولا دعاء !!!!!!
    تقربي الى اللهمو عشان يرجعلك زوجك عشان الجنه وعشان اخرتك عشان ربي يسعدك دنيا واخره الزوج باله زوج اذا خسرتي خياتك واخرتك عشانه وش بينفعك!!! اكثري من القران والاستغفار وتقربي للله حب فالله مو طمعآ بشي من الدنيا ,, والله ضاق صدري عليك مررررره ودي اسويلك شي بس لازم تتغيرين وليتي اعرفك كان جيتك الحين !ودي تتغيرين يا اختي وابيك توعديني انك راح تحاولين,,,, الله يسعدك دنيا واخره ويفرجها عليك وعلى كل مسلم

تابعي تجارب أخرى من هذا القسم.